#Meng ini tal thun 2020, TP HCM meda ngak hu 35.000 labik daok pataom gauk ka urang ngak. Nan lac bruk caong ngak di karja TP brei mboh dalam harak pathau khan ka dự thảo danak dak cakrok patagok sang daok TP HCM meng thun 2016 tal thun 2025 di mbang nyaom ka 9 HĐND TP HCM khóa IX. Piah ngak hu bruk nan, Phó Chủ tịch UBND TP HCM Trần Vĩnh Tuyến brei thau lac daok peih praong menuac urang hu mesraiy jien kích cầu, oh lac ngan saong dom dự án sang daok lưu trú ka urang ngak bo daok hu gam dom dự án sang daok xã hội brei pah, 1 dự án hu daong abih tih jien jhung oh tapa 70% phun jien padang ngak ngan saong tukvak oh tapa 7 thun. Lingiu di nan, hu pasang iek peih praong sarak daong brei mesraiy ka dom sang, menuac urangpadang ngak bharau atau pasiam veik sang trọ ka công nhân, sinh viên pah.

# Tổng cục jalan mbak Việt Nam hu tabiak văn bản ka bruk salih angan taong abih dom trạm BOT meng "trạm thu giá pandar jalan" jeng "trạm thu phí pandar jalan". Gam saong bruk salih angan trạm, jeng brei salih baoh panuac meng “giá” tapa panuac “phí” dalam dom baoh panuac “Trạm thu giá”, “Biểu giá”, “Mức giá” angaok dom bảng angan trạm, biển chỉ dẫn, bảng niêm yết yaom saong angaok dom vé thu di dom trạm thu phí. Bruk salih angan hu ngak tui tacei pato di Thủ tướng Chính phủ, hu panuac di Mintri Tài chính, Mintri Kế hoạch Đầu tư saong tacei pato di Mintri jalan mbak pajeng ba, piah ka angan ieu hu mbuan thau, hu bhap bini saong doanh nghiệp njauk hatai.

     # Gilang pariak karja hu panuac brei 4 gilang pariak thương mại quốc doanh lac Vietcombank, VietinBank, Agribank saong BIDV padeih bruk tagok yaom phí suak jien ATM hadei di tuk 4 gilang pariak ini brei thau lac meda tagok yaom phí suak jien ATM di drei meng 1.100 đồng tagok 1.560 đồng sa mbang meng harei 15-7 ini. Dalam nan tok hu Vietcombank tabiak yaom phí bahrau,  3 gilang pariak daok veik tok pataom tame phí suak jien nội mạng tagok biểu phí klak. Yau nan, ini lac mbang ka 2 Gilang pariak karja tabiak panuac pacang bruk tagok jien phí suak jien ATM di 4 gilang pariak ini.

# Tổng công ty Đường sắt Việt Nam bahrau brei thau, dalam bilan 7 saong bilan 8, yaom vé trun rilo meng 8% tal 20%, di rilo jalan radaih pui hu số hiệu karei di gauk. Tui nan, meng ini tal harei 31-7, trun 8% yaom vé urak ini ngan saong dom labik di dom harei dalam adit angaok dom radaih pui hu số hiệu: SE17/SE18, QB1/QB2, QB3/QB4.  Lingiu di nan, meng harei 1-8 tal abih harei 15-8, Tổng công ty ĐSVN jeng brei trun 8% yaom vé urak ini ngan saong dom radaih pui SE17, QB1, QB3 nduac di harei jip yaok adit. Gam saong nan, Tổng công ty ĐSVN jeng peih ngak danak dak trun yaom vé ka anek saih nao pakacah saong tame bac.

  # Lingiu darak pasar praong lac Trung Quốc, thun ini baoh  vải Việt Nam hu tame darak pasar di labaih 30 taneh ia saong bhum lãnh thổ EU, Mỹ, Canada, Trung Quốc, Nhật Bản, Hàn Quốc, Singapore, Thái Lan, Úc… ngan saong sản lượng abih tih tal tukvak ini, lac labaih 1.000 tấn, abih tih yaom jien mek hu lac 1,8 triệu USD. Abih di nyu nan lac thun ini, baoh vải thiều di tỉnh Bắc Giang hu sa doanh nghiệp ba tapa Nga piah pablei darak pasar World Cup lac labaih 20 tấn.

Tin thế giới:

# Rajaei Japon (Nhật Bản) brei thau, kuhria tal harei 11/7, dom menuac metai kayua hajan ia sua saong glut jaleih haluk di taneh ia ini tagok tal 179 urang, dalam tuk daok hu yaok pluh urang lihik oh ka duah mboh. Ini lac bala meng lingik tasik kayua hajan ia sua ngak brei menuac metai, lihik rilo abih di Japon kuhria dalam dom thun jaik di ini.  Thủ tướng Xin-dô A-bê  jeng hu tacei taong abih dom mban ngành kham merat ba abih pren yava tabiak piah dauh saong daong dom urang gaok bala. Cảnh sát, gah phòng vệ saong menuac cứu hộ hu ba tal labik bala nan urak ini tagok tal 75 ribau menuac  saong bruk cứu hộ jeng daok hu rah tabiak dalam sami samar.

     # Bộ Tư pháp Saudi Arabia brei thau, urang kumei taneh ia ini mbang akaok meti hu adat brei ngak công chứng viên, saong hu 12 urang kumei hu brei adat ngak bruk ini. Tapa nan, urang kumei di Saudi Arabia urak ini meda chứng thực atau klak nao quyền ủy nhiệm, chứng nhận dom harak gar daong padang công ty atau chuyển nhượng drap ar. Ini lac sa dfalam dom kham merat salih bahrau kayua Thái tử Mohammed bin Salman ba akaok piah salih bahrau thaot binguk di taneh ia quân chủ Hồi giáo hu maong lac biak bảo thủ, jeng yau ba nền kinh tế tabiak truh bruk pagam pambak tame menyek. Dahlau di nan, di bilan 6 meng bloh, Saudi Arabia hu klak adat pakauk urang kumei peih radaih. Min yaom lac hu dom salih bharau nan, urang kumei Saudi Arabia jeng daok kurang dom quyền cơ bản

 # Tổng thống Mỹ Donald Trump tabiak panuac lac dom taneh ia dalam NATO  oh đối xử công bằng haong Mỹ, nan ye Washington meda “ngak hagait nan” piah salih bruk ini. Panuac nan hu ong Donald Trump ba tabiak dom tuk dahlau di tuk tagok jalan nao tal Brussels (Bỉ) hu mbaok tame nyaom biai pakat glaong NATO. Hu thau, nyaom biai ini hu peih tabiak di harei 11-7  piah ginum biai dom bruk tui panuac caong di ong Donald Trump lac dom dom taneh ia đồng minh njauk patagok yaom đóng góp jien padai tagok 2% tổng sản phẩm quốc nội (GDP) tal thun 2024./.