Khaw tin 6h30 harei 10/2 

# Piah daong ka urang pala nho di Ninh Thuận njauk khat lihik kayua pandar jru khik caga phun pala (lac jru hareik BecAno 500 SC) oh njauk, Sở ngak nong saong patagok palei pala, Chi cục pala drak saong khik caga phun pala tỉnh Ninh Thuận gam saong Công ty TNHH Bayer ViệtNam haong labik pablei jru khik caga phun pala hu pataom gauk langyah, bayar labaih 300 triệu đồng ka mikva urang pala nho piah pala veik. 

# Piah daong ka urang jaoh jo kan kathaot bui sambai mbang tet, barau ini, Công ty Xổ số kiến thiết tỉnh Kiên Giang pambuak bruk saong kapul daong urang ruak kathaot di tỉnh peih bruk alin pandap tet ka urang jaoh jo kan kathaot, urang jaoh jo pablei vé số. 800 paok pandap lac 500 rabau jien hu alin tal tangin urang jaih jo kan kathoat, urang jaoh jo pablei vé số di jabat công ty.

# Liên minh Hợp tác xã tỉnh Trà Vinh daok jak ba urang nong pala padai di dom hợp tác xã dalam huyện Tiểu Cần pataom tame mblang hamu praong, ngak padai siam ka môi trường pandar công nghệ vi sinh, hữu cơ vi sinh.  Ngak padai tui jalan ngak yau nan, trun hu 40% khak drak duk saong ngak padai meng kan nan ye padai khik hu an toàn vệ sinh thực phẩm, siam ka môi trường saong paglaong jien mek tame ka urang ngak nong. 

# Liên đoàn Lao động tỉnh Sóc Trăng, Hội Liên hiệp dam dara  tỉnh saong rayo papar sap papar binguk tỉnh Sóc Trăng pambuak bruk peih harei ngak ndam likhah tập thể ka urang ngak dalam tỉnh thun  2018. Ini lac thun ka 4, harei ngak ndam likhah ka urang ngak Sóc Trăng hu peih ngak. Tui nan, mbang ini hu 9 yau lac urang đoàn, dam dara, urang ngak kan kathaot hu peih ngak praong prang.

# Harei 9/2, kapul ngak bruk di dom  sở, ngành ban raya Hồ Chí Minh hu ngak bruk haong Ban Quản lý saong dom urang pablei salih di dom darak pandap panda kaya nong ka bruk caga pandap pablei Tết Nguyên đán Mậu Tuất 2018.  Ông Nguyễn Văn Huây, Giám đốc darak nông sản Thủ Đức, brei thau: Urak ini, dom urang pablei salih di darak hu pambuak bruk haong dom labik ngak pandap piah khik piah pandap. Daok dom labik pablei salih di darak jeng hu caga pandap piah pablei dalam 5 harei tabung glaong puac thun, lac meng harei 25 - 29 bilan mat saka ia bulan.

Khaw tin dunya

         # Tuyết laik tapeng tasik Nhật Bản daok trun takik hadei di tuk libik ini me-om bak tuyết tapal kỷ lục. Hu 3 urang metai, dalam nan 2 urang metai kayua ngạt khí CO hadei di tuk gar dalam radaih ôtô.

 # Tổng thống Nga Vlađimia Putin bahrau hu mbang ndom biai tapa phone haong Tổng thống Thổ Nhĩ Kỳ Tay-íp Éc-đô-gan (Tayyip Erdogan) piah ginum biai bruk samar peih nyaom biai tra ka Xyri di 3 urang dang akaok lac Nga, Iran saong Thổ Nhĩ Kỳ di ban I-xtan-bun, Thổ Nhĩ Kỳ. Tapa ndom diai tui phone nan, 2 urang dang akaok 2 taneh ia jeng hu ginum biai rilo kadha pambuak tal bruk khủng hoảng di Xyri, bruk mesruh metak di mblang mesruh I-đơ-líp (Idlib) saong A-phơ-rin (Afrin) jeng ye bruk ginum biai di dom gah di A-xta-na (Astana), Ca-dắc-xtan.

# Thủ tướng Palextin Ra-mi Hăm-đa-la (Rami Hamdallah) harei ini hu panuac ieu Đặc phái viên Liên hợp quốc ka Trung Đông Ni-cô-lai Mla-đê-nốp (Nikolay Mladenov) pacang cakak dom bruk quân sự jeng ye dom jalan nao ngak patagok bruk căng thẳng meng gah Ixraen. Ông Ra-mi Hăm-đa-la caong lac, Liên hợp quốc hu dom jalan nao khang kadang jang dalam bruk pandar  Ixraen langyah dom căng thẳng.