Khaw tin 6h30 harei 12-10

# Harei 10/10, Phó Thủ tướng Vũ Đức Đam ngak bruk song Ban điều hành Hội đồng doanh nghiệp kayua bruk patagok khang kajap Việt Nam. Phó Thủ tướng Vũ Đức Đam ndom lac: urak ni menuac sia negar drei di bhum palei pala daok biak rilo, urang ngak nong daok saoh dok hu rilo. Dom  doanh nghiệp njauk ba bruk ngak, dom dịch vụ dui pachreih urang nong dok saoh ye  năng suất negar meda tagok 

# Meng harei 19 tal 21/10 di Hội An, Quảng Nam meda rah tabiak nyaom biai akaok mintri jien padai APEC 2017 saong dom nyaom biai pambuak tal. Ini lac asal kadha hu khan brei thau dalam mbang họp báo chuyên đề kayua mintri jien padai barau peih tabiak di Hà Nội.

# Urak ni, dalam tỉnh Lâm Đồng hu 1.483 ha khoai tây, năng suất hu jaik 24 tấn/ha, sản lượng thun 2017 tui kuhria  hu 33.224 tấn. Urak ni daok hu meng 35 - 40% sản lượng khoai tây hu pambuak bruk pablei tani tanat, dok veik nan urang nong bhian pablei ka dom urang p[ablei salih di drak pasa kaya nong… yaom kaom oh tani tanat

# Mblang daral “ pandap Việt mai palei pala” lac danakdak kayua Sở Công Thương pambuak bruk saong Ủy ban bhapbini huyện Tân Biên, tỉnh Tây Ninh gam kapul Doanh nghiệp pandap Việt Nam chất lượng glaong ban raya Hồ Chí Minh peih ngak rah tabiak meng harei 9 tal 13/10.. Mblang darak hu mbaok di 37 doanh nghiệp ngan saong 42 gian pandap hu dom pandap nhựa gia dụng, pandap mbang chế biến, jhik pet saong jru tavao.

# Bahrau ni,  Đội Cảnh sát pacang caga tội phạm ka  môi trường Công an ban  Biên Hòa, tỉnh Đồng Nai pasang iek sa labik sik ngak pabui di  phường Long Bình, ban Biên Hòa hu mboh po labik ni dok sik ngak pabui ruak, pabui metai, piah pablei tabiak darak pasa. Gah chức năng cap mek abih rilaow pabui sik ngak nan ba nao am cuh.

# Dom harei tapa, ia tagok glaong ngak patuh sa labik ar pacang caga ia sua di urang bhapbini daok tapeng kraong Hậu, ngak kan kandah tal raidiuk di urang bhapbini. Di phường Cái Khế, Quận Ninh Kiều, ban Cần Thơ rilo sang laik tame kan kandah kayua dom danao raong kaya ikan dalam ia lihik, beir phun mbang baoh mbuan si metai kayua dauk ia. Urak ini gah chức năng daok pasang iek bruk bơm ia piah daong dom beir phun, trun takik khat lihik ka dom sang bhapbini.

# Urak ni bruk pasiam veik khut khat  kayua hajan ribuk di xã Lại Sơn, huyện Kiên Hải, tỉnh Kiên Giang hu peih ngak samar. Jalan nao taom dar palao kaoh urak ini radeih peih hu, dom geing điện jaleih , jalan điện khut trak hu pasiam veik, pabak điện ka tong abih boh sang angaok palao. Dahlau di nan, dom harei akaok bilan 10, kayua hajan prong  hangin khang  dui atah ngak ia dauh glong 1met 2, hu labik tagok tal  2m di xã palao kaoh ni, khut khat trak sang danaok di bhap bini.

Khaw tin dunya

# Meng harei 8 tal harei 10/10, lambaok Việt Nam hu pataom tame nyaom biai pakat dunya ngan saong kadha “100 thun Cách mạng xã hội chủ nghĩa bilan pluh vĩ đại” peih ngak di Ấn Độ. Nyaom biai njauk hatai lac chủ nghĩa xã hội jeng daok lac jalan njauk abih saong njauk ngak abih ka menuac sia harei ini.

# Khau tin Ma-lay-xi-a brei thau, Patau Ca-ta Ta-mim An Than-ni  meda tapa rivang negar ni dalam  2 harei, harei 15 song 16/10 anak tal. Mbang rivang rah tabiak dalam tuk khủng hoảng vùng Vịnh yam tapa bilan ka  5, min oh ka mboh jalan halei piah patrun.

# Tổng cục Hải Quan Thái Lan barau peih diễn đàn piah pataom mek panuac di bhapbini ka Hukum Hải quan barau, tui kuhria hu ba tabiak pandar meng harei 13/11 tal. Hukum Hải quan barau meda ba mbuan lagaih jang ka pablei salih kayua dom thủ tục Hải quan hu pambuan saong palagaih .