# Cục Y tế dự phòng, Mentri Y tế brei thau, Việt Nam daok gaok naong trak ka ruak kik. Dalam tuk dom janih ruak njaom mbak daok trun ye manuac urang njuak dom janih ruak oh njaom mbak dak harei dak ralo; cambaih laih lac meng 40% di thun 1986, tagok 60% thun 2006 saong labaih 71% di thun 2012. Metai kayua njuak ruak oh njaom mbak meblah 73% dom menuac metai, dalam nan dang akaok lac metai kayua dom janih ruak ung thư, me-ik saradang saong ruak jalan suak yava mạn tính.

     # Pagam tal  bruk urang peih xe tải var rup drei daong ka radeih pajeng tuai klaoh thắng tuk trun đèo, Akaok Ủy ban An toàn giao thông pakat negar pok brei Cúp Vô lăng Ameh 2016 ka urang peih radaih angan Phan Văn Bắc. Bruk pok meyaom Phan Văn Bắc –sa kreih camin, sa thaot binguk siam, sa hatung hatai praongng glong di sa-ai Bắc, ngak jeng sa bruk pakacah gauk peih radeih an toàn , halan hatain dong urang peih radaih karei song tui damuai tuk gaok kan kandah, jhul kadun likuk bala angaok jalan

      # Pak Điện Biên, thun ini tỉnh ba tabiak bruk lac hu 7 xã mek hu  chuẩn palei pala bahrau. Yau nan min, tal tukvak ini, jeng oh ka hu xã halei hu công nhận. Makna di nyu nan kayua phun jien buh tame biar; jak ba meng bhap bani, doanh nghiệp dalam bruk peih ngak danak dak daok takik, kan kandah. Kayua YAU nan ye, tỉnh Điện Biên daok pathau khan prong dalam tal urang jakar, urang đảng saong bhap bani, ngak jeng hatai jia saong kham merat di taong abih hệ thống chính trị dalam tukvak peih ngak.

      # Di mblang kapan haoh dunya Cam Ranh, tỉnh Khánh Hòa, bahrau peih bruk padang ngak sang ga tuai damuai dunya, mblang kapan haoh dunya Cam Ranh. Danak dak hu parabha jeng 3 tuk vak song tal thun 2030 meda taduan 8 triệu tuai dalam sa thun, dalam nan tuk vak sa hu công suất 4 triệu tuai sa thun,yaom jien padang ngak abih tih jiak 4.000 tỷ đồng. Tui kuhria, dự án hu ngak salah bloh song ba tame pandar dalam bilan 3 thun 2018. 

      # Pak Bình Thuận, Sở Thông tin saong Truyền thông pambuak haong Ủy ban bhap bani bal sit La Gi peih bruk parang iek bản đồ saong parang harak ba-ar ngan haong kadha “Hoàng Sa, Trường Sa di Việt Nam - Dom bằng chứng dak rai sajarah saong pháp lý”. Jaik 100 bản đồ, atlas saong dom harak ba-ar karei hu palih ruah ba tabiak parang pak mbang parang iek ini, lac dom bằng chứng khang kajap ka chủ quyền oh meda kamalah hu di Việt Nam ngan haong dua pulao Hoàng Sa, Trường Sa.

      # Di ban sit Cần Thơ, Công ty Trách nhiệm hữu hạn Medic  bahrau peih bruk padang ngak sang iek ruak Đa khoa Medic - Hòa Hảo Cần Thơ, di labik 102, jalan Cách mạng Tháng 8,  phường Cái Khế, quận Ninh Kiều. Ni lac saNG iek ruak tư nhân ka 5 di ban Cần Thơ hu padang ngak di mblang taneh prong 3.800m2,, dalam nan hu dm sang prong, glaong 5 tal, song dom hạng mục karei karei. Tui kuhria tuk vak sa danak dak hu ngak salah bloh song ba tame pandar dalam 6 bilan padang ngak, song hu 30 papan ndih nội trú. Tong abih yaom jien buh tame ngak labaih 200 tỷ đồng. 

     # Pak Hậu Giang, Giáo hội Phật giáo Việt Nam, Ban Tôn giáo Raja-ei saong Ủy ban bhap bani tỉnh Hậu Giang peih nyaom biai ndom ka Phật giáo Nam tông Khmer mbang ka VII thun 2016. Nyaom biai nan lac tukvak piah ka Phật giáo Nam tông Khmer, Giáo hội Phật giáo Việt Nam taong yaom veik dom asal kadha daong ba bruk ngak di Phật giáo Nam tông Khmer tui panuac tacei pato di Thủ tướng Raja-ei, jeng yau taong yaom veik dom asal kadha ngak hu saong oh ka ngak hu, meng nan pok panuac tagok dom jabat Karja, ba tagok tal dom pakat hu thẩm quyền langyah. 

     Patui di ni dom khau tin dunya:

    # Tui Tân Hoa xã, lingiu nyaom biai pakat glong Đông Á (EAS) di ban ine Viêng Chăn negar  Lào, Thủ tướng Trung Quốc Lý Khắc Cường bahrau taom gaok Thủ tướng Malaysia Najib Razak (Na-gíp Ra-dắc). Pok panuac di mbang taom gaok, Thủ tướng Lý Khắc Cường brei thau, TQ tong yaom glong talei pambuak bruk song Malaysia, halan hatain pambuak  bruk song negar ni piah ba talei rohim, pambuak bruk  di 2 gah patagok glaong jang. 

    # Ứng cử viên di Đảng Cộng hòa Donald Trump (Đô-na Trăm) sanya lac brei patagok kadung jien quốc phòng saong samar pabak hatai caong khin ka sa kế hoạch taong tayah kol IS meyah hu pok ngak Tổng thống Mỹ. Ong Trump ndom lac bol lin Mỹ daok "suy kiệt" , njuak patagok prong, dalam nan hu bruk patagok bol lin, pabak kapal haok saong gilai mesruh.

    # Tui sa roh duah bahrau  ba tabiak angaok tạp chí Y học New England, sốt mò – sa janih ruak kan kandah ngak metai menuac bhian mboh di bhum Đông Nam Á kayua vi khuẩn song pambak tapa menuac tapa ấu trùng mò, hu mboh di Nam Mỹ. Ruak nhiệt đới ini nyu ngak ka 140.000 urang metai dalam sa thun di châu Á Thái Bình Dương ni daok hu mboh di Chiloé (Chi-lô-ế), sa palao prong abih di lingiu tasik Chile, daok gah deih bờ Thái Bình Dương labaih 12.000km./.