# Kuhria tal tukvak ini, gah da giày Việt Nam hu pablei tabiak jaik 13 tỷ đô la Mỹ  takhaok dép saong jaik 3 tỷ đô la Mỹ  vali – kadung teik. Yau nan, dut haong bruk ba tabiak lac mek hu 17 tỷ đô la Mỹ meng bruk pablei tabiak negar langiu hu ba tabiak meng akaok thun, gah kalik takhaok kan si mek hu. Makna kayua dom srau dhau gah chính trị bo cmbaih laih nan lac bruk Brexit ngak ka pren blei tame pak darak pasar châu Âu padeih veik. Dom urang nhập khẩu daok blei cầm chừng ngan haong số lượng takik, ngak ka đơn hàng mai Việt Nam trun khang.

# Chánh văn phòng điều phối palei pala barau Trung ương Nguyễn Minh Tiến brei thau, dalam taneh ia kham merat tal puac thun thun 2017 hu jaik 30% dom xã ngak hu chuẩn palei pala barau; hu 35 libik pakat huyện hu Thủ tướng rajaei brei angan lac mek hu chuẩn palei pala barau. Dom tiêu chí kuhria rah tapa yaok xã dalam taneh ia tagok jang 1 tiêu chí duk saong thun 2016;  dom xã ngak hu ala 10 tiêu chí daok jaik 20%,  dom xã ngak hu ala 5 tiêu chí trun 150 xã.

# Labaih 11,7 tỷ đồng nan lac yaom jien Kapul daong urang kamei saong uranaih kathaot metui bal Đà Nẵng jak ba hu meng ralo kapul nyaom, doanh nghiệp, urang ngak pahla piah peih ngak dom bruk pahla. Bruk ngak praong abih  di kapul nan lac daong blac raih tim bẩm sinh ka ranaih; miễn, giảm viện phí ka urang kathaot njauk ruak ung thư daok iek ruak pak Sang iek Ung thư Đà Nẵng; tahanek mbang brei saoh ka urang ruak, khám sàng lọc samar duah thau dom janih ruak di urang kamei.

# 3 thun tapa, Ủy ban Mặt trận negar Việt Nam huyện Hàm Tân, tỉnh Bình Thuận hu apdang ngak bahrau saong ramik pasiam 91 baok sang ka sang kathaot saong dom urang sarak meng yaom jien abih tih labaih 2,8 tỉ đồng; Jak ba kadung jien kayua urang kathaot labaih 4,6 tỉ đồng; kadung jien thau dhar thau phor labaih 1,7 tỉ đồng.

# Tal urak  ini urang nong tỉnh Hậu Giang trun pajaih abih mbong jaik 80.000 ha padai Đông Xuân 2016 – 2017, mek hu 102% bruk ba tabiak, patrun labaih 500ha dut haong tukvak ini thun dahlau kayua dom puk palei dalam tỉnh  salih tapa pala phun labik thun. Yau nan min, kayua langik tasik oh siam laghaih,hajan suan vụ dalam dom harei tapa ngak khut khat trak tal ralo mblang taneh bahrau pala drak saong padai meng 30 harei tal 45 harei njauk metai, padai jaleih jeng yau njauk halak halin, takuh, baoh bao darang palai kaik padai hu mboh ralo.

# Di tỉnh Bến Tre, urak ini yaom li u tok daok 80.000 đồng sa pluh (12 baok), trun labaih 20.000 đồng duk saong klau bilan dahlau. Kruac bung kalik hijao jeng trun khang, tok daok 37.000 – 38.000 đồng/sa kg (janih 1), trun 10.000 - 15.000 đồng/sa kg. Kayua yau nan ye, urang nong patrun jien mek tame. Bến Tre urak ini hu labaih 69.300 ha la u, sản lượng 588 triệu baok sa thun saong labaih 6.000 ha kruac bung kalik hijao, dalam nan labaih 4.000 ha daok tabiak baok, sản lượng 50.000 tấn yaok thun.

# Salam uan Tết Đinh Dậu 2017, Muyim Dân tộc học Việt Nam hu peih ngak danak dak “Ma-in sambai xuân Đinh Dậu 2017 – Sắc thái ilamo Sơn La”. Hu mbaok tame danak, tuai damuai hu thau jang ka xuân di bhum Tây Bắc tapa dom bruk ngak di urang Thái, HMông, Khơ Mú… Danak dak “Ma-in sambai xuân Đinh Dậu 2017 – Sắc thái ilamo Sơn La” meda hu peih ngak di harei  8 bingin saong 9 bingun Tết (njauk tame harei 4  saong harei 5/2).

Khaw tin dunya

# Mỹ barau tabiak quyết định trục xuất 35 urang ngoại giao Nga saong kareik bambang dua cơ sở di Nga daok di Niu O-óc saong Ma-ri-len piah cagar veik bruk dom urang ngoại giao Mỹ gaok xâm phạm di Mát-xcơ-va saong bruk Nga "can thiệp" tame bruk pilih ruah tổng thống Mỹ. Bruk ini meda caik tổng thống đắc cử Đô nan Trăm tame libik njauk cagar veik bruk trừng phạt hadei di tuk taduan mek bruk hei oh saong meda ngak kan kandah ka dom urang bo ông pilih ruah tagok di dom var điều trần di Thượng viện, libik hu bruk trừng phạt Nga biak glaong.

# Dalam dom harei tapa, pak tỉnh tapen tasik  Nova Scotia gah timur Canada rah tabiak brk ikan metai rilo saong tatheik tame takai tasik Savary Park, jaik bal Digby. Bruk ikan metai hu mboh meng harei 26/12 saong oh ka thau makna di nyu.

# Tòa sơ thẩm Phnôm Pênh di Cam-pu-chia barau tabaiak phán quyết phạt ông Xam Rên-xi, akaok đảng Cứu nguy bangsa đối lập 5 thun guk saong dua phụ tá di ông yaok urang 5 thun guk min meda thụ án 3 thun/.