Khaw tin 19h00  harei 13-6 saong 6h30 harei  14-6

# Dalam tuk pahadar 91 thun harei Báo chí Cách mạng Việt Nam (21/6/1925 – 21/6/2016), Jabat thường trực gah meraong, Ban Tuyên giáo Trung ương, Ban Tuyên giáo Thành ủy ban raya Hồ Chí Minh,  Hội Nhà báo Việt Nam peih danakdak Điểm hẹn bilan 6 mbang yaka dua thun 2016. Bruk ngak di danakdak piah ba mblang mein ka dom urang vak báo taom gaok, ndom biai nao mai ngan saong dom kadha “bui sambai, trí tuệ, chreih chrai saong ilimo”, piah gam kak kajap talei rohim urang ngak báo, gam bac megru, taom gaok, daong gauk dalam chuyen mon nghiep vu.

 # “91 sinh vien Hàn Quốc ndem cambaic sap Viet hu jeng urang ngak bruk asar glaong di Hàn Quốc pak Viet Nam”. Ini lac kadha hu urang lambaok sang bac Đại học Văn hóa Ha Noi brei thau di var tamat vaktu bac sap Việt ka dom urang di Danak dak Sang khik iek pablei salih dam dara  dunya 2015 -2016, birau peih ngak di Ha Noi. Ini lac tal bac mbang ka 5 kayua sang bac Đại học Văn hóa Hà Nội pambuak saong Học viện DaewooSky peih ngak, piah pato pakai dom urang joi sap Viet, thau tantu ilamu Viet Nam, meda diukrai, ngak bruk siam di Viet  Nam.

      # Dom gah chức năng tỉnh Quảng Trị pandar labik ngak saong pablei bánh ướt di darak Do padeih pablei salih kayua medil lac bruk labaih 70 urang daok di huyện Vĩnh Linh, Gio Linh tỉnh Quảng Trị njauk jru mek pandap mbang kayua mbang ahar di cơ sở ini. Urang ba tame sang iek ruak mboh pandiak glaong, ruak tian rilo mbang yau nan ye laman lamuac oh ka nao sang. Chi cục Khik caga pandap mbang hacih sa-at tỉnh Quảng Trị mek mẫu bánh ướt di labik pablei ahar bánh ướt pak darak Do ba nao duk iek.

     # Hadei di tuk rayo sap ndom Vn brei thau ka bruk lâm tặc jak tak glai di tiểu khu 474, dalam xã Măng Cành, huyện Kon Plông,  Ủy ban bhapbini tỉnh Kon Tum hu công văn khẩn payua karja puk palei saong gah chức năng tacei pandar pasang iek ngak brei cambaih bruk. Hu thau, karja saong gah chức năng di tỉnh Kon Tum urak ini hu tabiak dom bruk chip piah pacang caga kol  lâm tặc tame tiểu khu 474 mek kayau .

     # Di Sang bac Đại học Cần Thơ, Kapol Liên hiệp Thanh niên Việt Nam ban Cần Thơ peih ngak danak dak “ Taom gaok padang mbang ngui saong ngak iek mbang ka ka sa thun 2016”. Danak dak pachreih jaik 1.000 dam dara, sinh viên di ban Cần Thơ, ban raya Ho Chi Minh saong lambak dam dara di dom tỉnh, ban di bhum taneran kraong Củu Long.  Dom danak taom gaok, ngak iek gam patagok ilamu padang mbang ngui di dam dara, gam klak rabha ka gauk dom hatai sahneng, pato pakai, pambuak bruk palih ruak dam dara saong doanh nhân ngak mbang jeng,  gam peih bruk daong doanh nhân umo ranaih yam tapa kan kandah.

       # Mentri Pato megru saong Mentri Lao động – Thương binh saong Xã hội bahrau peih bruk mek panuac ka Dự thảo Đề án Patagok bruk pato megru saong pato bruk ngak di bhum taneran kraong Cửu Long vaktu 2016-2020. Tui nan, jalan ngak hu ba tabiak nan lac: ieu pataom 18% uranaih dalam umo meng 0-2 thun tame sang ranaih, 85% ranaih umo meng 3-5 thun tame sang mẫu giáo; taong abih ranaih 5 thun tame sang bac; daok bruk pato megru bangsa, patui veik buh jien tame ka dom tỉnh Bhum taneran kraong Cửu Long padang ngak dom sang bac bangsa gam bac gam daok tui jalan mek hu chuẩn pakat negar, tal thun 20120 hu 12% anek saih bangsa takik, dalam taong abih anek saih bangsa daok bac pak sang bac trung học hu bac nội trú…v.v…

       Patui di ini dom khau tin dunya:

     / Akaok mintri jien padai Cộng hòa Séc Andrej Babis ndom lac urang VN di cộng hòa séc ngak mbang tui njauk hukum taneh ia ini saong dom panuac lac urang VN ngak mbang oh kak je nan lac oh njauk. Ini lac panuac ndom di ong Babis dalam sa nyaom meyai barau rah tabiak di pasak pablei salih Sa Pa di ban ine Praha yaih khan ka hukum thống kê doanh thu điện tử dalam dom doanh nghiệp tui kuhria hu peih ngak meng puac thun ini. Taong yaom di akaok mintri Babis hu rik daong palahik dom hatai medil di gah doanh nghiệp di cộng hòa séc ka bruk ngak mbang pablei salih di urang Việt di labik ini.

      # Harei 12/6, Thủ tướng Đức An-giê-la Méc-ken (Angela Merkel) peih bruk nao rivang Trung Quốc dui atah dalam 3 harei. Kadha praong di mbang nao rivang ini nan lac bruk ngak mbang pablei salih. Gam haong nan lac, Thủ tướng dua negar dang tabiak peih bruk ndom biai nao mai dua gah pakat Raja-ei mbang ka 4. Thủ tướng Đức An-giê-la Méc-ken meda ginum biai haong dom urang dang akaok Trung Quốc dom jalan ngak brei patagok talei pambuak bruk  pablei salih dua gah, abih di nyu lac pambuak bruk gah sản xuất, dak padang cơ sở hạ tầng, pambuak bruk ngak mbang pak negar ka 3... Tui kuhria, dua gah meda mboh tangin tame jaik 20 văn kiện pambuak bruk ralo gah.

     / Hajan ribuk daok rah tabiak di dom tỉnh di TQ, ngak lahik 10 urang saong drap ar. Ia sua khang di Hồ Nam, Quảng Đông, Quảng Tây saong Quý Châu ngak takik abih sa urang metai saong 5 urang karei lahik. Labaih 11 ribau urang hu panduan nao dalam tuk 4 ribau 900 urang barau taduan hu bruk daong chip, yau pandap mbang, ia menyum… Langik oh lagaih ngak khat lahik tui kuhria tagok tal 420 triệu nhân dân tệ (samu  64 triệu đô la Mỹ ). Eng tỉnh Quý Châu, Tây Nam TQ – labik njauk gaok kan kandah trak kayua hajan ia sua, jaik 4 ribau urang njauk tabiak truh sang danaok, labaih 520 ha njam patam bruk khut, jaik 360 baoh sang jaleih./.