# Đại sứ quán Việt Nam pambuak haong dom negar dalam Hiệp hội dom taneh aia Đông Nam Á hu jabat lambaok ngoại giao pak Argentina nan lac Malaysia, Thái Lan, Philippines saong Indonesia peih nyaom darak  Bazar yaok thun.  Đại sứ quán Việt Nam ngan haong dom janih pandap meng kan yau tranh sơn mài, pataih khan bai, nduan la, aw atah saong dom pandap mbang meng kan, dalam nan hu đặc sản nem, pachreih hu biak ralo tuai damuai langiu negar saong bhap bani pak negar ini.

       # Dalam 2 thun tapa, bruk oh kuac hu luồng Vũng Tàu  – Thị Vải tỉnh BRVT lac bruk vô lý, ngak palai pajoa nguồn tài nguyên. Makna lac oh hu rilo kapal mai Cảng Cái Mép – Thị Vải ngak hàng di tukvak tapa lac kayua luồng lạch oh khik hu độ dalam ka kapal meng 160.000  - 180.000 tấn tame ngak hàng, urak ini độ dalam luồng (-13,3m) tok khik caga ka kapal trọng tải 80.000 tấn. Bruk kuac luồng oh hu peih ngak lac kayua oh ka pilih ruah hu libik ngak karam gluic.

     # Pahadar 100 thun dak padang cải lương (1918 - 2018),  pak bal raya Hồ Chí Minh, harei 28-4, Rayo sap ndom Việt Nam pambuak haong dom jabat pambuak pagam tal peih Nyaom biai khoa học “Sa abap dak padang saong patagok di Cải lương Việt Nam”. Dalam dom melam 28/4 saong 1/5, pak sang daoh Bến Thành, Thành phố Hồ Chí Minh saong melam 29/4, pak sang daoh Đoàn Nghệ thuật Cải lương Long An, tỉnh Long An meda hu parang me-in Vở cải lương “Thầy Ba Đợi” di tác giả Nguyễn Thế Kỷ. Vở “Thầy Ba Đợi” brei mboh veik  nhân vật chính nan lac Thầy Ba Đợi (angan bhian iew nan lac Nhạc sư Nguyễn Quang Đại), urang hu buh pren yava biak ralo ka bruk dak padang saong cakrok patagok van akaok meti di Cải lương.

# Jaik harei padheih lễ praong 30/4 saong 1/5, dom trang brei vé trực tuyến di dom hãng par jeng abih vé” hạng phổ thông. Min, meyah urang blei njauk hatai blei tapa đại lý cấp 2 atau kênh trung gian lac jeng daok vé, min yaom glaong jang. Angaok website praong di Vietnam Airlines, Vietjet, Jetstar pablei di harei 30/4, 1/5 brei mboh, rilo mbang par tal bhum gah kreih negar ye Đà Nẵng, Nha Trang tok daok hạng thương gia yaom 3-4 triệu đồng/sa vé.  Vé kapal ahaok harei lễ pandik akaok saong tuai lẻ kayua rilo đại lý “kuan  vé, atau công ty du lịch hu “khóa libik meng dahlau piah pabak caong khin di tuai đặt tour.  

     # Pak Muyim Mỹ thuật Đà Nẵng hu peih mbang parang iek Mỹ thuật ngan haong kadha “Pambuak pagam Hải Vân Quan”. Ini lac bruk ngak pahadar 43 thun Harei peih paha gah meraong yasa taneh aia (30/4/1975 - 30/4/2018) saong pahadar sa thun Inem krung Hải Vân Quan daok angaok tabung đèo Hải Vân jaik taphia bal Đà Nẵng saong tỉnh Thừa Thiên - Huế hu công nhận lac Inem krung dak rai sajarah saong kiến trúc nghệ thuật pakat negar. Mbang parang iek, meyaih khan tal bhap bani 50 tác phẩm gam haong 15 blah ký họa cih ka  Inem krung Hải Vân Quan, kayua dom họa sỹ daniey angan di Đà Nẵng saong Thừa Thiên Huế peih ngak.

     Khaw tin dunya

      # Urang brei panuac di mintri Ngoại giao Nga Maria Zakharova khan brei thau Moskva halan hatian caong khin nyaom biai Thượng đỉnh dua gahTriều Tiên mbang yaka 3 di Hàn Quốc saong Triều Tiên jak jeng. Brei panuac saong báo giới, amuk Zakharova brei thau, Nga pachreih tui dom bruk kham merat ngoại giao di dua gah Triều Tiên. Amuk ndom lac, Moskva daok kham merat abih drei piah rik daong tame bruk duah tabiak jalan hòa bình ka dom bruk di Bán đảo Triều Tiên.

       # Lambaok Nhà Trắng saong Văn phòng thủ tướng Anh brei thau tổng thống Đô nan Trăm meda nao rivang Vương quốc Anh harei 13/7 saong taom gaok  thủ tướng Tê-rê-sa Mây. Yau nan min, dom gah oh brei thau dahlau ka mbang nao rivang meda dui atah hadom harei. Ini lac mbang akaok meti tổng thống Trăm nao rivang Vương quốc Anh kuhria meng mbang nao rivang di thủ tướng Tê-rê-sa Mây, urang dang akaok taneh aia negar langiu akaok meti taom gaok tổng thống Đô nan Trăm pak Nhà Trắng kuhria meng tuk ong tagok rai di bilan 1/2017.

# Mintri Ngoại giao Mỹ brei thau, Ngoại trưởng barau di Mỹ Mai Pôm-peo (Mike Pompeo) meda tame ngak bruk di drei hadei tuk taduan mek bruk. Dahlau nan, Thượng viện Mỹ hu phê chuẩn ông Pom-peo ngak Ngoại trưởng saong ông hu taduan mek bruk di tukvak nan. Hadei nyaom biai di NATO, ông Pom-peo meda pataom tame dom bruk ginum biai pakat glaong di Ixraen, A-rập Xê-út saong Giooc-đa-ni- dom libik nao ini brei thau bruk praong glaong di 3 taneh ia châu Á dalam libik dang đồng minh saong pambuak bruk di Mỹ dalam bhum./.