Khaw tin 6g30 harei 11/11

         # Tỉnh Vĩnh Phúc dok sangka buh brei dahlau jien padai, pren yava tame ka bhum urang bangsa takik, dong mik va salih bahrau rai duik mbang ngui dok dang. Tui  ong Lam Xuân Tiến, Phó Chủ tịch Ubbhap bini xã Đạo Trù:  meng hu sarak dong bhap bini bangsa takik song bhum ceik di karja, urak ni boh sang kan kathaot di  xã dok ala 10%. 

# Tỉnh Kon Tum daok pataom tame ramik pasiam khat lihik kayua tayah tayac di mbang ribuk ka 12. Tỉnh hu peih bruk ramik pasiam dom canah jalan ia adauk, gaok glut jaleih, drak samal peih jalan nao mai,, ramik pasiam  dom jalan menyak. Harei 10/11, dom canah jalan roya 24 (canah jalan dalam tinh Kon Tum); jalan roya 40B, saong dom Tỉnh lộ 673,675, 676 hu peih brei radaih nao mai.

        # Harei 10/11, di bilai y tế phường Phú Bình, ban sit Long Khánh , tỉnh Đồng Nai,  Kapul  Y - bác sĩ sang iek ruak Quốc tế  Đồng Nai peih bruk iek dom ruak gah meta, kiểm tra thị lực, bri jru saoh ka bhap bini. Bruk ni, hu peih ngak yaok thun meng thun 2004 mbiah tal urak ni, piah dong ka urang ruak sang kan kandah njauk ruak meta hu iek ruak. 

# Dalam tuk pahadar 87 thun harei Mặt trận negar Việt Nam (18.11. 1930- 18.11.2017), barau ini, UB MT negar VN huyện Dương Minh Châu, tỉnh Tây Ninh hu peih bruk alin limo binai ka dom sang kathaot di xã Phước Minh. Dalam mbang ini, UBMT negar VN huyện Dương Minh Châu hu alin 6 drei limo binai ka dom sang kathaot di xã Phước Minh. Yaok drei limo hu alin hu yaom jien 20 triệu đồng.

# Tỉnh Hậu Giang kham merat tal thun  2020 hu 70% bhap bini palei pala Hậu Giang hu pandar ia hacih saat , tui tanut 70 lít/ sa urang/sa harei. Tui kuhria, bruk pabak ia hacih palei pala tal thun  2030 brei hu abih tih phun jien buh tame ngak labaih 1.300 tỷ đồng; dalam nan phun jien kajra  labaih 260 tỷ đồng. 

#  Urang nong dom puk palei dalam tỉnh An Giang pala hu 14.847 ha njam patam dom janih dalam vụ Thu Đông 2017, mek hu labaih 88% bruk tabiak dalam vụ. Tỉnh jeng paik hu labaih 5.706 ha hu njam, tamun dom janih piah pabak ka bruk blei njam tagok glaong di darak pasal, taphia nan, daok caga pabak dom janih njam duh ka darak pasal Tết Nguyên đán Mậu Tuất 2018. 

# Kapul ngak bruk di  ban raya Hồ Chí Minh hu nao rivang song jao 1 tỷ đồng dong ka bhap bini Thừa Thiên-Huế pasiam veik dom khuh khat kayua ribuk ia sua. Ong Nguyễn Nam Tiến, Chủ tịch Uỷ ban Mặt trận negar  Việt Nam tỉnh Thừa Thiên-Huếlambaok urang dang akaok song bhap bini tỉnh Thừa Thiên Huế brei panuac thau dar phol tal bhap bini, urang jakar, urang lin ban raya Hồ Chí Minh tu khalei jeng pamong tal mik va di bhum ribuk ia sua.     

          Khaw tin dunya

         # Akoak mintri Thống nhất Hàn Quốc brei thau, Hàn Quốc  brei pabak jang jien piah daong dom công ty di Hàn Quốc dahlau thiah ngak bruk di khu công nghiệp Kê-sâng (Kaesong) di taneh Triều Tiên. Bruk ngak nan di Hàn Quốc piah daong dom công ty di taneh ia ini drak samal palagaih saong dom sarak di Triều Tiên.

# Mintri jien ndua  Mỹ hu ba  10 urang ngak prong negar Vê-nê-xu-ê-la tame dom angan trừng phạt. Dalam dom urang ni hu DOM akaok mintri dalam rajaei di Tổng thống Vê-nê-xu-ê-la Ni-cô-lát Ma-đu-rô (Nicolas Maduro).

# A-rập Xê-út barau brei thau taneh ia ini hu triệu tập 208 urang piah thẩm vấn dalam bruk pacang tham nhũng praong di taneh ia ini. 7 urang dalam dom urang ini hadei nan hu palao bo oh gaok dom cáo buộc halei. Daok 201 urang daok veik gaok khik kareik.