Khaw tin 6h harei 19/9

#Ủy ban bhapbini huyện Duy Xuyên,  tỉnh Quảng Nam barau  hu quyết định brei apdang Ban khik ramik inem krung ilimo Mỹ Sơn meng bruk padang veik Ban khik ramik inem mek saong du lịch Mỹ Sơn. Ban khik ramik inem krung ilimo Mỹ Sơn hu dom bruk praong yau ini : peih bruk khik ramik, khik caga, dak padang saong  duah jalan khik kajap libik inem krung ilimo dunya Mỹ Sơn tui quy định. Khik caga saong patagok hệ sinh thái glai dalam labik khik. Peih bruk roh duah, ngak hồ sơ khoa học, khik piah tư liệu ka dom yaom ilimo Mỹ Sơn…

/ Dalam tuk tết trung thu meng bloh, labaih 800 anek saih, uraniah sang kan kandah di 11 phường, xã saong pasak raong pato uranaih njom jru mek klik karuoc ban sit Bảo Lộc hu karja saong dom doanh nghiệp rivang, alin pandap trung thu; yaok paok pandap yaom 200.000 đồng.

# Dhar Viettel Kon Tum barau peih bruk alin jien bac danakdak “ kayua dom adei pachreih bac” brei kapul pachreih bac tỉnh. Di var alin, lambaok Viettel dhar Kon Tum hu alin 560 paok jien bac (1 triệu đồng/sa paok) piah kapul apchreih bac tỉnh Kon Tum alin ka anek saih kathaot yam tagok kan kandah dalam tỉnh.

/ Urak ini Lâm Đồng lac sa dalam 13 tỉnh, ban sit bhum gah meraong hu urang ruak pandiak tabiak drah ralo. Dom puk palei hu urang njauk ruak ralo lac ban sit Bảo Lộc: 285 urang, huyện Lâm Hà 141 urang, huyện Di Linh: 198 urang…Gah y tế tỉnh Lâm Đồng jeng kuhria mboh dahlau lac, anak tal, dom urang njauk ruak pandiak tabiak drah daok patagok meyah oh kham merat peih ngak dom jalan pacang cakak kayua dom bilan tal lac tukvak tabung glaong ka jit ruak pandiak tabiak drah saong dui atah meng bilan 9 tal bilan 11 yaok thun.

#Hadei di labaih 5 thun peih bruk padang ngak palei pala barau, tỉnh Trà Vinh ieu pataom hu labaih 5 rabau tỉ đồng, dalam nan jien kayua bhapbini rik daong 1 rabau tỉ đồng. Dalam tukvak 2016 – 2020, Trà Vinh kuhria đầu tư labaih 6.500 tỉ đồng,  kham merat tal thun 2020 hu labaih 50% dom xã hu chuẩn xã palei pala barau . 

/ Meng harei 26 tal harei 30/9/2016 di pasak ilamu tỉnh Kiên Giang hu rah tabiak “harei pataom capi, daoh ragu daoh bhap bini 3 bhum taneh” kayua cục ilamu cơ sở - mintri ilamu TT saong DL pambuak bruk saong sở ilamu TT Kiên Giang peih tabiak. Harei pataom hu 1.200 diễn viên di 40 kapul mai meng dom tỉnh, ban dalam taneh ia mai hu mbaok.

# Meng harei 15-24/9 di sang bac Đại học Mỹ thuật Việt Nam (Hà Nội) peih parang iek 153 tác phẩm hadah trah di anek saih , sinh viên meng 22 labik pato pakei ilimo nghệ thuật dalam taneh ia. Họa sĩ Lê Văn Sửu, Hiệu trưởng Đại học Mỹ thuật Việt Nam, akaok Ban giám khảo brei thau, mbang akaok mereip peih ngak, min parang iek pachreih biak rilo tac pham payua mai.

Patuidi ini dom khau tin dunya:

/ Du lịch châu Á, abih di nyu nan lac Hàn Quốc meda lac hu angan saong pandap mbang angaok jalan. HQ thau lac, lingiu bruk mek pandap mbang angaok jalan piah yaih khan DL, brei hu jalan patagok bruk pasang iek chất lượng piah ngak ka tuai damuai hadar miat ka palei Kim chi.

# Meng harei 8 tal 25.9, harei pataom phim Đức mbang yaka 7 kayua  Viện Goethe Việt Nam peih  ngak meda rah tabiak di 5 ban, hu Hà Nội, Hải Phòng, Huế, Đà Nẵng saong ban raya Hồ Chí Minh. Bruk ngak mbang ini meda yaih khan ka urang maong Đà Nẵng dom  bộ phim barau abih saong jak jeng abih di điện ảnh Đức, hu “Hơi thở”, “Rico, Oskar saong dom bóng đen bí ẩn”, “Đầu xuôi đuôi lọt”…

/ Rajaei TL brei padeih bruk đấu thầu pablei brah daok khik mepiah dalam dom kho di karja piah nyaik bruk labaih nguồn cung darak pasar anak bilan yuak di bilan 11 tal./.