# Tỉnh Yên Bái daok pataom tame ralo pren khang, sarak piah pakajap saong cakrok patagok mạng lưới y tế, pato pakai kapul nyaom urang jakar, đầu tư cơ sở hạ tầng, trang thiết bị piah paglaong bruk iek glang pren yava bhap bani. Tal urak ini, Yên Bái pasiam hu bruk kurang bác sĩ, dược sĩ đại học; mek hu tỷ lệ 8,35 bác sĩ ka 10 ribau bhap bani; 1,12 dược sĩ đại học ka 10 ribau bhap bani; tỷ lệ bác sĩ hu trình độ hadei đại học meblah 37,4%,daong ngak brei patagok bruk khám, iek ruak, iek glang pren yava ka bhap bani.

        # Công an ban Điện Biên Phủ, tỉnh Điện Biên daok duah thau, ngak brei cambaih laih bruk sa kapul 9 urang hu hộ khẩu daok di huyện Bến Cầu, tỉnh Tây Ninh pablei pandap klak ja di tỉnh Điện Biên. Tui adat hukum, bruk pablei salih di bhap bini pambuak tal dom pandap klak bo oh chứng minh hu quyền sở hữu, oh ngak njauk tui quy định hukum, lac ngak suan hukum. Kayua yau nan ye, tuk bhap bini mboh cổ vật atau hu menuac mai daa blei bo oh hu harak gar njauk tui adat hukum, ye bhap bini brei khan ka karja puk palei, jabat công an jaik abih piah langyah tui hukum.

      # Pak darak praong di dom huyện, bal Lào Cai saong abih di nyu lac labik du lịch Sa Pa, bruj pablei salih jru dược liệu, jru bắc, jru nam hu mboh biak ralo. Oh kan piah duah blei dom janih dược liệu yay dâm dương hoắc, bạch truật, tam thất, kỷ tử, ba kích… tal dom janih glaong jang yau nấm linh chi, sâm... yau nan min,  dược liệu atau domjanih jru iek ruak jeng hu tame paok sơ sài meng kadung nilon, angan je tok vak meng tangin, oh thau cambaih thành phần, asal di nyu mai meng halei, oh hu tukvak pandar.  

      # Jaik 4 bilan meng harei sruh jit ruak bạch hầu tamuh tabiak di sang bac THPT huyện Tây Giang, tỉnh Quảng Nam ngak ka 2 anek saih metai, ralo adei njauk tame sang iek ruak; bruk klauk vắc- xin pacang cakak jit di puk palei ini jeng oh ka salah. Kayua lac labik ceik glaong, kapul y tế cơ sở takik menuac nan ye peih bruk klauk pacang gaok ralo kan kandah.

        # Urak ini daok tame bilan thu, pandiak bhang dui atah mbuan ba tal khuah glai. Meng akaok thun tal ini, tỉnh Quảng Ngãi hu tacei pandar dom puk palei, abih di nyu lac dom labik mbuan khauh,  peih ngak dom jalan pacang caga khuah. Tỉnh Quảng Ngãi urak ini hu labaih 150 ribau ha glai; pataom tame ralo pak 6 huyện bhum ceik. 

      # Piah khik iek siam bruk khak ja,khak oh siam di darak pasar, mesup harei 5/5 di ban raya HCM, cục khik caga phun pala, mintri ngak nông saong patagok palei pala peih nyaom meyai góp ý dự thảo Nghị định khik iek khak di bhum gah meraong. Tapa nan, dom urang lambaok hu panuac caong, tacei tabiak cambaih ilamu chuyên ngành; ndom cambaih điều kiện pacang khuah padam khuah di cửa hàng pablei salih dalam bruk tame paok saong pablei salih; phân loại cambaih yau habar lac khak karei, yau habar lac khak vô cơ, khak hữu cơ piah mbuan khik iek.

       # Meng thun 2010 tal ini, Karja hu buh tame labaih 64.069 tỷ đồng piah padang ngak jalan mbak di bhum Tây Nguyên, dalam nan, phun jien ka dom công trình kayua trung ương khik iek jaik 45.347 tỷ đồng, daok veik lac phun jien ka dom công trình di puk palei khik iek. Patagok hạ tầng giao thông hu daong jhul patagok kinh tế - xã hội dalam bhum Tây Nguyên. Thun 2016, yaom pandap panda dalam bhum mek hu labaih 151 ribau tỷ đồng, tagok jaik 7,5% dut haong tukvak ini thun 2015; jien mek tame kuria tah tapa tui akaok menuac jaik 40 triệu đồng.

      Patui di ini dom khau tin dunya:

     # Sa bruk duah thau hatai sahneng di bhap bini kayua hãng Ơ-lếp barau peih ngak brei mboh lac, ứng cử viên Tổng thống Prang Ma-crông MEDA mek hu 62% phiếu bầu dalam mbang bầu cử Tổng thống di harei 7/5 tal. Dalam tuk nan, ứng cử viên Lơ-pen tok mek hu 38%. Bruk duah thau ini hu peih ngak hadei di tuk dua ứng cử viên hu mbang tranh luận angaok rayo papar binguk Prang di harei 3/5.

     # Gah vũ trang đối lập Syria bahrau tah klaak jalan ba tabiak di Nga  padang dom labik an toàn pak Syria saong ndom lac jalan ngak nan  đe dọa tal bruk toàn vẹn taneh ia ini. Dahlau di nan, Thổ Nhĩ Kỳ saong Iran njauk gauk pachreih tui đề xuất di Nga  padang bhum patrun căng thẳng pak Syria. Bruk ngak ini hu Liên hợp quốc pok meyaom min gah Mỹ oh njauk hatai.

    # Tui Roi-tơ, dalam mbang taom gaok 15 đại sứ dom taneh ia di Hội đồng Bảo an Liên hợp quốc barau rah tabiak di ban ine Xơ-un, quyền Tổng thống gam lac Thủ tướng Hàn Quốc Hoang Kiêu An brei thau, Xơ-un daok kham merat gam saong dom taneh ia dunya ngak ka pahu bruk sron mbon saong oh hu hạt nhân di bán đảo Triều Tiên./.