# Xã Mường Mô, huyện Nậm Nhùn , tỉnh Lai Châu lac labik  hu 93,1% boh sang ngak nong, 100% boh sang tái định cư di 10 palei . Piah dong ka urang tái định cư tani tanat rai duik, karja xã hu peih ngak dom danak dak pakat negar, dom kadung jien karjapiah dong brei. Meng hu yau nan, kuhria tal bilan 6/2017, boh sang kan kathaot dalam xã trun dok 25%; jien mek tame di sa urang dalam sa thun labaih 22 triệu đồng.

# Urak ini, dom tỉnh Tây Nguyên hu 1 huyện saong 123 xã mek hu chuẩn palei pala barau. Lâm Đồng lac tỉnh ngak siam danak dak bruk ngak negar ka padang ngak palei pala barau duk saong dom tỉnh karei di bhum Tây Nguyên. Tal urak ini, tỉnh Lâm Đồng hu huyện Đơn Dương mek hu tanut chuẩn palei pala barau saong hu 59 xã mek hu chuẩn palei pala barau, meblah labaih 50% dalam abih tih xã dalam tỉnh.

# Tỉnh Bình Phước urak ni hu labaih 15.000 cơ sở pablei salih, dalam nan gah  Y tế khik ramik hacih saat pandap mbang hu labaih 5.000 cơ sở.  Meng akaok thun tal ni, tỉnh oh ka rah tabiak bruk njauk jru mek pandap mbang, min bruk ngak suan hacih saat pandap mbang dalam palei salih, ngak pandap mbang menyum jeng dok rah tabiak di rilo labik. Jiak di ni, rilo bruk pablei rilaow nerak, rilawo piah lavik harei dalam tu liar hu ba tabiak pablei di darak pasa,cơ sở chế biến hu duah mboh song langyah.

#Meng akaok bilan 7/2017 tal ini, di labik jalan An Mỹ, phường Phú Mỹ, ban sit Thủ Dầu Một, tỉnh Bình Dương mboh hu yaok ribau anek halak palai pajoa dom phun kayau praong, gaok tuk halak daok laik tame sang, quán mbang, ngak kan kandah tal rai diuk di bhap bini  labik ini. Tuk camereip lac dom kén halak blik gul yau sa janih asar nan ye bhap bini oh caik hatai, hadei nan kén rak jeng halak, yaok drei atah jaik 5cm, đường kính meng 1 tal 2cm.  

  # Dalam 6 bilan akaok thun  2017, tổng sản phẩm di tỉnh Tây Ninh hu 20.850 tỷ đồng, tagok  8,3% dut song tuk vak ni thun dahlau ; mek tame kadung jien karja  hu labaih 3.625 tỷ đồng, samu 54,1% bruk ba tabiak, pachreih hu phun jien buh tabiak ngak mbang di negar langiu labaih 682 triệu USD, tagok 43,5% dut song tuk vak ni thun dahlau. Tỉnh hu dang di  16/63 tỉnh ban ka bruk taduan hu phun jien ngak mbang FDI  dalam 6 bilan akaok thun.

#Tui Sở ngak nông saong patagok palei pala tỉnh An Giang , yaom lac bilan Hè Thu thun 2017 gaok ralo kan kandah kayua langik oh lagaih, urang nông dalam tỉnh trun pajaih hu labaih 232.000 ha padai, mek hu labaih 97% duk saong bruk ba tabiak, trun jaik 7.000 ha duk saong vụ dahlau. Sản lượng padai dalam tỉnh bilan Hè Thu mek hu labaih 1,2 triệu tấn, trun jang vụ dahlau jaik 150.000 tấn min pabak veik lac giá trị sản xuất tagok kayua salih janih phun pala meng padai tapa pala padai duik, hu yaom glaong jang.

   # Urak ni tỉnh  Trà Vinh hu 94 sang bac mek hu tanut pakat negar  dalam abih tih 486 sang bac. Dom sang bac mek hu tanut pakat negar di  tỉnh hu rilo siam lagaih dalam bruk pato saong bac. Nan lac labik bac, pandap bac, pandap pato pakai tui chuẩn hóa, dom gru pato mek hu tanut chuẩn, labaih chuẩn, gru pato joi tagok glong. Yaom lac sang bac  chuẩn ba mai rilo siam lagaih, min dom thun jiak di ni sang bac chuẩn oh patagok hu rilo tui hatai khin di tỉnh.

Patui di ini dom khau tin dunya:

# Karja Tổng thống Mỹ Donald Trump harei 13/7 brei thau dom urang nhập cư tame Mỹ meda tapa tanut 50.000 urang di tài khóa 2017. Min, taneh ia ini daok taduan gac urang nhập cư barau dalam dom bilan tal min dom sarak nhập cư hu ngak catang jang. Dom urang nhập cư barau brei mboh cambaih lac hu talei rohim saong sa bhap bini di Mỹ, atau likau hu sa bruk ngak di taneh ia ini, jeng yau taduan hu harak tame bac di sa sang bac đại học, cao đẳng halei nan di Mỹ.

 # Karja Indonesia brei thau, tapa pambuak bruk song cảnh sát Đài Loan (Trung Hoa), cảnh sát Indonesia chap hu sa bruk  buôn lậu ma túy biak prong meng Trung Quốc tame nergar ni, chap mek hu labaih 1 tấn ma túy đá. Cảnh sát Indonesia hu peih bruk tui iek buôn lậu ma túy nan dalam 2 bilan hu pagam tal 4 i urang Đài Loan pajeng ma túy suan adat mengTrung Quốc tame negar ni.

#Sang mac ngak kapal Vát di bhumTun-xê-a di Romania daok kuhria pilih ruah jaik 300 jang hàn saong jang pasei Việt Nam, piah pabak menuac ngak dalam tuk sang mac taduan hu biak rilo đơn đặt hàng./.