Khaw tin 19h00, harei 11/11

# Harei 11/11, Mentri Kế hoạch saong Đầu tư brei thau ka Dự thảo kế hoạch bruk ngak pakat negar peih ngak danak dak nghị sự 2030 brei ka bruk cakrok patagok khang kajap. Tui nan, tal thun 2030, Việt Nam kham merat mek hu 17 mục tiêu, dalam nan hu: abih bruk eik lipa; grap tanat an ninh pandap panda, pasiam veik dinh dưỡng saong jhul pakhang bruk ngak nong tui jalan khang kajap; trun bất bình đẳng dalam rahra… Bruk ngak nan lac jalan adat piah ka Việt Nam peih ngak harak sanya haong dunya, rik daong tame dom kham merat di dunya ka bruk cakrok patagok khang kajap.

# Mblang darak parang iek ngak nong pakat dunya mbang yaka 16 - AgroViet 2016 daok rah tabiak di Hà Nội, ngan saong kadha “ pandap ngak nong khik caga chất lượng, an toàn pandap mbang menyum. Mblang darak rah tabiak di 5 harei, meng ini tal harei 15/11. Ngan saong quy mô 400 gian pandap di 300 doanh nghiệp dalam taneh ia saong dunya pataom tame , AgroViet 2016 yaih khan yaok rabau pandap ngak nong lac đặc sản dom bhum, pandap mbang menyum khik caga an toàn hacih saat pandap mbang menyum hu ngak tui chuỗi, công nghệ saong thiết bị khik caga, chế biến pandap mbang menyum, duh ka ngak nong tiên tiến….

# Ủy ban Bhap bani tỉnh Quảng Trị hu tabiak quyết định ka bruk tạm brei jien phun ka dom puk palei peih ngak bruk bayar dom khat lahik kayua môi trường tasik hu brei thau di Quyết định 1880/QĐ-TTg harei 29/9/2016 di Thủ tướng Raja-ei. Tui nan, tỉnh ini hu buh tabiak meng kadung jien Trung ương daong labaih 114 tỷ đồng tạm brei ka dom puk palei peih  bruk bayar   dom khut khat kayua  môi trường tasik: huyện Vĩnh Linh 33 tỷ đồng, huyện Gio Linh labaih 81,4 tỷ đồng.

# Urak ini, rilo sang bhapbini raong ikan bớp di tỉnh Quảng Ngãi daok pandiak hatian kayua yaom laik jang. Urang raong ikan daok pablei lỗ, khik veik lac oh ginup khả năng piah khik pandap mbang. Saai Nguyễn Kim Đức, daok di palei Sơn Trà, xã Bình Đông, huyện Bình Sơn brei thau, bilan ikan thun ini saai palao raong 6.000 ikan pajaih dalam bảy bè raong, yaom lac ikan hu tapa lứa, min saai jeng kham merat khik ikan dalam lồng. Kayua yaom ikan ala 90 rabau  đồng yaok ký ye urak ini lac saai lỗ vốn.

# Tukvak tapa, pabah lamnge La Gi pak bal sit La Gi, tỉnh Bình Thuận bhian njauk cuah bồi lấp ngak ka ralo sruh gilai di urang taong ikan oh daok nao mai hu. Kadha njauk ndom nan lac, yaom lac pabah lamnge di tasik ini hu peih bruk kuac kuah, khơi thông, min bruk cuah bồi lấp jeng oh ka pasiam veik, ngak ralo khat lahik ka drap ar jeng yau ngak ka mikva di labik ini duh hatai.

# Thành Đoàn ban raya Hồ Chí Minh khan brei thau barau pilih ruah alin  giải thưởng “gru pato ranaih umo hadah trah ” thun 2016. Meng di nan, meng  760 hồ sơ kayua 65 libik ba tagok piah pilih ruah giải thưởng, Hội đồng pilih ruah hu nyaom saong gauk pok meyaom 214 greih camin gru pato ranaih umo hadah trah. Danakdak pok meyaom rah tabiak di harei 18/11 di  Hội trường sang ilimo dara ban raya .

# Harei ini  10/11, Công ty cổ phần Vận tải jalan pasei Sài Gòn, Bal raya  Hồ Chí Minh peih pablei taong abih mbang ka 2, ngan haong 17.500 vé tàu Tết Đinh Dậu 2017. Ini lac dom daok dalam dom toa gilai bo dahlau diah công ty njauk kareik piah pasiam veik, patagok jeng dom toa radaih chất lượng glaong saong ngak salah blaoh samar jang dut haong bruk ba tabiak nan lac akaok bilan 12. Tui panuac khan di dom urang nao tàu, yaom lac hu mong iek tukvak piah đặt blei vé angaok mạng min jeng kan duah hu vé yau hatai caing khin.

     Khaw tin dunya

# Anek sên tasik hu sa urang thợ nyuk ia duah mboh di langiu ar tasik Bali hu 13 takai saong baok akoak trong suốt, ngak ka rilo urang sahaneng tal  sinh vật langiu hành tinh. Janih sên atah jaik 12,7 cm ini bhian daok di dom labik tasik nhiệt đới di Ấn Độ Dương saong Thái Bình Dương.

 # Liên hiệp châu Âu kuhria mboh dahlau tốc độ patagok dalam dom taneh ia pandar jien  ơ-rô meda suai veik dalam thun 2017 kayua bruk cai pandar  trun dalam tuk bruk lạm phát daok tagok.

# Tòa án ban Phnôm Pênh, Campuchia barau tabiak phán quyết tuyên phạt Thượng nghị sĩ đảng Cứu nguy bangsa Campuchia  đối lập Hong Xốc Hua 7 thun guk kayua giả mạo tài liệu saong kích động nổi loạn./.