Khaw tin 6g30 harei 13/10

         # Harei 12/10, harei peih mbaok adit phim APEC Việt Nam 2017 hu rah tabiak di  rạp Lê Độ (46 jalan Trần Phú, Đà Nẵng). Ni lac bruk salam uan Diễn đàn Hợp tác kinh tế châu Á - Thái Bình Dương (APEC) di Việt Nam 2017, kayua  Ủy ban Quốc gia APEC 2017, Mintri ilamu, Thể thao song  Du lịch tacei ba, Cục Điện ảnh dang akaok, pambuak bruk song Cục Hợp tác dunya, Ban Thư ký APEC 2017, UB bhap bini ban Đà Nẵng song dom đơn vị pagam tal peih ngak. 

# Piah kuhria caga siam ka uranaih mẫu giáo jeng ye uranaih mẫu giáo urang bangsa takik dahlau di tuk tame tan bac 1, ba jalan khang kajap ka dom adei yam tame pakat bac 1, Sở pato megru tỉnh Kon Tum hu peih bruk patagok pato sap Viet ka dom uranaih bangsa takik dalam dom abik pato mầm non. Kon Tum kham merat tal thun 2020 hu takik abih 20% uranaih urang bangsa takik tal thun tame nhà trẻ hu nao bac saong 92% uranaih bangsa takik tal thun mẫu giáo hu nao bac.

# Urak ni di  Đắk Lắk, yaom dirieng DONA ralo katam asar pet janih 1, urang blei di bein labaih 80.000 đồng/kg, tagok jiak 2 mbang dut song thun dahlau , rilo po bein duah hu yaok tỷ đồng di yaok ha durieng pala pablah dalam bein cà phê. Kayua hu yaom,  liba rilo,  nan ye rilo boh sang pala ca phê, ba gauk peih prong taneh pala pablah durieng dalam bein cà phê di dalam bilan hajan ni. 

         # Piah jak ba dom gah dalam xã hội daong brei Kadung jien ka urang kathaot, melam 14/10 Ủy ban MT negar tỉnh Đồng Nai peih danak dak daoh tamia piah rik pataom jien tame kadung jien di hội trường rayo papar sap papar binguk tỉnh. Tapa danakdak ini, dom doanh nghiệp, kapul nyaom, menuac urang, mạnh thường quân meda rik daong brei kadung jien ka urang kathaot tui rilo jalan, rik daong pasang iek ka urang kathaot jeng ye pambak praong hatai anit gauk dalam bhapbini, xã hội.   

          # Meng akaok thun tal ni, Tiền Giang njauk bilan tong chap kaya ikan, urang ngak ikan biak bui sambai. Urak ni dalam tỉnh tong chap hu jiak  80.000 tấn kaya ikan dom janih, hu labaih 80% bruk ba tabiak dalam thun song tagok jang  2,2%  dut song tuk vak ni thun dahlau. Tỉnh dok kham merat  ngak hu rilo jang tanut tong chap kaya ikan dalam thun lac labaih 98.000 tấn kaya ikan dom janih tui bruk hu ba tabiak. 

# Công an huyện Đức Hòa, tỉnh Long An cuh klak 82 tang vật, pandap ngak suan hành chính anak bruk hu mbaok di hội đồng xử lý tang vật, pandap ngak suan hành chính huyện. Tapa nan, daong ngak brei pasiam bruk pablei salih; pacang caga dom janih tội phạm saong tani tanat trật tự.

# Harei 12/10 Sở pato megru  ban raya  Hồ Chí Minh pambuak bruk song gilang pariak Thương mại cổ phần Quân đội song Ban đề án Thẻ học đường thông minh mai rivang song jao pok jien bac ka  100 anek saih bac daa naih joi di  huyện Củ Chi song Hóc Môn. Yaok pok jien bac yaom 2 triệu đồng hu jao ka dom adei anek saih sang kan kathaot, kham merat bac daa meng pakat  tiểu học tal trung học phổ thông di rilo sang bac dalam ban raya

Khaw tin dunya

          # Thủ tướng Canađa Giắt-xtin Tru-đô (Justin Trudeau) bui sambai khan lac, taneh ia ini gam saong Mỹ hoang Mêhicô, meda mek hu thỏa thuận puac abih ka Hiệp định pablei salih Tự do Bắc Mỹ (NAFTA) di puac thun ini, yaom lac mbang ginum biai ka 4 ka Hiệp định ini peih akaok meng rilo kan kandah. 

# Dom urang roh duah di  Anh brei thau, hadei di jit ruak  Ê-bô-la, Tây Phi njauk dang anak dom janih jit ruak pagam tal pandiak ngak brei menuac metai rilo, saong hu panuac ieu dom negar brei hu dom jalan ngak piah caga pacang.

# Liên hợp quốc (LHQ) barau brei thau lac hu 1,1 tỷ uranaih kumei di dunya daok lac menuac urang ngak tabiak pren khang, min jeng daok hu yaok trieu uranaih kumei njauk daok dalam bruk oh tani tanat. Tui Jabat urang kumei di Lien hiep quoc, hu tal 128,6 triệu urang caong hu daong nhân đạo, saong labaih 3/4 dom urang njauk klak sang nao lac urang kumei saong uranaih.