# Vietcombank bahrau brei thau bruk tagok yaom jien phí suak mek jien di ATM meng 1.100 đồng sa mbang tagok 1.650 đồng sa mbang meng harei 15-7. Lingiu di nan, jien phí chuyển khoản di dom gilang pariak angaok ATM jeng tagok 3.300 đồng sa mbang . Hadei di bruk ngak di Vietcombank, tui kuhria dalam tukvak anak tal, rilo gilang pariak karei jeng meda tagok jien phí suak jien ATM di drei.

#Tui pathau khan ka darak pasak bất động sản quý 2 thun 2018 barau hu Công ty Savills Việt Nam ba tabiak, gah văn phòng di ban raya HCM daok hu takik dalam tuk yaom pah tagok khang. Tagok yaom kayua yaom pah jeng tagok di taong abih gah. Công suất trung bình khik tani tanat di tanut 96%. Langyah ka yaom pah văn phòng tagok, ông Sử Ngọc Khương, Giám đốc Bộ phận Đầu tư, Công ty Savills Việt Nam brei thau, jaik abih dom văn phòng brei pah daok di pasak ban raya ye Quận 1, Quận 3, libik taneh oh daok rilo, nan ye dom cao ốc văn phòng brei pah di anak tal biak takik, dalam tuk urang caong khin pah tagok rilo.

# Di huyện Krông Bông, tỉnh Đắk Lắk, baoh menaih tame bilan kaoh baoh min yaom pablei biak biar saong takik pablei hu. Dom thun dahlau, yaom baoh meniah meng 18 ribau tal 20 ribau  đồng sa baoh, min vụ ini yaom baoh meniah trun biar, urak ini daok 2.500 tal 3 rabau sa bao. Yaom pablei lap meda ba tal bruk yaok ratuh tấn baoh meniah tasak klak angaok puh, oh thei kaoh pablei

#  Cục Cảnh sát pacang caga tội phạm pandar công nghệ glaong pambuak bruk saong Cục Cảnh sát hình sự saong Công an ban raya Hồ Chí Minh barau taong tayah kol peih bruk đánh bạc saong me-in đánh bạc dalam dom tinh, ban ye ban raya Hồ Chí Minh, Hà Nội, Đồng Nai.  Tuk camereip dom urang nan khan lac peih bruk đánh bạc saong me-in đánh bạc trực tuyến angaok website www.m88gin.com. Tapa duah thau, meng thun 2015 tal ini, abih tih yaom jien buh tame tài khoản di dom urang ini jaik 2000 tỷ đồng. Urak ini, gah Cảnh sát điều tra mintri Công an daok duah thau, peih praong vụ án.

# Gah CSĐT Công an TP.HCM hu khởi tố bị can ngan saong amuk Huỳnh Thị Tuyết Hồng, dahlau daih ngak thẩm phán TAND tối cao di TP.HCM, ka bruk 'cố ý gây thương tích'. Tui duah thau, anh P. saong amuk Hồng anit gauk bloh luai gauk di bilan 3.2018. Kayua pandiak hatai, amuk Hồng ba bruk ini khan brei ja Nhân (anek likei di amuk) pang. Piah trả thù ka amik, Nhân pah Quang 300 triệu đồng piah cuh sa-ai P. di melam 14.3. Hadei di nan, sa-ai P. hu ba nao sang iek ruak cấp cứu.

# Duah thau di dunya ka bruk pandar pakao hala brei mboh, Việt Nam daok dalam 15 taneh ia hu urang njuk pakao hala rilo abih di dunya. Tui kuhria yaok thun hu 40 rabau urang Việt Nam metai kayua njuk pakao hala. Yau nan, kanjak jhak di pakao hala ka pren yava anek menuac lac biak cambaih laih, min bruk klak pakao hala daok lac bruk kan kandah di rilo urang njuk pakao hala di taneh ia drei. Piah klak hu pakao hala, bruk praong di abih nan lac bruk kham merat di urang njuk pakao hala.

Khaw tin dunya

# Dom menuac metai kayua hajan ia sua saong glut jaleih taneh khang di gah pai negar Japon tagok tal 88 urang dalam tuk 58 urang jeng daok lihik kuhria tal harei 9-7.Tui jabat xử lý thảm họa saong pui khuah Japon, jaik 6 triệu menuac hu sơ tán di 19 tỉnh, dalam tuk 30.000 menuac daok hu daok di dom labik daok tạm thời. Di gah pai negar Japon – labik njauk trak di abih, dom jabat khẩn cấp saong quân đội pandar trực thăng saong ghe gilai piah daong bhap bini angaok kraong saong dom sang glaong, dalam nan hu sa sang iek ruak.

# Piah jhul samar bruk pasang iek nhập cảnh, mBan khik ramik dom mblang par Orly saong Charles-De-Gaulle, Pháp hu ba 36 jamraik nhận dạng mbaok menuac công nghệ barau tame pandar. Dom pandap ini quét ia mbaok di urang tuai piah so sánh saong thoat hộ chiếu dalam 10 tal 15 giây, drah samal jang duk saong bruk pasang iek meng inem tangin yau dahlau diah. Tui kuhria, meng ini tal puac thun, Pháp meda padang  95  jamraik di dom mblang par karei, piah trun takik tukvak cang nhập cảnh trun ala 30 minit ka tuai damuai mai meng Liên minh châu Âu (EU) saong oh tapa 45 minit ka dom urang karei.

# Labik pataok sa sruh radaih di labik patagok cakrok sang praong kaya meda di khu Ho Man Tin, quận Kowloon, Hồng Kông bahrau hu pablei yaom biak having akaok, lac 6 triệu đô la Hồng Kông, samu 765.000 USD. Yaom kuhria rah tapa ka sa labik pataok radaih di Hồng Kông urak ini lac 2,5 triệu đô la Hồng Kông, tagok jang 6 mbang kuhria meng di thun 2006./.