# Tapa bruk pasang iek negar thun 2015 ka bruk  kinh tế - xã hội di 53 bangsa takik pak Việt Nam brei mboh, bruk likei kumei oh samu gauk dalam bhap bani bangsa takik (DTTS) hu mboh di ralo gah. Tui nan, urang likei bangsa takik meng umo 15 thun tagok thau bac, thau vak lac 86,3%, dalam tuk nan urang kamei tok hu 73,4%; di umo ala 16, uranaih kamei bangsa takik tok pasang glaong tal  3,4 mbang uranaih likei; urang kamei jakar lac urang bangsa takik tok hu 23,79% dalam taong abih urang jajar di dom xã bhum urang bangsa takik.

# Meng thun 2013 tal ini, tỉnh Dak Lak daok peih ngak 13 dự án ngan saong jien ngak labaih 337 tỷ đồng. Meng dom dự án ini, tỉnh hu ba jaik 3.000 sang saong jaik 9.700 urang lac urang tự do tame ngak mbang tani tanat, rilo lac dom huyện Cư M’gar, Ea Súp saong Krông Bông. Rilo sang bhapbini hu brei taneh saok, taneh pala drak saong daong ngak mbang meng dom danakdak, dự án dalam tỉnh, rik daong tani tanat raidiuk bhapnini, trun takik bruk jhak ka an ninh chính trị saong trật tự an toàn xã hội dalam tỉnh.

# Phòng Cảnh sát Quản lý hành chính gah trật tự xã hội, Công an bal raya Hồ Chí Minh brei thau, meng ini tal puac thun 2017, jabat ini meda pambuak haong dom jabat pambuak pagam  peih ralo mbang tabung glaong pasang iek bruk ngak mbang pablei salih pak dom nhà hàng, quán karaoke, khách sạn...piah jhul kadhul likuk tệ nạn xã hội, pacang cakak tội phạm.

# Tapa Jaik dua thun peih ngak, mô hình camera an ninh di tỉnh Long An hu patagok siam dalam bruk khik caga an ninh trật tự, an toàn giao thông saong caga  tội phạm. Urak ini, mô hình camera an ninh hu peih praong di 164/192 xã, phường saong ban sit dalam tỉnh ngan saong labaih 26.000 camera hu lắp đặt, saong jien ngak labaih 15 tỷ đồng.

# Hội Chữ thập đỏ bal Cần Thơ hu ba tabiak bruk “Tết brei ka urang kathaot saong urang njauk bala jru mek kalik kruac” Xuân Mậu Tuất 2018, peih ngak bruk di Hội  Chữ thập đỏ thun 2018. Tal tukvak urak ini, dom pakat Hội Chữ thập đỏ di bal Cần Thơ jak ba hu 7 tỉ đồng. Dalam tukvak anak tal, Hội daok pambuak haong dom sở, ngành piah peih bruk jak ba mbang puac di abih. Tui kuhria bruk alin brei pandap ka urang kathaot meda hu peih ngak meng harei 21/1/ 2018.

# Giáo sư, Nhà giáo nhân dân  Hà Văn Tấn barau tabiak mbaok baoh tapuk hu angan “ bruk dak padang Việt Nam” kayua Nhà xuất bản Thế giới patabiak. Baoh tapuk pataom dom kadha vak đăng angaok chuyên mục gam angan di blah báo Vietnam Weekly (Thông tấn xã Việt Nam) thun 1990 - 1991. Ngan saong 106 kadha vak, boh tapuk hu ba urang maong  thau ka  sajarah Việt Nam meng rai di dom truyền thuyết, huyền thoại sajarah ka tal tukvak rai patao Nguyễn hu padang tagok (thun 1802). 

7# Yaok ribau janih đặc sản grauk bhum palei dalam negar meda hu pataom pak Hà Nội dalam Nyaom darak Đặc sản Bhum palei Việt Nam 2017 meng harei 22 tal harei 26/11, pak Hà Nội. Nyaom darak hu  250 gian hàng, jaik 200 doanh nghiệp, jabat di 55 tỉnh, bal dalam negar, parang iek, brei thau ka dom janih pandap di dom puk palei, dalam nan hu ralo janih pandap hu bảo hộ chỉ dẫn địa lý.

Khaw tin dunya

# Karja ban Mimasaka, tỉnh Okayama hu peih ngak praong harei padang rup patau Chủ tịch Hồ Chí Minh akoak meti di Nhật Bản. Rup patau Chủ tịch Hồ Chí Minh daok puac báo hu padang di kreih labik Không gian Việt Nam – Hồ Chí Minh praong 70m2, meblah ¼ taneh di pasak ilimo nghệ thuật libik Sakuto (Xa-cư-tô), ban Mimasaka. Gah likuk rup patau lac hu thoat binguk sang tual di Wa saong dom janih  ye: thaot binguk, tapuk, báo, phim tư liệu, dom băng đĩa daoh hu asal kadha yaih khan ka Chủ tịch Hồ Chí Minh saong Việt Nam. 

# Đại sứ quán Việt Nam pak Algeria bahrau peih mbang jak ba bruk rik daong meng dom urang jakar di Đại sứ quán gam haong urang Việt Nam daok pak ini, piah rik daong haong bhap bani dalam negar klah rabha saong daong ka bhap bani miền Trung-Tây Nguyên njauk khat lahik trak meng ribuk ka 12. Tui nan, dom urang jakar, urang ngak bruk pak dom jabat ndom angaok nan hu rik daong yaok urang sa harei jien bilan piah daopng bhap bani gah krah negar gaok kan kandah kayua ribuk ka 12 meng blaoh.

# Harei 23/11, urang kumei phát ngôn viên Đại sứ quán Mỹ di Argentina ndom lac pandap bo sruh kapal haok di Hải quân Mỹ barau duha mboh jaik kapal ngầm Argentina yava sap puac adit abaoh, oh njauk lac di baok kapal ini. Urak ini, 4.000 urang gam rilo kapal saong kapal haok daok pataom tame duah/.