# Harei 28/11, Văn phòng Akaok negar hu tabiak công văn ka 1581 payua nao ka Ủy ban negar gah uranaih, Ủy ban Trung ương Mặt trận negar Việt Nam, Mentri Lao động - Thương binh saong xã hội, mentri pato megru, mentri Y tế, mentri Công an, Tòa án bhap bani pakat glaong abih, Viện Kiểm sát bhap bani pakat glaong di abih, Akaok UB bhap bani dom tỉnh, bal daok dalam Trung ương, brei thau ka panuac di Akaok negar Trần Đại Quang ka bruk bạo hành, xâm hại, taong paoh uranaih rah tabiak di dom puk palei. Akaok negar jeng pandar dom mentri, ngành, pambuak pagam tal, dom puk palei hu jalan langyah ka nyu siam, khik ka uranaih hu daok dalam siam mekre, khang kadang, cak rok patagok taong abih gah gam rup pabhap saong akaok sahaneng. Peih bruk pasang iek, thanh tra bruk ngak tui adat hukum pak dom sang bac mầm non, sang bac mẫu giáo, sang khik iek uraaih dalam negar piah pacang cakak, duah thau, langyah catang dom bruk ngak suan adat hukum gah uranaih.

  # Meng ini tal thun 2020 oh ka pasang iek bruk patagok yaom bảo hiểm y tế yau nan ye njauk kuhri kuhria yaom đóng, quyen loi ka njauk. Ini lac asal kadha di harak brei thau panuac di Phó Thủ tướng rajaei Vương Đình Huệ di mbang nyaom ka asal kadha ramik pasiam Nghị định 105/2014 di rajaei quy định cambaih saong tacei pato jalan ngak tui dom paka di hukum Bảo hiểm y tế. 

# UB bhap bani tỉnh Quảng Nam hu buh tabiak labaih 500 tấn brah meng gilang khik piah negar piah daong ka bhap bani gaok kan kandah meng ribuk ka 12 dalam tỉnh. Yaom brah nan hu dom gah chức năng dalam tỉnh parabha nao tal dom xã, phường, bal sit dahlau di harei 15/12/2017 piah daong ka bhap bani gaok kan kandah kayua ribuk ka 12 njauk manuac njauk urang.   

  # Tỉnh Đắk Nông hu labaih 47.000 dam dara tín đồ agama, meblah 27% taong abih dam dara dalam tỉnh. Tukvak tapa, bruk pasang iek raidiuk, adat cambat tanarakun di dam dara tuk halei jeng hu iek praong, yau nan ye dam dara tín đồ tôn giáo tuk halei jeng jum pataom, paglaong bruk nao dahlau dalam peih ngak dom bruk patagok kinh tế, xã hội di yaok palei. 

# Kayua ngak meluk dalam bruk peih ngak sarak phụ cấp công vụ tui Nghị định 34 di raja-ei, jaik 900 urang jakar, urang ngak hợp đồng, di dom jabat dalam tỉnh Lâm Đồng, daok njauk ndok sre. Yaom lac oh daok dalam gah mbang tui sarak phụ cấp công vụ tui Nghị định 34 di raja-ei, min kayua bruk ngak suan meng dom jabat khik iek karjar, 880 urang jakar hợp đồng di dom jabat, đơn vị sự nghiệp pak tỉnh Lâm Đồng, hu mbang tui sarak phụ cấp ngan haong yaom jien samu 25% jien bilan, dalam luac 5 thun tapa.

# Thun 2016, tuai nao tỉnh Sóc Trăng lac 1 triệu 1 ratuh rabau urang, dalam nan tuai daok veik tok hu labaih 281.000 urang saong jien mek tame hu labaih 460 tỷ đồng. Piah patagok du lịch, tukvak 2017-2020, tỉnh Sóc Trăng caik dahlau patagok janih du lịch bhapbini, pachreih đầu tư meng dom urang đầu tư mbiah saong sit dalam saong lingiu tỉnh, jak ba nguồn lực hu blaoh meng doanh nghiệp, padang dom hình mẫu mô hình du lịch cộng đồng, tuk hu kein laba meda peih praong. Bruk patagok dom pandap du lịch di tỉnh pambuak pagam saong dom điểm nhấn siam duk saong Sóc Trăng. 

# Pak bal Đà Nẵng, harei pataom phim Việt Nam mbang ka 20 peih talaih blaoh. Ban Tổ chức hu jao 4 giải Bông sen ameh, 7 giải Bông sen pariak ka dom phim gheih di abih dalam dom thể loại phim. Bộ phim “Adei oh ka tal 18”- janih phim truyện điện ảnh di đạo diễn Lê Thanh Sơn (Hãng phim Chánh Phương) mek hu Giải Bông sen Ameh di Liên hoan phim Việt Nam mbang ini.

Khaw tin dunya

#Jabat pambuak bruk saong patagok Kinh tế (OECD) hu ba tabiak pathau khan barau di abih kuhria mboh dahlau lac thun 2018 patagok kinh tế dunya meda  tagok tal tabung glaong dalam 8 thun mai ini. Tui nan, kinh tế dunya daok di jalan patagok 3,6% dalam thun ini, hadei di nan tagok 3,7% di thun 2018 saong trun veik 3,6% di thun 2019. Meng dom số liệu cập nhật, OECD hu ramik veik bruk patagok dự báo tăng trưởng kinh tế dunya dalam thun 2017, min khik tamo dự báo ka thun 2018. 

# Harei 28/11, urang jakar Li-bi peih bruk trục xuất 140 urang Ni-giê-ri-a nhập cư oh njauk adat hukum tame negar ini veik nao sang. Tui sa urang jakar raja-ei, dalam dom manuac urang njauk  trục xuất ini hu tal 28 adei sit saong 70 urang kamei. Dom urang ini njauk nao veik taneh aia drei angaok sa sruh kapal haok par meng mblang kapal haok Mi-ti-ga, gah pai bal ine Tripôli. Libi daok angaok jalan  di cư tal châu Âu di yaok triệu urang di cư meng dom taneh aia châu Phi. Meng negar ini, dom urang di cư meda nao tapa jalan tasik mbuan metai lihik angaok Địa Trung Hải, piah nao tal châu Âu.

# Tui pathau khan di gah Y tế dunya saong pasak pacang caga jit ruak châu Âu (ECDC), dalam thun bloh, hu 160 rabau urang njaom HIV di  53 taneh ia châu Âu, dalam nan 8% dom urang ruak barau lac di Đông Âu. Urak ini hu jaik 37 triệu urang di dunya njaom HIV, dalam nan rilo urang ruak daok di bhum kathaot jang yau châu Phi, libik bo bruk xét nghiệm, caga saong iek ruak daok bair. Min, jit HIV jeng mboh biak kan pacang caga di dom bhum meda jang yau Châu Âu./.