# 11 taneh ia, dalam nan hu Việt Nam, hu mbaoh tangin tame harak pambauk taong abih bruk saong Tiến bộ xuyên Thái Bình Dương (CPTPP) di Santiago, Chile. Lambaok Việt Nam, akaok mintri Công thương Trần Tuấn Anh, hu mbaok mbaoh tangin di harei 9/3. Meng jaik meteh tỷ menuac, 11 taneh ia di CPTPP rik tame abih tih jaik 10.000 tỷ USD, lac labaih 13%, GDP dunya saong lac sa dalam 3 harak pambuak bruk pablei salih praong abih dunya

# Harei 9/3, urang Cam Bà-ni tỉnh Bình Thuận tame harei Suk Yeng (Súc dưng) – rija mengkan hu peih ngak yaok thun sa mbang. Ini lac harei hội di bhapbini Cam tui agama Bà-ni di  tỉnh Bình Thuận. Rija rah tabiak di sang megik palei Bình Thắng, xã Phan Hòa saong tamat di sang megik palei Thanh Kiết xã Phan Thanh, huyện Bắc Bình, tỉnh Bình Thuận. Di sang megik, dom ông Car, ong mum, saong urang Cam bani ba  gauk puac kinh caong ka bhapbini siam mekre, hajan siam angin lagaih, ngak padai hu padai ngak tangei hu tangei di thun barau.

   # Dom thun tapa, kapul dam dara Cộng sản Hồ Chí Minh tỉnh Đắk Lắk pandar hu siam dom phun jien padang mbang nguii, daong dam dara padang mbang ngui, patagok rilo mô hình kinh tế ba mai kein laba glaong. Piah nao gam jalan haong dam dara padang mbang ngui, Tỉnh Đoàn Đắk Lắk hu daong palagaih ka dam dara urang đoàn hu mesriay jien piah ngak mbang, abih di nyu nan lac di dom bhum atah bayah, bhum urang bangsa takik

# Urang dang akaok sang iek ruak quân y 120 – Cục Hậu cần, Quân khu 9 (di tỉnh Tiền Giang) barau alin harak meyaom gam tui paok jien 1 triệu đồng ka saai Nguyễn Trọng Ngọc Phượng lac nhân viên di sang iek ruak ini kayua oh hawa (tham) drap ar di urang ngak laik. Harei 27/2/2018, saai Nguyễn Trọng Ngọc  Phượng daok ngak bruk di  quầy thuốc nội trú hu duan 01 baoh kadung caik var di bhan kuhria jien. Dalam kadung jien ini hu 6.648.500 đồng saong 650 EURO.  Tuk mboh drap ar ngak laik, saai Phượng samar khan brei Trực Ban saong Giám đốc sang iek ruak thau.

# Yaok ribau urang taong ikan sang daok di tapen tasik tỉnh Bạc Liêu bui sambai kayua dom harei akaok thun taong cap hu biak rilo ruốc biển, pablei hu yaom, jien mek tame hu labaih 10 triệu đồng sa baoh kapal yaok harei. Tui panuac khan di mikva urang taong ikan, dom harei tapa lingik tasik lagaih ka gilai, kapaltabiak tasik taong cap hu rilo ruốc. Angaok thu, pandiak siam daong ka urang ngak ikan lagaih pambu thu, khik hu chất lượng, pablei hu yaom glaong.  

Khaw tin dunya

# Rilo taneh ia praong di châu Á ye Nhật Bản, Hàn Quốc saong Trung Quốc hu panuac ndom catang anak bruk Tổng thống Mỹ Đô-nan Trăm (Donald Trump) harei 8/3 mbaoh tangin tame sắc lệnh ba tabiak tanut kak je barau ka dom janih thép saong nhôm nhập khẩu. Dahlau nan rilo taneh ia saong jabat dunya ye Bra-xin, Ác-hen-ti-na, Ca-na-đa, Liên minh châu Âu jeng hu panuac phản đối khang bruk ba tabiak di Mỹ.

# Di Thổ Nhĩ Kỳ, harei 8/3, yaok ribau menuac ba gauk tabiak jalan chreih chrai abih di Ixtanbun, lac jalan roya Ít-sti-can (Istiklal), di harei dunya urang kumei piah phản đối bruk taong paoh, kateik greik urang kumei. Urang ba gauk trun jalan , preo khang dom khẩu hiệu saong ba tui dok, biểu ngữ ieu brei hu jalan khik caga urang kumei ka nyu siam jang.

#Harei 9/3, sa mbang megaiy taneh khang 6,8 độ richter rah tabiak lingiu tasik Papua New Guinea. Tui gah Khảo sát Địa chất Mỹ, megaiy taneh rah tabiak di labik dalam 15,2 km, atah di bhum Taron di Papua New Guinea 20km nao gah timul -Đông Bắc. Urak ini oh ka  thau  khat khat atau metai lihik. Ini lac mbang megaiy taneh ka dua rah tabiak dalam tukvak oh ka tal 2 adit di taneh ia Tây Nam Thái Bình Dương ini.