# Văn phòng raja-ei bahrau hu harak brei thau panuac di Phaok Thủ tướng Trịnh Đình Dũng ka bruk pasang iek peih ngak Dự án tatua Hạc Trì (tỉnh Phú Thọ) tui jalan BOT. Harak brei thau cambaih, dalam tukvak jaik di ini dom phương tiện thông tin đại chúng brei thau ka bruk pakuac ô tô nao tapa tatua Việt Trì, pandar dom sruh radaih nao mai tapa tatua Hạc Trì piah thu phí. 

     # Harei 11/7, di tòa sang Quốc hội, Ủy ban thường vụ Quốc hội nyaom mbang ka 50, tui kuhria mbang nyaom rah tabiak dalam dua harei 11-12/7. Brei panuac peih mbang nyaom, akaok Quốc hội Nguyễn Thị Kim Ngân nndom lac, meyah oh hu hagait karei ye ini lac mbang nyaom puac abih di Thường vụ piah caga ka mbang nyaom ka sa, Quốc hội mbang XIV.

     # Tukvak pahadar 40 thun padang talei pambuak di negar Cộng hòa xã hội chủ nghĩa Việt Nam saong negar Cộng hòa Philippines (12/7/1976-12/7/2016), Akaok negar Trần Đại Quang saong Thủ tướng Raja-ei Nguyễn Xuân Phúc bahrau payua harak tadhau ayuh  tal ong Rodrigo Duterte (Rô-đờ-ri-gô Đu-tơ-tê), Tổng thống negar Cộng hòa Philippines.

      # Dom sang iek ruak di ban sit Nha Trang, tỉnh Khánh Hòa hu taduan cấp cứu jaik 60 tuai du lich meng Hà Nội gaok jru mek pandap mbang menyum hadei di tuk mbang tiệc melam di sa nhà hàng di jalan Trần Phú. Dom urang ruak lac urang jakar, nhân viên di 1 doanh nghiệp di Hà Nội nao ravang mein ban sit Nha Trang. Urak ini Sở Y tế hu tacei pato Chi cục An toàn hacih saat pandap mbang menyum mek mẫu dut iek, duah thau makna .

      # Tỉnh Tiền Giang bahrau padang bhum pala thanh long labaih 4.000 ha pak huyện Chợ Gạo; dalam nan, hu jaik 3.000 ha daok brei paik baoh tani tanta ngan haong năng suất meng 18 - 20 tấn/ ha. Meng akaok thun tal ini, bhum  pala phun thanh long Chợ Gạo paik hu labaih 54.000 tấn baoh brei ka darak pasar dalam negar saong pablei tabiak negar langiu. Thau lac baoh kayau đặc sản hu pren meriak gauk khang di  tỉnh, dom gah chức năng tỉnh saong huyện Chợ Gạo hu ralo jalan ngak daong ka bhum pala cakrok patagok.

       # Tờ báo DailyMail, di Anh barau pilih ruah mblang hamu sara di Việt Nam lac sa dalam 15 labik nao di dunya iek ia harei tame mekre di abih. Dang dhi 13 dalam Top 15 labik iek ia hareitame mekre abih dunya, mblang hamu sara di  Việt Nam hu tờ Dailymail, Anh brei thau : Việt Nam hu biak rilo labik ravang mein biak mekre, dalam nan hu dom mblang hamu sara. Di var pagaiy, bhapbini jar var mek sara, ngan saong sản lượng tagok tal  700.000 tấn yaok thun. Tuk ia harei tame ceik, dom urang nan tabiak nao sang, dom mblang hamu sara mboh gindang jua, lingik tasik biak gheih mekre meng ia harei tame phản chiếu di dom mblang hamu .

    # Dit mbang 1-0 anak tuyển Pháp di hiệp phụ ka 2 pak mbang chung kết rah tabiak dalam page mesup harei 11/7, Bồ Đào Nha mbang akaok meti dalam dakrain sajarah hu dang akaok gah caoh blong EURO.

       Khaw tin dunya

      # Di Central World – pasak pablei salih praong abih di ban ine Băng Cốc, Thái Lan rah pakak “ adit yaih khan pandap Việt Nam di Thái Lan”  kayua Tập đoàn Central Group pambuak bruk saong mintri Công Thương Việt Nam peih ngak. Adit pandap Việt Nam di Thái Lan parang iek pandap di dom doanh nghiệp dang akaok di Việt Nam ye pandap nội thất di Công ty Nội thất Bình Phú, gốm sứ Minh Long, bia Sài Gòn, bóng Điện Quang, pandap jhik di Công ty dệt Hòa Thọ, pandap mbang menyum hu angan Bích Chi, Hoàn Châu saong Tân Huê Viên, tea  Tâm Lan saong Cà phê Highland.

       # Thủ tướng Ixraen Ben-gia-min Nê-ta-ni-a-hu brei thau kế hoạch 12,9 triệu đôla jhul pakhang 2 labik daok Ixraen pak gah meraong  Bờ Tây. Kế hoạch ini hu ba tabiak dom harei hadei di tuk Thủ tướng Nê-ta-ni-a-hu brei tapa bruk padang ngak sang bahrau pak dom labik daok di Bờ Tây saong đông Giêruxalem, ba tal panuac chỉ trích khang meng Mentri Ngoại giao Mỹ. Thủ tướng Ixraen Nê-ta-ni-a-hu brei thau, yaom jien bahrau ndom meda hu brei ka Ki-ri-át Ac-ba (Kiryat Arba), (labik daok di 7 ribau urang  Ixraen) saong ka bhap bani Do Thái oak bal sit Hêbrôn jaik nan.

      # Di dom phương tiện truyền thông đại chúng di Nhật Bản barau brei thau mbang pilih ruah yaka 24 di Nhật Bản. Tui nan, dalam 121 urang hu pilih ruah veik, Đảng Dân chủ Tự do cầm quyền (LDP) hu 56 urang; đảng Công minh barau  (Komeito) hu 14 urang; đảng Dân tiến (DP) - đảng đối lấp praong abih hu 32 urang;  đảng Cộng sản Nhật Bản (JCP) hu  6 urang; đảng Duy tân hu 7 urang; đảng Xã hội Dân chủ (SDP) hu 1 urang; đảng Cuộc sống di bhapbini hu 1 urang; saong dom ứng cử viên độc lập hu 4 urang./.