Khaw tin 6g30 harei 10/11

        # Patui danak dak mbang nyaom ka  4, Quốc hội mbang 14, harei 9/11, dom urang QH ngak bruk di Hội trường, ginum biai bruk peih ngak bruk ngak negar ka bình đẳng giới. Hadei di labaih 10 thun ba tabiak ngak, hukum bình đẳng giới mek hu rilo siam lagaih.

# Tal puac thun 2017, kadung jien sarak karja hu nao tal abih dom puk, palei di tỉnh Lai Châu, daong dom sang kathaot blei yaok ratuh rabau drei athur, pala barau yaok rabau héc ta phun pala; daong ka labaih 50.000 sang patruh kathaot. Bruk brei mesraiy jien sarak karja di tỉnh Lai Châu  dom thun tapa hu rik daong patrun baoh sang kathoat yaok thun di tỉnh meng 5 tal 7%.

 # Hội Chữ thập đỏ tỉnh Thừa Thiên-Huế hu dong chip jiak 1.000 thùng mì tôm ka bhap bini di bhum ia dauk  trak dok di dom huyện Quảng Điền, Phú Vang, Phú Lộc. Kapul ngak bruk hu nao rivang song jao 170 pok pandap daong ka bhap bini di labik định cư xã Phú Mỹ, huyện Phú Vang. 

# "Kham merat tal thun 2020 padang ngak hu 10.000 công trình hacih saat ka dom sang kathaot, jaik si kathaot, sang sarak lac bruk ngak di đề án daong apdang Jaman hacih saat di dom xã tapeng tasik bo tỉnh Thanh Hóa ba tabiak dalam tukvak 2018- 2020. Abih tih jien peih ngak đề án labaih 11 tỷ đồng meng kadung jien ngak bruk alam moi trường, jien peih ngak dnaakdak bruk ngak nager padang ngak palei pala barau tukvak 2016 - 2020 saong dom phun jien xã hội hóa. 

 # Kapul dam dara  Công ty Truyền tải điện 4 pambuak bruk song  Uỷ ban bhap bini xã Hòa Long (ban  Bà Rịa)  bahrau peih bruk pathau khan khik caga siam mekre lưới điện cao áp. Jeng tapa nan, Kapul dam dara Công ty Truyền tải điện 4 hu alin brei 40 pok pandap ka 20 anek saih hu rai duik kan kandah song 20 boh sang kan kathaot dok dalam  xã. Abih tih yaom jien peih ngak bruk nan jiak 10 triệu đồng  kayua urang đoàn dam dara  Công ty Truyền tải điện 4 rik dong

# Harei 10/11, pasak dịch vụ bruk ngak tỉnh Đồng Nai peih sàn giao dịch bruk ngak mbang yaka 139. Tui pasak dịch vụ bruk ngak tỉnh, hadei di 2 bilan darak pasak urang ngak sup melup, sàn mbang ini mboh hadah tagok ngan saong jaik 30 công ty, doanh nghiệp, đơn vị dalam saong lingiu tỉnh, chuyên pablei salih, ngak rilo janih pandap karei di gauk pataom tame tuyển dụng.

# Kapul dong urang kan kathaot Tây Ninh pambuak bruk song  Ban lambaok  Kapul urang umo prong tỉnh peih bruk alin brei radeih lăn, radeih  lắc ka urang umo  prong  jaoh jo hu rai duik kan kandah dok dalam tỉnh. Mbang ni hu 80 radeih lăn song 20 radeih lắc,  abih tih yaom 380 triệu đồng hu brei ka urang umo prong jaoh jo tỉnh Tây Ninh. 

Khaw tin dunya

         # harei 9/11, Campuchia peih Mit-tinh salam uan 64 thun harei mek hu độc lập meng thực dân Pháp (9/11/1953 - 9/11/2017). Lễ mít tinh hu mbaok Patao Si-Ha Mu-Ni gam saong dom urang jakar pakat glaong dalam Thượng viện, Quốc hội saong rajaei.

        # Rajaei Mỹ bahrau tabiak dom sarak bahrau, patrun patakik bruk brei urang Mỹ nao tal Cu ba song pablei salih song negar ni. Bruk ni hu mong lac sa bruk ngak piah tui panuac sinya tuk tabiak tranh cử di Tổng thống Đô-nan Trăm, piah cagar veik kham merat di urang ngak tổng thống dahlau di nan dalam bruk pasiam veik talei rohim song Cuba.

# Cảnh sát Thái Lan brei thau, di bair harei 8/11 hu 4 urang tuai mai meng Nhật Bản metai dalam sa  bala radaih hơi di libik Cố đô A-iu-thay-a (Ayutthaya), di gah kreh negar Thái Lan. Urak ini, cảnh sát Thái Lan daok duah thau makna di bala nan. Min, tapa pasang iek, gah cảnh sát daok duah thau tui jalan lac urang peih radaih ndih var dalam tuk daok peih radaih./.