# Harei 27-2 Ban Thường trực Ủy ban Trung ương MTTQ Việt Nam peih  Nyaom biai pathram bruk Mặt trận thun 2018 piah caga peih Nyaom roya MT negar Việt Nam dom pakat. Akaok Ủy ban Trung ương MTTQ Việt Nam Trần Thanh Mẫn tacei lac tukvak anak tal Ban Thường trực Uỷ ban Trung ương MTTQ Việt Nam patui veik sangka tal sarak, bruk bồi dưỡng, pato pathram, dak padang kapul nyaom urang jakar hu tâm, hu tầm, sami samar, hadah krah, kham ngak piah pabak bruk di MTTQ Việt Nam dalam tukvak bahrau.

# Harei 27/2, UBKT Tỉnh ủy Đắk Lắk tabiak bruk kỷ luật tui jalan cảnh cáo  ong Trần Ngọc Điếp - Ủy viên Ban Thường vụ, Trưởng ban Tổ chức Huyện ủy Ea Súp. Tuk vak tapa, menuac sia di huyện Ea Súp oh njauk hatai bruk hu rilo urang jakar khik ramik, pal akaok dom phòng ban dalam huyện hu pok ngak bruk karei tuk oh ka ginup tiêu chuẩn. Dalam nan hu anek  likei, anek metau kamei di ong Điếp jeng hu pok ngak bruk karei tuk oh ka ginup tiêu chuẩn, oh njauk adat hukum.

# Biar harei 27/2, Đại tá Lê Văn Tuyến, akaok Công an tỉnh Đắk Nông hu mai rivang saong pok brei Công an bal sit Gia Nghĩa yaom jien 5 triệu đồng kayua samar duah mboh bruk co klaik drap ar. Akaok mereip đối tượng khan angan lac Hoàng Văn Đức (SN1991), daok di xã Việt Thành, huyện Trấn Yên, tỉnh Yên Bái, oh hu bruk ngak, nghiện ma túy trak. Hadei di tuk klaik radaih oh jeng, Đức mai veik phòng trọ di bal sit Gia Nghĩa klaik sa baoh điện thoại di động di bhap bani blaoh ndik radaih khách mai bal Buôn Ma Thuột pablei mek jien cai pandar ye njauk cap khik.

# Tui kuhria mboh di Liên đoàn lao động tỉnh Bình Dương, dom doanh nghiệp ngak bruk  meng harei 6 bingun tết (lac harei 21/2) bahrau hu labaih 25%, urang ngak mai ngak bruk veik di dom khu công nghiệp hu labaih 40%. Min, tal mesup harei 27-2, hu labaih 97% urang ngak dalam tỉnh nao ngak bruk veik. bruk urang ngak mai ngak bruk veik hadei Tết oh ginup kayua rilo doanh nghiệp oh ka ngak bruk, dom urang ngak likau padeih adat thun, piah hu padeih tết lavik harei taom gaok gauk gar dalam sang. Tui kuhia hadei di harei 2/3, lac hadei di harei ia bilan bak boh  bilan sa , urang ngak mai ngak bruk veik ginup.

# Harei 27/2, Bộ chỉ huy Bộ đội Biên phòng tỉnh Kiên Giang pambuak haong karjar xã Vĩnh Điều di huyện Giang Thành peih bruk tết pala phun hamiat hamiat kanal hadhal tal dar phor Wa Hồ. Hadei di tuk tabiak bruk, urang jakar chiến sỹ Bộ đội biên phòng, dom anek saih gam haong karja puk palei pala bahrau 200 phun mek kayau. Jalan ngak tal abih thun 2018, gah biên phòng Kiên Giang pala bahrau 4.000 phun hijao.

Khaw tin dunya

 # Ong Som Răng Sy (Sam Rean Sy), dahlau deih dang akaok  đảng Cứu Quốc, dok daok di negar langiu njauk Tòa án Thủ đô Phnompenh tabiak bruk  pataom mek drap ar piah  thi hành bản án dân sự. Bruk  patom mek drap ar nan kayua Thẩm phán Rô Pi Sất mbaoh tangin ndom lac, mek sang song taneh di ong Som Răng Sy di ban ine Phnompenh piah thi hành án dân sự ka dom nguyên đơn.

# Thủ tướng Xing-ga-po Lý Hiển Long brei thau, dalam tukvak anak tal rajaei di ong meda salih bahrau piah pamong tal bruk jao rilo bruk trak jang ka dom dom rai rah pal akaok daok ranaih umo ini. Ong Lý Hiển Long brei thau, ong meda likau padeih dalam dua thun tra saong taneh aia pulao kaoh Xing-ga-po (Singapore) meda peih bruk palih ruah di akaok thun 2021. Tui kurhia urang kế nhiệm Thủ tướng urak ini jeng lac sa dalam dom urang dalam rajaei urak ini.

# Tòa án Tối cao Mỹ harei  26/2 hu “saic ia liar” tame jalan ngak di karja Tổng thống Mỹ Đô-nan Trăm tuk hu panuac ieu karja di ong njauk khik ramik bruk khik caga yaok rituh ribau urang nhập cư suan hukum tame Hoa Kỳ tuk dok sit, dok hu ieu lac rai Đrim-mơ (Dreamers). kuhria Meng di tuk tabiak rai di thun 2012, Danak dak  bruk ngak trì hoãn trục xuất dom urang nhập cư suan hukum tame Mỹ meng tuk dok sit hu khik caga quyền lợi ka labaih 700 ribau urang  nhập cư ranaih umo hu daok veik Mỹ ngak bruk njauk tui adat hukum./.