Khaw tin 6h30 harei 10/10

                    # Caga pacang áp thấp nhiệt đới dok tuh samar tame boh taneh, Ban tacei jalan pacang caga ribuk song dong duah urang gaok bala ban Đà Nẵng hu panuac tacei  Bộ Chỉ huy Bộ đội Biên phòng ban Đà Nẵng pambuak bruk song Rayo khau tin duyên hải Đà Nẵng samar pathau khan tal tong abih dom kapan gaiy dok tong chap di angaok tasik piah ka urang taong ikan thau labik rah tabiak saong jalan nao di áp thấp nhiệt đới, piah caga pacang. Lingiu di nan, daok hu panuac tacei dom đơn vị oh brei dom kapan gaiy tame labik jalan nao di  áp thấp nhiệt đới, samar tame gah atau duah labik pataok siam mekre.

 #17 thun tapa, dom doanh nghiệp, cơ quan đơn vị, dom kapul nyaom dunya, urang Việt Nam daok di taneh ia lingiu hu daong dom danakdak an sinh xã hội jaik 50.000 tỷ đồng tapa rilo jalan daong karei di gauk. Meng kadung jien ini, Uỷ ban Mặt trận negar  Việt Nam dom pakat hu pambuak bruk saong karja puk palei daong padang jaik 1 triệu 500 rabau baok sang jum pataom ka sang kathaot, daong yaok ratuh trieu sang kathaot hu pandap sản xuất, daong yaok rabau công trình dân sinh.

          # Urak ni, yaom hadang  hùm tagok meng 200.000 tal 300.000 đồng/kg, min urang rong hadang hùm di tỉnh Phú Yên oh hu hadang piah blei. Urak ni yaom hadang hùm bingu tagok tal 1,9 triệu đồng/kg, tagok 300.000 đồng/kg dut song akaok thun ; hadang  hùm hajao labaih 800.000 đồng/kg, tagok 200.000 đồng/kg. Makna yaom hadang hùm tagok khang lac kayua thun ni dalam  tỉnh rah tabiak 2 mbang jit ruak di angaok hadang hùm song hadang hùm metai tui kuhria tagok tal  700 tỷ đồng. 

# Sở pato megru tỉnh Đồng Nai barau hu văn bản pandar dom phòng pato megru, dom sang bac dalam sở patagok bruk jak ba amaik ame blei bảo hiểm y tế ka anek saih dalam thun bac 2017-2018. Daok dom anek saih sang kan kandah, njauk jak ba xã hội daong thẻ bảo hiểm y tế ka dom adei. Jak ba abih anek saih blei bảo hiểm y tế thun 2017 saong khik kajap tỷ lệ ini dalam dom THUN tal.

      # Ủy ban bhap bini  huyện Dương Minh Châu, tỉnh Tây Ninh hu peih bruk jao pok jien pachreih bac pachreih megru thun bac 2017-2018 ka dom sinh viên song anek saih kan kathaot bac da-a naih joi. Abih tih jien bac mbang ni yaom 170 triệu đồng kayua Huyện ủy Củ Chi song kapul dam dara Sở Văn hóa Thể thao song Du lịch (ban raya Hồ Chí Minh) dong 150 triệu đồng, binah dok veik kayua kapul pachreih bac pachreih megru huyện Dương Minh Châu dong brei

  # Tal Urak ini, tỉnh Bến Tre patagok hu 57 palei ngak, dang akaok bhum taneran kraong Cửu Long. Dalam nan hu 37 palei ngak di gah ngak nong, 18 palei ngak tiểu thủ công nghiệp... Dom palei ngak di tỉnh Bến Tre jeng hu dom jalan patagok siam. Njauk caik hatai lac palei ngak phun pajaih, bingu kiểng di huyện Chợ Lách, Mỏ Cày Bắc  mek jien tame glaong, ba  bruk ngak tani tanat ka labaih 13.000 urang ngak.

  # Công ty cổ phần pajeng ba jalan pasei Sài Gòn brei thau, meng harei 15/10 hu pablei  harak radeih pui  Tết Mậu Tuất 2018 ka tuai damuai nao mai. Tui nan, hu labaih 300 ribau harak radeih hu pablei tabiak dalam tuk tết, tagok labaih 10 ribau harak dut song thun dahlau, dalam nanhu labaih  130 ribau harak  nao dahlau tết. Bhap bini khin blei harak radeih pui nao dalam tuk  tết Nguyên đán meda tut angan tame blei  di angaok blah  website www.dsvn.vn atau nao tapak  ga Biên Hòa atau dom ga, đại lý dok jiak piah blei.

          Khaw tin dunya

            # Harei 9/10, mintri Thương mại Trung Quốc brei thau yaom doanh thu pablei lẻ dalam tuk lễ Quốc khánh Trung Quốc, rah tabiak dalam 8 harei. Tui nan, doanh thu pablei lẻ saong dom dịch vụ mbang menyum dalamdom harei Quốc khánh di Trung Quốc mek hu  1,5 rabau tỷ nhân dân Tệ, nan lac jaik 200 tỷ đô la Mỹ, tagok 10,3% duk saong thun dahlau.

# Cảnh sát Ấn Độ  brei thau, hu takik di abih 4 sinh viên metai song 6 urang karei njauk rambuac dalam mbang radeih paoh gauk  di angaok jalan harei  (8/10), atah di ban ine  Niu Đê-li (New Dehli) di Ấn Độ labaih 25 km.

# Tổng thư ký Liên hợp quốc An-tô-niô Gu-tê-rét (Antonio Guterres) meda tapa ravang Nhật Bản di puac thun ini piah ginum biai saong Thủ tướng Xin-dô A-bê (Shinzo Abe) dom bruk di dunya, di bhum taneh, dalam nan hu gam bruk angaok bán đảo Triều Tiên. Dalam mbang ravang Nhật Bản ini, dua urang Dang akaok meda ginum biai ka bruk pandiak tagok d dunya, salih barau Liên hợp quốc jeng ye dom bruk patagok khang kajap piah palahik eik lipa, kathoat rambah, bất bình đẳng./.