# Phó Thủ tướng Vương Đình Huệ jao ka Mintri Kế hoạch song Đầu tư dang tabiak pambuak bruk  song mitri  Y tế pasang iek , ba tabiak bruk pasiam veik, pabak angan dom vắc xin hu blei tui jalan đặt hàng tui njauk Nghị định 130/2013/NĐ-CP di rajaei ka bruk  sản xuất song pabak pandap panda,  dịch vụ công ích. Mintri jien padai dang akaok pambuak bruk song mintrrri  Y tế song dom jabat pagam tal pasiam yaom  vắc xin blei tui jalan đặt hàng lagaih song kadung jien karja song dom quy định di danak dak bruk  Y tế - Dân số. 

       # Tổng Công ty Điện lực bhum gah kreih negar daok kham merat jhul khang bruk pathau khan patakn pataom menyek, abih di nyu nan lac dalam bilan pandiak bhang di 13 tỉnh, ban bhum gah negar – tây nguyên biak thu ligu ini. Tui nan, Tổng Công ty điện lực bhum gah negar tacei pato dom sở, mban nganh, karja puk palei daong công ty điện lực dalam bruk pathau khan saong peih bruk patak pataom menyek; peoh bruk dut iek dom libik, menuac urang pandar menyek ngak tui catang quy dinh di hukum ka pandar menyek patak pataom saong siam. 


    # Tỉnh Đắk Lắk peih ngak siam danak dak dui điện pandar ka  37 palei biak kan kandah di  tỉnh- samar jang  6 bilan dut song bruk hu jao brei. Danak dak dui  điện ka 37 palei di   Đắk Lắk hu rajaei buh brei 126 tỷ đồng pabak  điện ka jiak 2.800 boh sang urang bangsa takik kan kandah oh ka hu  điện negar di 15 huyện, ban sit. Tuk vak hu jao piah ngak salah bloh danak dak  lac 2 thun, kuhria meng bilan  10/2016. Tỉnh dok kuhria pandar kadung jien labaih  35 tỷ đồng piah pabak  điện ka dom cụm dân cư bhum atah bayah.

    # Dom harei ini, dalam tukvak rah tabiak harei pataom cuh pháo bingu pakat dunya, rilo khách sạn meng 3 tal 5 sao di libik kheih di ban Da Nang yaom dich vu daok hu jhul tagok rilo mbang duk saong yaok harei. Tabhia nan, dom khách sạn jeng brei thau phụ thu meng 20 tal  40%. Khik ramik khách sạn The Blossom City brei thau, meyah caong khin maong pháo bingu angaok tầng di khách sạn meda lihik phí lac 700 rabau đồng/sa urang, pagam tui sa ly ia.

    
 # Ubbhap bini  tỉnh Tây Ninh bahrau  brei adat peih bruk tuyển sinh thun bac 2018-2019 di sang bac phổ thông bangsa gam bac gam dok  tỉnh Tây Ninh. Tui bruk ba tabiak,  tuyển sinh bahrau akaok pakat tal 6 tal 10 lac  urang bangsa takik dok dalam tỉnh, hu hộ khẩu thường trú song  daok meng 3 thun tagok (kurhia tal harei  tuyển sinh). Tanut palih ruah ngan song pakat  6 lac  67 anek saih; tal 10 lac  102 anek saih

Khaw tin dunya
# Hadei tuk khan brei thau bruk kakje ka thép saong nhôm blei di taneh ia lingiu di Mỹ, karja Tổng thống Donald Trump daok ngak tabiak bruk srau kadau praong dalam pablei salih barau di dunya saong mbang ini lac meng bruk kateik kakje ka radaih hơi blei di taneh ia lingiu tame taneh ia ini. Akaok mintri Thương mại Mỹ Wilbur Ross ndom yau nan hadei sa mbang nyaom saong Tổng thống Trump, karja Mỹ daok peih sa bruk dut iek piah maong veik lac radaih hơi blei di taneh ia lingiu hu đe dọa an ninh negar Mỹ hai oh.

# Gah palei salih dunya (WTO) brei thau, Ấn Độ hu pathau  Mỹ tagok WTO kayua  kak je pandap pasei paset nhập khẩu, lac Mỹ ngak suan rilo adat di  WTO.

# Mintri jien padai Hàn Quốc brei thau, patagok kruk kinh te taneh ia ini meda mek hu tanut 3% dalan thun ini; Xơ-un oh ka hu bruk ramik pasiam bruk patagok angaok nan./.