# Phaok Thủ tướng raja-ei Vương Đình Huệ pandar Mentri Nội vụ samar pasang veik, taong yaom bruk peih ngak Quyết định 70/2009/QĐ-TTg ka sarak panduan salih, patagok urang jakar pan akaok ka dom xã dalam 61 huyện kathaot saong sarak ưu đãi, pachreih urang trí thức ranaih, urang jakar chuyên môn kỹ thuật mai ngak bruk di dom xã dalam 61 huyện kathaot tui Nghị quyết số 30a/2008/NQ-CP. Taphia di nan, mek panuac rik daong di dom bộ, ngành, puk palei, pathau khan Thủ tướng Raja-ei pasang iek, brei panuac ka bruk pasiam, pabak dalam bilan 5/2018.

# Việt Nam lac sa dalam dom negar hu urang ruak đột quỵ biak glong, tapa nan tui kuhria mboh di sang iek ruak Nhân dân 115 meng bilan 2-2017 tal 2-2018 sang iek ruak hu taduan labaih 2544 mbang urang đột quỵ. Min rilo meng lac oh thau njauk ruak, rilo mbang ba tal tapa tukvak siam piah iek ruak đột quỵ. Bruk ni, brei mboh yaom glaong di bruk pathau khan ginup ka bhap bini song urang jakar y tế dalam bruk iek ruak njauk jalan ngan saong ruak đột quỵ.

# Bal Đà Nẵng bahrau ba tame ngak sang parang iek Hoàng Sa. Sang parang iek Hoàng Sa padang ngak di harei 7/12/2015 ngan haong phun jien 43,3 tỷ đồng, padang ngak angaok mblang taneh 1.269 m2, mbang taneh padang ngak sang lac 1.824 m2. Công trình glaong 18,2 m2, hu 4 tầng. Sang parang iek Hoàng Sa parang iek tư liệu, thaik binguk tui 5 kadha: labik daok saong điều kiện tự nhiên di pulao kaoh Hoàng Sa; Hoàng Sa dalam thư tịch klak di Việt Nam dahlau di jaman patao Nguyễn; Hoàng Sa dalam thư tịch klak jalam patao Nguyễn; Bằng chứng chủ quyền di Việt Nam ngan haong Hoàng Sa meng kan mai.

# Bhap bini di xã Nhơn Hải, huyện Ninh Hải, tỉnh Ninh Thuận urak ni dok duh hatai anak bruk kurang ia pruh song taneh pala drak njauk njom mbak, ngak kan kandah khang tal bruk pala drak saong rai duik di mik va. Tuk vak jiak di ni dom trại rong hadang pajaih, ốc hương tamuh biak rilo, dom trại jhuk ia tasik tagok pabak ka bruk sản xuất bloh tathuak ia tapak tabiak môi trường ngak ka jalan ia pruh song taneh njauk njom mbak ngak ka mik va oh sản xuất hu. Xã Nhơn Hải urak ni hu jiak 400 labik ngak pajaih kaya ikan.

# Tui Sở Ngak nong saong patagok palei pala tỉnh Long An, thun ini, taong abih dom pren khang peih ngak danak dak padang ngak palei pala bahrau di tỉnh tui kuhria hu labaih 11.000 tỷ đồng. Phun jien angaok nan hu parabha ka dom gah yau daong brei patagok bruk ngak mbang pala drak, pablei salih; sang daok di bhap bani, jalan mbak nao mai dalam palei... Tỉnh hu ba tabiak jalan ngak tal thun 2018 meda hu gilac 9 xã saong sa huyện hu công nhận mek hu chuẩn palei pala bahrau.

Khaw tin dunya:

# Angan “boh har pizza rilo phô mai abih di dunya” ni hu pok brei ka boh har pizza di nhà hàng Vadoli Pizzaria di  Berlin, Đức. Yaom lac tok trak 288,6g, min boh har hu tal 111 janih phô mai karei di gauk. Đầu bếp nhà hàng biak gheih teik yaok janih  phô mai, piah ka yaok janih oh trak tapa  2,6g. Hadei di tuk Tổ chức kỷ lục dunya  Guinness pok brei angan, boh har  pizza biak bingi ni hu cakak ka tong abih tuai dalam nhà hàng mbang iek.

# Mbang bala rah tabiak dalam van page mesup harei 30/3 pak tỉnh Tắc (Tak), tuk radaih pajeng urang ngak nhập cư manuac Myanma njauk apui khuah ngak ka 21 urang metai saong 27 urang karei njauk rambuis. Cảnh sát tỉnh Tắc brei thau, tukvak rah tabiak khuah angaok sruh radaih hu 48 urang ngak mai meng Myanma saong dua hadiuk pasang urang peih radaih. Akaok mereip brei thau, apui khuah meng jamriak radaih, hadei di nan pambak prong abih radaih dalam takik minit ngak ka manuac urang angaok sruh radaih nan oh tathuak tabiak hu, ralo urang oh daok nhận dạng hu pak di labik bala nan.

# Mbang bala rah tabiak di mesup harei 30/3 di tỉnh Tắc (Tak), tuk sruh radeih pajeng menuac ngak nhập cư urang Myanma njauk pui khuah ngak brei 21 urang metai song 27urang karei njauk rambuac. Cảnh sát tỉnh Tắc brei thau, tuk khuah di angaok radeih hu 48 urang ngak nhập cư Myanma song 2 haduik pasang urang peihg radeih. tui duah thau tuk camereip mboh lac, pui tabiak meng jamriak ô tô, hadei di nan pambak abih radeih ngak ka tuai oh tabiak da, rilo urang oh nhận dạng hu pak di labik khuah nan./.