# Raja-ei Việt Nam ba mbuan lagaih di abih piah ka dom urang khoa học pataom tame roh duah, patagok khoa học công nghệ. Nan lac panuac ndom di Phó Thủ tướng Vũ Đức Đam tuk peih Nyaom biai taom gaok Việt Nam mbang ka 12 bahrau rah tabiak pak bal Quy Nhơn, tỉnh Bình Định. Nyaom biai pachreih hu labaih 1.000 urang khoa học, urang roh duah dalam taneh aia saong dunya mai pataom mbaok. Nyaom ini hu mbaok di 5 Giáo sư mek hu giải Nobel dunya, dalam nan hu Giáo sư Ngô Bảo Châu.

    # Rilo bruk hu peih ngak pamaong tal pahadar 55 thun bala kalik truac di Việt Nam (10/8/1961-10/8/2016). Dalam nan, bruk njauk caik hatai lac Nyaom roya pakacah "Kayua urang njauk jru mek kalik truac “pakat negar mbang yaka III peih tabiak meng harei 12 – 13/7 hu mbaok di 300 urang jakar. Ginum biai “taong yaom kanyak jhak di jru mek kalik truac/dioxin kayua Mỹ pandar dalalm mersuh metak di Việt Nam". Abih di nyu, bruk mít tinh pahadar 55 thun bala kalik truac di Việt Nam hu mbaok di 1.000 urang .

   # Meng akaok thun ini, pak xã Yên Lỗ, huyện Bình Gia, tỉnh Lạng Sơn hu 5 mbang tảo hôn. Umo tảo hôn di dom diuk pasang meng 16 - 17 thun. Thun dahlau huyện Bình Gia hu 24 mbang tảo hôn rah tabiak pak 9/19 xã. Sa dalam dom makna  ba tal tảo hôn lac kayua adat cambat tanarakun saong hatai saneng tok gauk avar piah hu ralo anek taco, hu urang ngak, langiu di nan kayua bruk bac da-a di bhap bani daok biar.

    # Tui kuria samal, mbang hajan ribuk barau blaoh ngak ka dua urang di ban sit Hạ Long, tỉnh Quảng Ninh metai. Urak ini, hajan praong oh padheih, dom puk palei hu hajan sit hamiet ye ban sit Móng Cái, thị xã Đông Triều. Tui panuac khan  di Đài khí tượng thủy văn Quảng Ninh, urak ini di Móng Cái, Hải Hà, Đầm Hà jeng daok hu dom sruh  taginum  meda ngak tabiak hajan saong ribuk di dom labik ini .

   # Daok dalam dom bruk di Hành trình Đỏ 2016, pak bal sit Dương Đông, huyện Phú Quốc, tỉnh Kiên Giang bahrau rah tabiak harei pataom brei darah hu angan "tanjaoh darah hồng Đảo Ngọc". Ini lac harei pataom brei darah hu peih ngak gah meraong di chiến dịch Hành trình Đỏ 2016 hu peih tabiak pak 27 tỉnh, bal dalam negar ngan haong kadha "Pambuak pagam darah Việt". 

   # Tui kuhria mboh di pasak Y tế Dự phòng tỉnh Gia Lai, tukvak tal ruak pandiak tabiak dalam tỉnh daok rah tabiak jhak kayua lingik tuk pandiak tuk hajan saong bruk randap caik piah ia piah pandar di bhapbini. Piah pacang cakak bruk mbuan patuh tabiak ruak panidak tabiak darah, pasak Y tế Dự phòng tỉnh hu jak ba dom gah, menuac urang ba dom urang jakar dut iek gam gam mật độ jamaok, lăng quăng, bọ gậy di dom puk palei hu ruak piah hu jalan langyah samal. 

   # Lambaok urang pal akaok tỉnh Đồng Nai brei thau meda ba tabiak jalan langyah ong Trương Long Châu, Phaok akaok ban bangsa tỉnh ini hadei di tuk hu hu panuac di gah công an brei thau cambaih ka bruk ong Châu peih radaih dalam tuk daok mebuk alak, ba tal bala di melam 6/7.  Hadei di bala, ong Châu njauk rambuis biak trak. Yau nan min, ong ini jeng samar vak harak pok tagok dom urang dang akaok tỉnh Đồng Nai. Tui điều tra di gah công an, tỉnh meda ba tabiak jalan langyah bruk ini.

     Khaw tin dunya

   # Tui kuhria mboh barau abih di rajaei I-rắc, kuhria tal urak ini, dom urang metai di dua mbang khủng bố di ban ine Bát-đa (Baghdad) di I-rắc klau harei dahlau tagok tal 250 urang. Dom urang bị thương hu trun kayua hu tabiak truh sang iek ruak. Trak abih lac mbang patuh mbom di labik pablei salih Ka-ra-đa (Karrada). Sruh radaih pajeng bak mbom patuh ngak ka dom khu phố ini njauk khat lihik trak. Ini hu maong lac dom mbang patuh mbom bak darah abih di I-rắc kuhria meng thun 2003 tal ini.

   # Yaok ribau công chức Zimbabwe ba gauk đình công piah cagar veik bruk raja-ei ba-Yar jien bilan suai dalam tuk căng thẳng daok tagok kayua kinh tế di negar gah meraong châu Phi ini daok gaok ralo kan kandah. Cảnh sát brei thau hu cap mek 94 urang dalam mbang biểu tình, bạo động dalam dom harei tapa.

   # Ginum biai Biển Đông yaok thun mbang yaka 6 thun 2016 kayua danakdak Sáng kiến minh bạch hàng hải châu Á barau rah tabiak di Washington. Ginum biai Biển Đông thun 2016 hu menuac sia sangka kayua bruk ini rah tabiak njauk harei Toà Trọng tài Thường trực (PCA) hu jabat di La Hay (Hà Lan) kuhria tabiak phán quyết ka bruk Philippines kiện dom tuyên bố chủ quyền phi lý di Trung Quốc di Biển Đông./.