# Cục Thương mại điện tử song  Kinh tế số (Mintri Công Thương) brei thau, harei  patom blei pandap tapak Online Friday 2017 (1/12) hu mbaok di dom  doanh nghiệp pajeng ba pandap  dang akaok yau VNPost, Viettel Post, Jao pandap samar, EMS Vietnam...hu dong ka dom doanh nghiệp blei rai ba mai rilo kein liba song lac labik pachreih urang mai blei pandar.

# Gam saong bruk kak je pandap blei tame taneh ia ưu đãi 0% ngan saong linh kiện ô tô blei tame meng taneh ia lingiu, meng harei 1/1/2018, yaom kak je ô tô klak blei tame meng taneh ia lingiu meda tagok jang yaok rabau USD ngak ka radaih klak kan si hu jalan tame Việt Nam. 

# Ong Lù Văn Chiến, Akaok UB bhap bini  xã Hua Nà, huyện Than Uyên (Lai Châu) brei thau: Xã hu mblang taneh prong labaih 2.164 ha, hu 9 palei. Sarak dong sản xuất 30a hu pachreih ba, palagaih ka boh sang kan kathaot, jiak si kan hu jalan ngak mbang jhul patagok kinh tế, dak harei dak tagok jien mek tame ka boh sang. Meng nan, boh sang kan kathaot dok dalam  xã trun dok 15%. 

    # Piah paglaong chất lượng pato bruk ngak pabak caong khin di darak pasak urang ngak, tukvak tapa, Sở Lao động - Thương binh saong Xã hội Vĩnh Phúc  hu pambuak bruk saong dom mban, ngành chức năng pato saong pasram dom urang jakar quản lý, gru pato hu chuẩn tui quy định di mintri Lao động - Thương binh saong Xã hội. 

# Meng pala phun patei, rilo boh sang di  xã bhum ceik Kiến Thiết, huyện Yến Sơn, tỉnh Tuyên Quang hu patruh kathaot, dak harei padang rai duik hu trei sil song yam tagok ngak kaya meda. Boh sang kan kathaot yaok thun dalam xã trun meng 10-12%. Xã  daok kuhria padang angan ka phun patei Kiến Thiết piah patagok yaom  di nyu saong tani tanat  bruk pablei tabiak ka urang pala patei dalam xã. 

# Hadei di sa tukvak ngak iek dahlau, ông Trần Huy Đường, po trang trại Langbiang Farm (jalan Xô Viết Nghệ Tĩnh, Phường 7, ban sit Đà Lạt, tinh Lâm Đồng) pala hu rilo janih njam tui jalan khí canh, nan lac pala njam dalam không khí. Meng jalan ngak ini, njam hu pala angaok mejan glaong meteh mét piah atah di mbaok haluk. Gha di phun njam oh tamuh tapak tame haluk atau ia (yau jalan pala thuỷ canh) bo hu caik dalam dom kadung hu xơ la –u. Hadei di nan, yaok phun njam hu caik angaok mejam hu cao gilaong, dom gha daok angaok mejam khí canh hu mesam meng màng phủ.

# Ub bhap bini tỉnh Trà Vinh hu buh tabiak  200 tỷ đồng piah langyah bruk kurang ia pandar song ia pruh dalam bilan thu dalam tỉnh. Dom danak dak ni hu peih ngak meng ni tal bilan thu thun  2020.

Khaw tin dunya

# Harei 29/11, nyaom biai thượng đỉnh Liên minh châu Âu (EU) saong Liên minh châu Phi (AU) hu peih tabiak di ban ine Abidjan di Côte d’Ivoire ngan saong kadha pataom tame patagok saong tani tanat kinh te dalam tukvak suai livik. Dalam diễn văn peih mbaok, Tổng thống taneh ia po sang Alassane Ouattara (A-lắc-xăng Oa-ta-ra) hu panuac ieu peih ngak dom bruk darah samar piah palahik bruk pablei salih nô lệ nhập cư di Libya. 

# Dom bruk tong phaoh urang kamei song uranaih di negar Nam Sudan urak ni dang di tanut glong abih di dunya song glong jang 2 mbang dut song tanut  trung bình di dunya. Bruk nan brei mboh tapa mbang tui iek kayua Ủy ban cứu hộ pakat dunya song Học viện urang kamei dunya di Đại học George Washington  peih ngak song brei thau di harei  29/11. 

# Harei 29/11, Burkina Faso hu bruk daong di Pháp, hu peih pakak sang mac năng lượng ia harei praong abih bhum Tây Phi, hu công suất tagok tal 33 megawatt./.