Khaw tin 6g30, harei 9/11

          # Tui  Sở Kế hoạch song đầu tư tỉnh Lào Cai, bruk buh jien tabiak ngak mbang di tỉnh hu rilo siam lagaih, dom dự án dalam song langiu negar hu brei adat bahrau tagok rilo. Dalam tỉnh urak ni hu  174 dự án ngan song phun jien labaih 25.800 tỷ đồng, tagok jang 1.900 tỷ đồng dut song tuk vak ni thun 2016.

# Harei 8/11, yaok rabau urang jakar, urang lin dom tapon nyom bol pan phao kraong, urang jakar dom mban, ngành saong urang đoàn, dam dara xung kích ban sit Hội An, tỉnh Quảng Nam ba gauk tabiak ngak hacih alam môi trường hadei di hajan xua. Gam saong nan ban sit Hội An daok kham merat ramik pasiam cảnh quang, trang trí piah duh ka adit pakat glaong APEC 2017 saong tuai ravang mein.  

           # Hadei di tuk tỉnh Ninh Thuận tabiak harak brei thau klak bruk pacang tabiak tasik, brei kapan gilai di urang tong chap kaya ikan hu tabiak tasik taong cap ikan veik, tal urak ni, rilo kapan gilai di  tỉnh Ninh Thuận song dom  tỉnh karei  tame pataok piah nyaih ribuk di dom pambah lamnge ikan daok caga pandap tong chap, pandap mbang menyum piah tabiak tasik  veik. Urang tong ikan anganTrần Văn Lực  daok di xã Cà Ná, huyện Thuận Nam, tỉnh Ninh Thuận brei thau: “Urak ni jien ndua song dom kapan karei karei dok di langiu deih khol hulin rami ramik tame ini mek ia gar, mek menyek bloh tabiak tasik tong chap.

# Meng thun 2005 tal ini, Tây Ninh hu buh tabiak labaih 5,6 tỷ đồng blei labaih  10 triệu anek ikan pajaih dom janih palao tame danao Dầu Tiếng. barau ini, Chi cục raong glang saong Thú y Tây Ninh jeng palao labaih 1 triệu drei ikan pajaih tame danao Dầu Tiếng saong đập Tha La, ngan saong yaom jien peih ngak labaih 700 triệu đồng.

        # Harei 8/11, bhap bini di ban  Biên Hòa, tỉnh Đồng Nai  biak tatuak drei tuk tabiak jalan mboh ia kakua bak kapan. Di dom labik hu rilo phun hajao ia kakua nyu kapan jang, maong iek oh atah hu Tui ong Nguyễn Phước Huy, Giám đốc Đài khí tượng thủy văn Đồng Nai, ni lac ia kakua bức xạ, hu dalam tuk salih bilan, ia kakua hu oh lac dalam tuk page mesup bo hu gam tuk beir harei melam meng 19g tal 20 tuk .

# Chi cục pala drak saong khik caga phun pala (Sở ngak nong saong patagok palei pala tỉnh Trà Vinh) barau ba tabiak lịch trun pajaih vụ padai Đông Xuân thun 2017-2018. Taphia nan, kakei urang nong ngak njauk tui piah khik caga vụ mùa hu kein laba. 

# Akaok  Ub bhap bini tỉnh Cà Mau hu panuac ieu dom sở, dom gah pagam tal sangka tal bruk padang ngak song pambabk prong dom  mô hình rong kaya ikan hu kein lagaih dalam tuk vak tal. Tui nan, Sở ngak nong song patagok palei pala tỉnh pambuak bruk song karja dom PUK palei peih bruk tui iek, dong meneing jien tui adat hukum piah pambak prong bruk rong glang .

          Khaw tin dunya

         # Gah chức năng Libi saong Italia barau duah mboh 34 urang metai, dalam nan hu 26 anek saih kumei châu Phi daok theik lingiu tasik. Dom anek saih kumei ini, rilo meng lac urang Ni-giê-ri-a dalam umo 14-18 thun saong dom urang ini metai tuk daong kham merat nao tapa  tasik tame Italia meng dom sruh gilai cao su. 

          # Gah Khí tượng Ô-xtrây-li-a brei thau, hu yaok ribau menuac di gah đông nam Quyn-xlen (Queensland), Ô-xtrây-li-a, njauk gaok kan kandah trak hadei di mbang ribuk khang di abih dalam 10 thun tapa di labik ni./.

# Sa mbang khuah praong rah tabiak melam 6/11 di darak Chữ Thập di urang Việt Nam daok di ban Khép (Cheb), jaik taphia Đức. Abih pluh quầy pandap gaok apui mbang abih saong khat lihik kuhria mboh jaik 4 tỉ đồng. Biak patoah oh hu urang halei njauk hagait.