# Dalam tukvak mai rivang Việt Nam di Kaoul Mentri Ngoại giao Liên bang Mexico, Mentri Ngoại giao dua negar njauk hatai patui veik pambuak bruk jhul pakhang dom jalan ngak piah ba talei rohim pambuak bruk dua gah nao tame dalam, biak biai saong siam mekre jang, dalam nan peih ngak samar cơ chế Ủy ban hỗn hợp ka pambuak bruk kinh tế - pablei salih saong buh jien tame ngak mbang di Việt Nam - Mexico (hu dak padang dalam harei 4/2/2016); taphia di nan, dua gah klah rabha  lập trường langyah dom meriak gauk meng jalan hòa bình angaok cơ sở iek prong adat hukum.

      # Mintri Công thương bahrau patabiak Quy hoạch patagok bruk ngak kong, pablei salih bhum Bắc Trung Bộ song Duyên hải gah kreik negar tal thun 2025, pamong tal thun 2035. Tui nan, jalan ngak di  quy hoạch piah patagok bruk ngak cong, pablei salih bhum Bắc Trung bộ song Duyên hải gah kreik negar tui jalan bahrau piah jeng labik dang akaok prong di negar dalam bruk sản xuất, pablei salih, pambuak bruk dunya

      # Dom harei tapa, lực lượng Cảnh sát giao thông Công an tỉnh Quảng Ngãi nao pasang iek, xử lý manuac urang peih radaih ô tô suan ka nồng độ cồn. Tapa dua adit jaik di ini, jaik 100 trường hợp vi phạm peih radaih ô tô hu pandar alak bia tapa tanut brei adat njauk taong phạt trak. Taong abih jien taong phạt jaik 500 triệu đồng. 

      # Hạt Kiểm lâm huyện Di Linh, tỉnh Lâm Đồng brei thau, dalam tuk nao khik iek glai, gah kiểm lâm mboh Huỳnh Minh Tiền (ndih tapui thun1994, dok di xã Phan Lâm, huyện Bắc Bình, tỉnh Bình Thuận) dok pajeng 21 drei kara aku pabui hu caik dalam yaok kadung  halam,  abih tih trak labaih 35kg. Tuk camereip,  Huỳnh Minh Tiền taduan  lac drei man pateok suan adat hukum anek athur glai quý hiếm. 

       # Kapul Care Dunya pak Việt Nam saong Sở Ngak nong saong patagok palei pala tỉnh Kiên Giang bahrau mboh tangin harak sanya peih ngak Dự án daong pasiam gilac bruk ngak mbang pala drak saong aia hacih palei pala hadei di tua riya saong njaom mbaak mbak. Dự án ini hu taong abih phun jien buh tame labaih 250.000 Euro (samu labaih 4,6 tỷ đổng) hu peih ngak meng bilan 8-2016 tal bilan 7-2017 pak 4 xã di 2 huyện An Minh haong Hòn Đất kayua Kapul nyaom Care Dunya pak Việt Nam daong brei. Ini jeng lac puk palei njauk pambak trak meng bala langik tasik tua riya pandiak bhang njaom mbak meng blaoh. 

      # UB bhap bini tỉnh Trà Vinh bahrau phê duyệt hồ sơ tut angan likau dong mesraiy phun jien ngak kapan kanduh pasei meng tuk hu Nghị định 67 di Rajaei. Nan lac bruk tut angan likau dong mesraiy phun jien ngak bahrau 2 kapan kanduh pasei ngak dịch vụ hậu cần tong chap kaya ikan, saong yaom phun jien abih tih 32 tỷ 700 triệu đồng di urang tong ikan Nguyễn Văn Hạnh dok di ban sit Định An, huyện Trà Cú.Tui nan ong Hạnh hu mesraiy di gilang pariak pablei salih takik di abih 95% tong abih yaom jien buh tame ngak, lac labaih 30 tỷ đồng, liba 7% dalam sa thun, dalam nan karja dong 6% sa thun, tuk vak dong 16 thun

      # Chi cục Khik iek darak pasar tỉnh Bến Tre brei thau, dalam 189 mẫu khak drak, jru thú y, pandap mbang ka anek athur hu mek ba nao giám định hu mboh 110 trường hợp vi phạm ka chất lượng, meblah labaih sa meteh mẫu vi phạm. Ong La Văn Bé, Akaok Chi cục Khik iek darak pasar tỉnh Bến Tre brei thau, meng ini tal puac thun, kapul pasang iek liên ngành meda patagok bruk pasang iek, taong phạt biak catang dom trường hợp tái phạm veik bruk ini: “Khaol dahlak patui veik tacei pato dom đội địa bàn kiểm tra taong abih dom gah raong glang, pablei salih saong ngak tabiak piah ngak habar pacang cakak dom trường hợp ngak tabiak pablei salih pandap oh grap tanat chất lượng, saong pandar chất cấm dalam negar. Khaol dahlak kham merat xử lý biak catang tui njauk adat hukum”.

      Patui di ni dom khau tin dunya:

     # Thủ tướng Trung Quốc Lý Khắc Cường bahrau brei thau, TQ khin patagok talei pambuak bruk taong abih gah song CPC piah pakhang talei rohim di 2 gah. Ong Lý Khắc Cường ndom lac TQ pachreih tui dom kham merat di CPC piah khik caga chủ quyền  song  độc lập, khik ramik tani tanat dalam negar song jhul pakhang bruk patagok KT. Gah drei, Ong Husen brei thau CPC iek prong bruk dong di TQ piah tagok rai duik di bhap bini CPC. Ong hu panuac ndom lac CPC halan hatain song TQ patagok bruk ginum biai pakat glong, peih praong talei pambuak bruk urak ni.

     # Urang jakar Pháp bahrau brei thau dalam bilan ini, negar Anh meda peih bruk padang ngak sa hala paga di pabah lamnge Ca-le (Calais), gah Barak negar Pháp, piah pacang cakak manuac urang di cư duah jalan tràn tame châu Âu. Phaok Tổng trưởng Ca-le Vanh-xăng Bơ-tôn brei thau, Dự án hala paga glaong 4m atah 1km angaok pabah lamnge Ca-le meda pacang cakak urang nhập cư meng Ca-le chat tagok radaih piah nao tame negar Anh. Công trình tui kuhria meda ngak salah blaoh dalam puac thun ini abih jaik 2,7 triệu ơ-rô.

     # Dom urang ilamu Nam Mỹ khan lac, urang bahrau duah mboh sa janih vi rút ba tal ruak pandiak tagok boh ngak metai menuac di rilobhum di di Nam Mỹ. Janih ruak ni bhian hu mobh di ĐNÁ. Pandiak tagok boh Scrub lac sa dalam dom jit ruak nhiệt đới yaok thun ngak ka labaih 140 urang metai di bhum Châu Á Thái Bình Dương. Tui dom urang ilamu, dom urang ruak tagok boh Srub hu duah mboh di sa palao di Chi lê./.