# Phaok Thủ tướng Vũ Đức Đam bahrau taduan raok urang lambaok Kapul urang dahlau diah ngak thanh niên xung phong bal Tam Kỳ, Quảng Nam tukvak pahadar 66 thun harei Thanh niên xung phong Việt Nam (15/7/1950-15/7/2016). Phaok Thủ tướng Vũ Đức Đam ndom lac tuk halei Đảng, Karja, raja-ei  jeng sangka, iek glang tal rai diuk di dom thương, bệnh binh, urang ngak bruk cách mạng, dalam nan hu dom urang dahlau diah ngak thanh niên xung phong, dom urang hu rai diuk kan kandah dalam xã hội. Phaok Thủ tướng brei thau: anak tal dom bộ ngành meda pasang iek veik yaok trường hợp, piah peih ngak ginup abih chế độ ka dom urang dahlau diah ngak thanh niên xung phong, oh caik ka urang hu rik daong ka taneh aia bo oh hu công nhận.

        # Tỉnh Lào Cai urak ini hu jaik 1.500 urang hu angan je di dom puk, palei, tổ dân phố saong dom khu dân cư. Tukvak tapa, dom urang ini, lac nòng cốt dalam dom bruk pakacah gauk anit ranam taneh ia, dom bruk jak ba praong di tỉnh meng dom bruk ngak siam, cambaih laih yau: tut angan baoh sang hadah krah oh hu tệ nạn XH; khik hacih saat dalam ngak mbang, ngak huak, tah klaak dom adat oh siam… Amuk Nông Thị Minh, bangsa  Giáy, urang hu angan je di  xã Cốc San, huyện Bát Xát, tỉnh Lào Cai khan lac: “Dahlau di abih drei brei ba akaok nao dahlau, tuk drei ndom, drei brei ngak hu. Rup dahlak saong dom urang jakar hu nao dahlau dalam bruk brei taneh daong harei ngak, meng nan bhap bini mboh hu kein laba di jalan mbak dalam bruk patagok kinh tế nan ye buh pren tame ngak. Dalam bruk padang ngak palei pala barau, camereip kol dahlak hu ngak salah bloh jalan mbak palei pala atah labaih 16km.

        # Huyện Mường Chà, tỉnh Điện Biên urak ini hu 145 urang hu pilih ruah, pok brei angan lac urang hu angan je dalam bhap bani bangsa takik. Dom urang hu angan je kham merat hu mbaok tame bruk xã hội di palei pala, bruk mặt trận, bhian pambuak bruk haong pakat ủy, karja puk palei pathau khan, padang ngak hukum palei, pagam haong bruk patagok kinh tế - xã hội, padang ngak puk palei ilamu, palei pala bahrau.

      # Urak ini hu jaik 7.000 janih klak drak daok hu pablei di drak dalam taneh ia. Ini jeng lac sa dalam dom jalan peih tabiak ka khak ja, khak oh siam saong dom bruk ngak suan hukum dalam ngak khak saong pablei salih khak ja dak harei dak ralo. Yaok thun gah khik iek drak langyah labaih 3.000 mbang vi phạm, cap mek jaik 1000 tấn khak dom janih. Tui kuhria  mboh oh ka ginup abih, khak ja, khak oh siam ngak khat lahik kadung jien karja 2,6 đô la Mỹ yaok thun.

      # 6 bilan akaok thun 2016, tỉnh Bình Phước hu quy hoạch labaih 494 ha taneh piah peih bruk  brei taneh ngak mbang pala drak ka bhap bani bangsa takik dalam 4 huyện: Bù Đăng, Bù Gia Mập, Bù Đốp, Đồng Phú, taphia di nan ba bruk ngak saong pato bruk ngak ka labaih 2.800 urang ngak di palei pala… rik daong patagok kein laba bruk ngak mbang, pala drak, paglaong jien mek tame ka bhap bani.

      # Peih bruk pato bruk ngak ka urang ngak palei pala, yaok thun tỉnh Kiên Giang hu jaik 4.600 urang bangsa takik, ralo meng lac bangsa Khmer, tame bac bruk ngak tui dom pakat cao đẳng, trung cấp bruk ngak saong bac bruk ngak. Hadei di tuk bac bloh, hu labaih 3.000 urang ngak hu bruk ngak, rik daong patrun urang oh hu bruk ngak, pasalih bruk urang ngak nong tapa oh ngak nong, pagalong ilamu dân trí, salih barau rai diuk bhap bini.

     # Tamat dom môn pakacah, kapul padhih Việt Nam mek hu abih tih 19 huy chương dom janih pak Nyaom Roya padhih dunya uranaih châu Á 2016 rah tabiak pak Cộng hòa Sakha, Liên bang Nga. Dalam harei pakacah puac abih di kapul, dom vận động viên hu ba mai 3 huy chương, dalam nan hu 1 huy chương pariak, 2 huy chương bal.

      Patui di ini dom khau tin dunya:

     # UB châu âu hu ba tabiak dom đề xuất barau piah palagaih jang ka urang di cư khin likau tame daok di châu Âu, meng nan pacang cakak bruk urang tị nạn tuh mai châu Âu. Urak ini urang tị nạn gaok ralo kan kandah dalam harak gar likau quy chế tị nạn, jeng yau brei pabak dom kadha biak kan kandah piah hu tị nạn di bhum taneh ini saong UB châu âu khin hu dom salih barau gah harak gar cambaih laih saong công bằng jang ka urang tị nạn.

      # Hãng Roi-tơ ba panuac di gah khik iek takai tasik I-ta-li-a brei thau, hu 4 urang metai saong jaik 1.000 urang di cư  angaok tasik Địa Trung Hải hu daong  dalam 6 chiến dịch cứu nạn harei 12/7. Bruk daong nan hu peih tabiak pak labik langiu tasik di Li-bi, kayua gah cứu hộ takai tasik I-ta-li-a, dua sruh gilai Hải quân I-ta-li-a pambuak haong Pasak daong urang di cư angaok tasik hu Jabat di Man-ta (MAOS) saong dom kapul nyaom ngak pahla peih ngak.

     # Rajaei Ma-lai-xi-a  mbang akaok meti dalam 7 thun tapa brei patrun 0,25%  yaom jien laba daok 3%, dalam tuk bruk ngak mbang kinh tế di taneh ia ini daok dang anak bruk xuất khẩu yếu kém saong bruk ngak mbang kinh tế dunya oh siam./.