# Panuac khan meng Tổng công ty Hàng không Việt Nam (Vietnam Airlines), tui bruk nao mai dak harei dak rilo di Việt Nam saong Hàn Quốc, abih di nyu nan lac piah pambuak dom labik du lịch dalam taneh ia Việt Nam haong ban ine palei kim chi, meng harei 25/3/2018, Vietnam Airlines peih jalan par bahrau Nha Trang – Seoul (Hàn Quốc) yaok adit 4 mbang meng sruh kapal haoh Airbus A321. 

 # Dom harei tapa, pachreih tui tour nao saoh meng gilai kayak srong hareik di kraong Hoài (Hội An, Quảng Nam) hu labaih 20 urang tuai gam saong dom adei ranaih umo halan hatian tut angan tame srong hareik di kraong. Tour du lịch vah kayak pambuak haong srong hareik di kraong Hoài kayua Công ty Du lịch Hội An Kayak (ban sit Hội An) yaih khan ka tuai damuai meng akaok thun 2017 piah rik daong khik caga alam moi truong Hội An, abih di nyu nan lac bhum gah ala kraong Thu Bồn, libik hu glai la-u ngập mặn ngan saong hệ sinh thái đa dạng saong lac bhum đệm di libik khik sinh quyển Cù Lao Chàm.

 # Ủy ban Nhân dân tỉnh Lâm Đồng bahrau tabiak Quyết định 296/QĐ-UBND ka bruk brei ngak đề án “Khik ramik saong patagok labik ilamu cồng chiêng Tây Nguyên dom bangsa tỉnh Lâm Đồng tal thun 2020”. Tui nan, bruk daok pamaong ngak di đề án lac piah paglaong akaok sahneng ka labik dang, ka bruk ngak di dom pakat karja, di bhap bini saong pô di inem krung ilamu dalam bruk khik ramik inem krung ilamu phi vật thể “Bhum ilamu cồng chiêng Tây Nguyên” tui sanya di taneh ia drei haong UNESCO.

# Kuhria meng akaok thun tal ini, dom tuai mai ravang mein di libik du lịch negar ceik Bà Ðen dalam bilan Hội xuân thun ini tagok jaik 10% duk saong dom bilan ini thun 2017, brei mboh Tây Ninh lac libik tuk halei jeng pachreih tuai dalam saong lingiu tỉnh. Tabhia dom libik du lich praong, dom urang ta eng drei peih dom pandap du lich meda hu nmaong lac “ độc” saong “ lạ” piah duh tuai damuai.

          # Piah peih praong bruk ngak ahar, yaih khan bánh pía, lạp xưởng meng kan di palei saong dui pachreih tuai du lịch dalam saong lingiu taneh ia, bahrau ini, Công ty TNHH Chế biến thực phẩm Bánh Pía-lạp xưởng Tân Huê Viên di Sóc Trăng hu peih bruk padang ngak peih praong labik ngak ahar pambuak haong padang ngak “Liên Hoa Bảo Tháp” brei ka tuai padeih takai tuk nao tapa Sóc Trăng. 

Khaw tin dunya

# Cảnh sát Sri Lanka njauk pandar đạn hơi cay piah traok kapul nyaom srau kadau di huyen gah kreih negar Can-đi, lac labik daok hu giới nghiêm hadei di dom mbang srau kadau agama di ini ngak ka dua urang metai, rilo baoh sang, doanh nghiep saong sang megik Islam gaok palai pajoa. Urang brei panuac di cảnh sát Sri Lanka, Ru-oan Gu-na-xê-kê-ra brei thau, takik abih 3 cảnh sát njauk rambuai dalam dom mbang taong paoh gauk di libik Mê-ni-khi-na di gah lingiu huyện Kandy.

# Rajaei Xyri meblah hu veik bruk pasang iek labaih sa meteh bhum taneh Đông Gu-ta, labik gah lingiu ban ine Đa-mát urak ini daok dalam tangin di gah brok tagok. Meng rilo bilan tapa, Đông Gu-ta hu jeng labik pandiak quân sự di Xyri, dom mbang không kích saong mesruh gauk hu maong lac khang di abih kuhria meng tuk bruk srau kadau di Xyri tamuh tabiak di thun 2011. Dom taneh ia di dunya hu peih ngak rilo bruk kham merat piah pacang cakak bruk mesruh gauk, min oh jeng.

# Rajaei Ấn Độ barau brei thau bruk takik pablei salih barau saong Triều Tiên tui dom bruk trừng phạt di Hội đồng Bảo an Liên hợp quốc ngan saong Triều Tiên pambuak tal dom danakdak hạt nhân saong tên lửa di taneh ia ini. Dalam sa tuyên bố, rajaei Ấn Độ brei thau, dom bruk  ini rilo meng lac maong tame kapal barau ngak atau pandar blaoh, pandap mbang saong kaya nong, pandap điện saong kayau./.