# Tuk vak tapa, huyệnVăn Yên, tỉnh Yên Bái hu peih 3 danak dak brei mesraiy jien di Rajaei brei ka mik va urang bangsa takik jiak 13 tỷ đồng song 1.872 urang hu mesraiy. Pok jien mesraiy nan hu daong ka dom boh sang pasiam veik, iek glang phun quế song salih pala njam pata, patagok bruk rong glang hu kein laba.

# Tỉnh Lào Cai tabiak bruk ngak lac tal thun 2020, khik saong patagok bhum pala phun jru hu 1.900 ha, dalam nan, patagok dom  phun jru di taneh ini yaok thun 795 ha, hu: atiso, đương quy, độc hoạt, xuyên khung, bạch truật, tam thất saong ý dĩ, dom phun jru livik thun di taneh pala glai 1.105 ha ye tea dây, hồi saong sa nhân tím; Ba brei bruk ngak gam gam ka 4.800 sang ngan saong jaik 15 rabau urang ngak, trun kathaot ka labaih 2.000 sang. Uy mban bhapbini tỉnh barau langyah dự án “pandar công nghệ glaong tame pala drak saong patagok phun jru tukvak 2016 - 2020”.

# Dalam 5 bilan akaok thun 2018, dom doanh nghiệp ngak sara di huyện Quỳnh Lưu, tỉnh Nghệ An hu pablei tabiak negar lingiu labaih 20 ribau tấn sara. Huyện Quỳnh Lưu urak ni lac “taneh sara” prong abih di tỉnh Nghệ An song sản lượng sara yaok thun labaih 60.000 tấn. Meng akaok thun tal ni, mikva dalam bhum ngak hu jiak 40.000 tấn sara, pablei tabiak negar lingiu hu labaih 50% dom sara ngak hu. Meng pandap mek hu tanut siam chất lượng xuất khẩu, yau nan ye yaom sara pablei glong duh song tuk vak ni thun dahlau. Yaom sara glong nyu pachreih mikva sahaneng hatai ngak sara. 

# Tỉnh Bà Rịa - Vũng Tàu kham merat tal thun 2020, gah ngak nong di tỉnh patagok tui jalan barau, ngak tbaiak pandap panda praong hu năng suat, chat luong, kein laba, pren meriak gauk glaong ngan saong tanut patagok yaok thun lac 4,5%; pandap ngak nong pandar công nghệ glaong meblah 30% yaom ngak nong tal thun 2025 meblah 40% yaom pandap ngak nong. Urak ini tỉnh hu 42 doanh nghiệp daok likau đầu tư dom dự án ngak nong pandar công nghệ glaong di taneh ngak jaik 2.500 ha, ngan saong jien buh tame ngak labaih 1.600 tỷ đồng.  

# Urak ni dalam tỉnh Ninh Thuận hu 20 kapul mã la gia tộc ba abih hatai me-in song kham merat khik ramik ilamu  phi vật thể mã la. Ong Nguyễn Hải Liên – urang roh duah ilamu bhap bini, Hội Văn nghệ bhap bini tỉnh Ninh Thuận brei thau: Mã la lac alat ragam di urang Ra Glai, gam lac drap ar prong, gam lac drap ar ginreih di but pajaih gia tộc. Ginreih kayua mã la meda lambaok ka but pajaih pamong tal ong muk ong kei, dalam dom harei rija di urang Ra Glai.

Khaw tin dunya

# Hàn Quốc urak ini hu panuac ieu peih bruk taom gaok ka dom sang calah gauk dalam tukvak samal di abih, tuk hu biak rilo urang caong khin hu taom gaok gauk gar kayua umo thun di dom urang nan dak harei dak glaong. Hu thau, dom urang bhapbini Hàn Quốc tut angan caong hu taom gaok gauk gar di Triều Tiên tagok tal labaih 132 rabau urang di puac bilan 5 barau blaoh. Min, dalam dom urang nan tok hu 57 rabau urang daok diuk saong 86% dalam dom urang nan umo labaih 70 thun.

# Hãng thông tấn Yonhap brei thau, sàn giao dịch jien  ảo prong abih di  Hàn Quốc Bithumb bahrau njauk tin tặc tiến công, mek sa pok jien  yaom tal 35 tỷ uôn (jiak 32 triệu USD).

# Hải quân Li-bi daong hu jaik 380 urang nhập cư suan hukum dalam dua chiến dịch karei di gauk peih ngak di lingiu tasik gah pai ban Ga-ra-bun-li (Garrabulli), atah di ban ine Tri-pô-li (Tripoli) jaik 55 km nao ka gah timul. Bruk nhập cư suan hukum lingiu tasik gah pai Li-bi  tagok khang dalam adit ini. Dalam rilo chien dich karei di gauk, Hải quân Li-bi daong hu labaih 950 urang nhập cư saong duah mboh 20 urang nhập cư metai mblung dalam tasik./.