Khaw tin 19h00, harei  12/11

# Tukvak tapa, Bảo hiểm xã hội tỉnh Sơn La hu jul khang bruk pathau khan tui ralo jalan ngak tal bhap bani, abih di nyu lac bhap bani bhum tapen negar thau ka yaom glaong di bruk blei bảo hiểm xã hội, bảo hiểm y tế. Urak ini dalam tỉnh Sơn La hu labaih 1 triệu urang blei bảo hiểm xã hội, bảo hiểm y tế, dalam nan  bảo hiểm y tế mek hu 90,6% bhap bani.

# Menuk mbon ceik hu angan Yên Thế di tỉnh Bắc Giang daok hu caga piah pablei tuk Tết Nguyên đán jaik tal. Tui kuhria, hu jaik 1,6 triệu drei hu ba tabiak darak pasal. Dom sang raong hu pasang iek an toàn tui jalan VietGAHP, raong ginup tukvak saong oh pandar jru pakauk dalam raong glang.

# Dom harei tapa, yaok rituh lồng ikan dalam danao Cầu Hai jaik pabah lamnge Tư Hiền dalam huyện Phú Lộc, tỉnh Thừa Thiên-Huế hu ikan metai rilo, dalam nan meng lac ikanvẫu saong ikan mú raong meng bian 3 meng blaoh, yaok drei teik trak meng meteh ký tal 1 ký meteh. Bruk ikan metai ralo nan rah tabiak di xã Vinh Hiền, huyện Phú Lộc. Tui kuhria mboh tuk tuk akaok merei di karja puk palei, ikan raong metai tagok tal yaok pluh tấn, khat lahik yaok pluh tỷ đồng.

# Ủy ban bhapbini tỉnh Lâm Đồng barau hu harak tacei pato paglaong bruk khik ramik saong peih ngak rija roya dalam tỉnh, dalam nan hu bruk “ oh peih ngak adat klauk kubao dalam dom rija roya mengkan. Klauk kubao lac adat praong di dom rija roya mengkan di bhapbini dom bangsa di Tây Nguyên. Urak ini, hu panuac lac njauk khik veik, kayua ini lac adat greih mekre, rik daong ngak jeng ilimo dom bangsa bản địa Tây Nguyên. Min, jeng hu panuac lac njauk klak kayua ini lac bruk ngak oh siam dalam raidiuk barau.

# Ủy ban bhap bani bal raya Hồ Chí Minh bahrau tabiak “Quy chế pambuak bruk daong padang mbang ngui salih bahrau sáng tạo”, piah daong ka dom dự án padang mbang ngui hu pandar kadung jien karja brei ka bruk ngak khoa học saong công nghệ di bal. Dalam nan, yaok dự án hu daong ralo abih 2 tỷ đồng.

# Urak ini tỉnh Hậu Giang daok peih ngak danakdak bruk ngak negar ka padang ngak palei pala barau, huyen barau, dalam nan piah peih ngak  tiêu chí ka 7 ka darak palei pala. Min, oh njauk ngak darak kayua labik ngak darak jaik taphia dom libik hu darak blaoh meng kan mai, minm piah  ngak hu tieu chi xã palei pala barau, karja puk palei nao jak ba  bhapbini klak quỹ taneh, ieu buh jien padai tame piah ngak darak. Hadei di tuk ngak ginup tieu chí, karja puk palei oh kham merat jak ba dom urang pablei salih tame darak pablei salih piah ka darak klak saoh, ngak khat lihik trak ka kinh te di bhapbini.

# Kayua oh hu điện lưới, yaok pluh baoh sang di xã Nguyễn Phích, huyện U Minh, tỉnh Cà Mau daok gaok ralo kan kandah dalam bruk ngak mbang pala drak. Bruk pandar điện tui jalan pambuak pagam iku dalam tukvak tapa oh siam, mbuan ba tal bala. Taduan mek panuac khan di kapul urang Quốc hội tỉnh Cà Mau, bahrau ini gah điện lực tỉnh Cà Mau hu pambuak haong karja puk palei pasang iek saong padang jalan pabak điện di labik ini. Thun 2017, điện lực Cà Mau dui điện nao tal dom palei di xã Nguyễn Phích, huyện U Minh.

          Khaw tin dunya

# Dom urang alamu Mỹ barau duha tabiak sa janih vaccine  meda pasiam hu dom janih ruak cảm cúm, nan lac jaik 88% chủng phổ biến di baok ruak hu y học barau thau tal. Dom urang roh duah brei thau, jru tavao barau meda khik caga suai livik bruk pacang cảm cúm, caga pambak jit ruak. Jru hu ngak iek di anek kra, brei mboh siam lagaih saong hu dom bác sĩ jia tame rilo.

# Atah di ini dom harei, ong Tha Nat, phaok akaok Tổng cục khik iek phun glai di Ủy ban khik caga inem mek Kalan Ang Ko, dalam tỉnh Xiêm Riệp, Campuchia ba akaok 5 urang jakar di Ủy ban nao kaoh sa phun trắc dalam labik inem mek. Phun trắc hadei di nan hu urang mai blei payaom tal 200 ribau Đôla Mỹ. Hadei di tuk thau bruk ini, 5 urang jakar ini njauk njauk padeih bruk, blaoh daok khởi tố vụ án, mek kareik kuhria ba tabiak xét xử.

# Urang jakar Pháp brei thau, barau peih sa pasak taduan mek urang di cư mai daok di langiu ban Paris, hadei di tuk yah klak libik tị nạn di glai Calais gah meraong taneh ia Pháp. Hu  padang ngak di gah Brak ban ine Paris saong jaik sa sang  ga, pasak  ini meda taduan mek meng 50 - 80 urang sa harei, meda caik tal 400 urang saong tui kuhria meda tagok tal 600 urang di puac thun ini. Bruk njauk caik hatai nan lac pasak ini tok caik karei ka dom urang likei daok sa drei.