# Mentri Jien padai patabiak Thông tư 105/2017/TT-BTC tacei pato jalan khik iek jien padai peih ngak Quyết định ka 2085/QĐ-TTg di Thủ tướng raja-ei brei adat ngak sarak daong patagok kinh tế - xã hội bhum urang bangsa takik (DTTS) saong bhum ceik vaktu 2017 - 2020, hu peih ngak meng harei 20-11-2017. Sa dalam dom asal kadha bjauk caik hatai pak Thông tư nan lac bruk daong ba, rami ramik grap tanat labik daok ka baoh sang urang bangsa takik daok du canh, du cư. 

# Piah palagaih ka dom sang bhapnini bangsa takik kathaot, sang kathaot hu ginup dom bruk siam ka taneh pala drak, taneh daok ia ngak mbang ngak huak piah tani tanat raidiuk saong pala drak, trun takik bruk di cư tự do, ba jalan ngak mbang duah jien piah ka dom sang patruh kathaot samal, kajap tỉnh Tuyên Quang tabiak bruk daong jaik 290 tỷ đồng patagok kinh tế - xã hội bhum bangsa takik saong bhum ceik tukvak 2017-2020.

# UB bhap bani tỉnh Dak Lak bahrau parabha labaih 600 tấn brah daong brei học kỳ I thun bac 2017 - 2018 ka 8.206 anek saih pak 108 sang bac dalam dom xã bhum III, bhum biak kan kandah di tỉnh. Tui nan, yaok anek saih taduan mek hu ralo abih 75kg brah, samu 15 kg sa bilan, meng gilang khik piah negar. UB bhap bani tỉnh Đak Lak jao ka Sở pato megru pambuak haong Cục Khik piah karja gah Nam Tây Nguyên tame kadung, kuhria caga radaih pajeng ba saong jao brei pak dom labik parabha njauk adat hukuk.

# Tui kuhria mboh di mBan bangsa tỉnh Điện Biên, dalam 5 thun ini mai, tỉnh Điện Biên hu labaih 1.500 yau urang tảo hôn saong jeng diuk jeng pasang cận huyết, pataom tame di dom huyện Nậm Pồ, Điện Biên Đông, Mường Nhé...Ini lac bruk biak njauk báo động meyah oh hu dom jalan caga drak samal.

# Tỉnh Quảng Ngãi bahrau parabha 1.000 tấn brah meng gilang khik piah negar tal dom puk palei daong pacang eik lipa ka dom baoh sang njauk khat lahik meng ribuk. Tui nan, labaih 19.000 baoh sang njauk khat lahik trak kayua hajan ribuk dalam tỉnh Quảng Ngãi meng akaok bilan 11 tal ini hu daong 15kg brah sa urang sa bilan, dalam tukvak sa bilan.

# UB bhapnini ban Hạ Long, tỉnh Quảng Ninh meda caik jaik 1,7 tỷ đồng piah khik saong patagok dom ilimo siam kheih di palei ngak ikan di  Vịnh Hạ Long. Bruk khik meda pataom tame dua libik lac libik Cửa Vạn di Vịnh Hạ Long saong libik tái định cư palei ngak ikan Cái Xà Cong. Dom bruk ngak ini piah khik patagok kajap plaih ngak lihik yaom ilimo siam kheih di urang taong ikan palei ngak ikan.

7 # 5 bộ tem, hu thaot binguk dom cảnh đẹp di pulao tasik Việt Nam yau pulao Lý Sơn, ghềnh Đá Đĩa, vịnh Hạ Long, pulao kaoh Trường Sa atau pulao Song Tử Tây… meda hu tập đoàn Bưu điện Pháp – La Poste patabiak dalam tukvak anak tal.

         Khaw tin dunya:

  # Mỹ peih gói thầu yaom dua triệu USD piah duah bom mìn di Cam-pu-chia, dom adit hadei di tuk  pasak ngak bruk caga bom mìn di Cam-pu-chia brei thau bruk daong brei di Mỹ ka gah ini hu padheih bruk.

     # O.Xu-an-xan, urang kamei nghi can urang Thái-lan dalam vụ taong bom kandi Ê-rê-van di thun 2015 ngak ka labaih 20 urang metai, njauk cap mek hadei di tuk meng Thổ Nhĩ Kỳ mai tal mblang kapal haok di lingiu bal ine Băng-cốc.

         # Tui jabat urang kumei Liên hợp quốc, Mỹ la-tinh saong Ca-ri-bê lac libik taong paoh abih di dunya ka urang kumei. Bruk taong paoh urang kumei biak trak di Trung Mỹ saong Mê-hi-cô./.