# Brei panuac di mbang nyaom Rajaei bilan 8, Phó Thủ tướng Vũ Đức Đam ndom lac, bruk Việt Nam  Pharma njauk langyah catang tui adat, ngak brei cambaih taong abih gah. Phó Thủ tướng brei thau, hu brei panuac ka Jabat Rajaei hu harak pandar Mintri Y tế pathau khan ka bruk khik iek gah karja di Mintri. Abih di nyu nan lac, njauk pasang iek bruk brei adat blei jru, brei adat tut angan jru di Mintri Y tế.

# Tui Tổng cục Thống kê, dalam 8 bilan tapa, yaom jien pablei pandap tabiak negar lingiu hu jaik 134 tỷ đôla Mỹ, rilo jang jaik 18% dut saong tukvak ini thun dahlau. Daok darak pasar pablei pandap tabiak negar lingiu, Hoa Kỳ jeng daok lac darak pasar praong abih di Việt Nam saong yaom jien mek hu dalam 8 bilan lac labaih 27 tỷ đôla Mỹ, rilo jang 9,7% dut saong tukvak ini thun dahlau, patui di nan lac Liên minh Châu Âu; Trung Quốc; ASEAN; Nhật Bản; Hàn Quốc.

# Quốc khánh thun ini, pasak khik ramik inem mek Cố đô Huế oh mek jien harak tame pabah mbang dom inem mek Huế harei 2/9 saong peih adit ameh Du lịch meng harei 2 tal harei 8/9. Lingiu di nan, meng harei 1/9, bhap bini di tỉnh Thừa Thiên - Huế hu trun meteh yaom jien blei harak tame iek dom inem mek di Cố đô Huế. 

  # Tòa án bhap bini ban sit Tam Kỳ peih xét xử sơ thẩm bruk Ngak mbang pablei salih di urang ngak ikan angan Trần Văn Liên, daok di xã Bình Mình, huyện Thăng Bình, tỉnh Quảng Nam haong  Công ty ngak gilai Bảo Duy, daok di ban sit Đà Nẵng saong Công ty Liên Á (gah pabak jamriak).  Tòa tabiak panuac pandar Công ty ngak gilai Bảo Duy bayar ka urang ngak ikan 2,8 tỷ đồng kayua eng drei nduac iek ngak brei khut jamriak.

# Mban Chấp hành Đảng bộ tỉnh Bà Rịa - Vũng Tàu brei tapa bruk kỷ luật khiển trách ong Nguyễn Văn Hoàng, Phó Bí thư Thành ủy Bà Rịa, Chủ tịch Ủy ban bhap bini ban Bà Rịa. Bruk nan mai meng Ong Nguyễn Văn Hoàng pambuak tal bruk langyah sai phạm di mban khik ramik pasak pablei salih Bà Rịa. Ong Hoàng suai mboh tangin tame harak brei thau bruk thanh tra, suai tacei brei pataom mek veik 774 triệu đồng khat lihik .

# Harei 30/8, Đồn Biên phòng pabah mbang negar pakat dunya Lao Bảo pambuak haong Chi cục Hải quan pabah mbang negar pakat dunya Lao Bảo duah mboh bruk pajeng jaik 40 kg pháo  kayua tài xế Nguyễn Nam Long, 40 thun peih ô tô biển số Lào, meng Lào tameViệt Nam tapa pabah mbang negar pakat dunya Lao Bảo.  Long khan lac, pajeng mbang pah pháo nan ka sa urang oh ka thau angan je meng Savannakhet (Lào) mai Việt Nam piah pablei. Urak ini bruk nan daok hu gah chức năng duah thau, ngak brei cambaih laih.

        # Gah khik iek darak pasar pambuak haong Cảnh sát Giao thông tỉnh Gia Lai mboh sa sruh radaih pajeng tuai hu pajeng 3.400 pok pakao lậu.  Radaih nan hu biển kiểm soát 81B-013.17 kayua Đỗ Đức Huy (menek thun 1981, daok di ban sit Pleiku) peih, daok angaok jalan pajeng pakao lậu nan meng Pleiku nao huyện Chư Sê.  Urak ini, Chi cục khik iek darak pasar Gia Lai hu ngak biên bản khik mek pakao nan, daok duah thau, ngak brei cambaih laih bruk nan.

Khaw tin dunya:

#Tổng thống Mỹ Đô-nan Trăm (Donald Trump hu ndom biai tapa phone haong patao A Rập Xê-út Xan-man (Salman), pachreih dom gah pambuak tal bruk tranh cãi ngoại giao haong Ca-ta duah sa jalan ngoại giao piah padeih abih bruk srau kadau urak ini. Dalam mbang ndom biai tapa phone ini, dua gah hu ndom tal bruk njauk taong tayah khủng bố, cakak bruk daong ka khủng bố saong pacang veik jalan sahneng cực đoan.

# Đại sứ Anh di Liên hợp quốc (LHQ) Ma-thiêu Rai-cróp (Matthew Rycroft) brei thau, Anh caong khin dom jalan trừng phạt bahrau di Liên hợp quốc ngan saong Triều Tiên meda pamaong tal dom urang ngak Triều Tiên daok di taneh ia lingiu, dalam nan rilo meng lac daok di Nga saong Trung Quốc. Sa urang điều tra nhân quyền di Liên hợp quốc di thun 2015 brei thau, hu labaih 50 ribau urang Triều Tiên ngak bruk di negar lingiu, rilo meng lac ngak di Nga saong Trung Quốc, ba mai ka taneh ia meng 1,2 - 2,3 tỷ đô la yaok thun. 

# Vê-nê-xuê-la (Venezuela) hu panuac caong daong chip ka Mỹ hadei di tuk ribuk Ha-vi (Harvey) tuh tame Mỹ ngak khat lihik trak ka taneh ia ini.  Ngoại trưởng Vê-nê-xuê-la Giô-gơ A-rê-gia (Jorge Arreaza) ndom lac, dhar di công ty menyek negar Vê-nê-xuê-la ( PDVSA ) meda rik tame 5 triệu đô la jeng ye kaoh tabiak 1% jien laba meng bruk pablei menyek di Cty ini di Mỹ piah daong ka taneh ia Mỹ pasiam veik hadei di tuk njauik ribuk. Kuhria tal urak ini, hu 17 urang metai saong 30 ribau urang klak sang nao plaih chip tuk ribuk Ha-vi tuh tame bang Tếch-dát (Texas) di Mỹ./.