# Bộ luật Dân sự 2015 hu ba tabiak pandar meng 1/1/2017 hu ralo kadha bahrau, dalam nan hu ralo quy định daong pasiam bruk chế định drap ar saong quyền ngak pô piah khik kajap bruk tantu, cambaih laih dalam quy định di hukum, jak ba saong khai thác dom pren khang vật chất dalam xã hội. Quy định drap ar dalam quan hệ dân sự meda lac drap ar daok hu atau drap ar hu dalam harei hadei;  quyền pandar taneh lac sa quyền tài sản, bruk đăng ký tài sản njauk ngak công khai…

# Uỷ ban An toàn giao thông negar brei thau, dalam klau harei padeih tết dương lịch 2017 (meng harei 31/12/2016 tal 2/1/2017), dalam taneh ia rah tabiak 93 mbang bala, ngak brei 79 urang metai, 54 urang bị thương. Labaih 90% bala rah tabiak di angaok jalan mbak.

# Dalam harei akaok meti di thun 2017, pak dom labik pataok gilai Cảng Cái Lân ( tỉnh Quảng Ninh) hu peih ngaj bruk bốc dỡ dom chuyến pandap akaok mereip thun 2017 ka 6 sruh gilai dunya ngan haong pandap panda brei tapa abih tih  hu 200.000 tấn.

# Dom bilan jaik ini, gah chức năng dalam taneh ia duah mboh, mek khik rilo mbang pablei salih lậu pakao hala, mek khik yaok ratuh rabau kadung pakao hala lậu. Cambaih laih, di Long An, akaok bilan 12, công an thị xã Kiến Tường hu duah mboh, mek khik labaih 24.000 kadung pakao hahla ngoại dom janih blei tame lậu hu pajeng meng radaih pajeng tuai.

# Ong Nguyễn Viết Vy - Bí thư huyện đảo Lý Sơn – brei thau, Ủy ban bhap bani tỉnh Quảng Ngãi njauk hatai bruk pasiam  jalan cơ động tapen rasik di pakao Lý Sơn piah ngak jalan nao kabak. Jalan nan atah 3 km, meng sang bac Trung học phổ thông Lý Sơn tal tatua cảng Lý Sơn. Langiu di jalan brei ka urang nao kabak, dua tapen jalan hu pala phun hijao, hu gom hadah mekre tuk melam. Vin taom drar hu ralo pasak pablei salih saong parang pablei đặc sản, mbang huak, inem krung ilamo oh mboh di meta.

# Ngan saong kadha “Biên Hòa – ban bingu xuân”, jalan bingu Nguyễn Văn Trị (Đồng Nai) hu peih tabiak meng harei 24/1 tal 3/2/2017 (lac harei 27 bilan Mat tal 7 bingun Tết Ðinh Dậu). Ủy ban bhapbini ban sit Biên Hòa brei thau, jalan bingu Nguyễn Văn Trị hu dom labik ye: 6 cụm cảnh praong hu rilo kadha, 30 cụm cảnh sit saong 100 tiểu cảnh bingu dak dalam mblang beir taphia kraong Đồng Nai. Abih tih jien piah peih ngak jalan bingu ini labaih 9 tỷ đồng, dalam nan labaih 6 tỷ đồng meng jien xã hội hóa.

# Sa nghệ nhân di Tiền Giang daok hu bein kiểng menuk quý pablei Tết Đinh Dậu hu tạo hình meng dom phun bingu trang cổ thụ, yaom yaok cặp yaok rituh triệu đồng. Khu bein prong yaok ribauy mét vuông di nghệ nhân Năm Thoại (Nguyễn Văn Toản, 57 tuổi) daok di xã Long Trung, Cai Lậy (Tiền Giang) hu angan di abih dalam bhum meng yaok rituh gha phun bingu trang hu ngak jeng rup cim, anek athur biak mekre mek meta daok nerak bingu bhong meriah. Langiu di bruk ngak jeng dom drei athur bhian randah yau inegrai, phụng, anek kubao, drei ikan, thaih, asau, tê giác, di mblang beik ini daok hu "Tapol menuk biak praong" yaok pluh drei.

Khaw tin dunya

# Hội đồng Lập pháp Thái Lan barau brei thau, jalan pasiam gah dân chủ ginup abih meda gaok suai veik, bruk tổng tuyển cử tui kuhria hu peih ngak di puac thun ini, meda kadun tapa tal bilan 4/2018. Tướng Xổm-đệt (Somjet Boonthanom), sa urang dalam Hội đồng Lập pháp brei thau, urak ini, uy mban soạn thảo Hiến pháp (CDC) daok padang ngak dom bộ luật hữu cơ saong 8 bilan tra meng ngak blaoh 10 bộ luật ini. 

# Thun 2017, klau gah Mỹ - Trung - Nga, klau taneh aia khang dang akaok dunya, meda hu dom salih bahrau biak praong, abih di nyu nan lac bruk ong Donald Trump jeng tổng thống ka 45 di Mỹ. Ong Trump meda kham merat salih karei jalan taom gaok di Mỹ ngan haong dunya saong meyah yau nan, Trung Quốc saong Nga meda lac pasak di bruk salih bahrau nan.

# Cảnh sát Canada barau mek kereik sa phi công di hãng kapal haok  Sunwing Airlines hadei di tuk urang ini gaok mboh bất tỉnh di kik peih dahlau di tuk  kapal haok par. Cảnh sát brei thau, urang phi công ini peih sruh kapal haok Boeing 737 pajeng 99 tuai gam saong 6 urang phi hành đoàn, daok caga par meng ban Calgary, tỉnh Alberta, padheih takai di Regina, tỉnh Saskatchewan, saong Winnipeg, tỉnh Manitoba, Canada, paih nao tal ban Cancun, Mexico./.