# Harei 12/9 di Tòa nhà Quốc hội, nyaom biai ka 3 di UB thường vụ QH ka 14 peih tabiak, tui kuhira nyaom biai rah tabiak tal harei 22/9. Di nyaom biai mbang ka 3 ni, Ủy ban Thường vụ Quốc hội hu brei panuac ka ka dom kadha yai : Kuhria caga ka mbang nyaom ka 2, pok tagok QH pasang iek, pasiam 3 dự thảo hukum hu brei panuac bloh di mbang nyaom ka 13 lac Dự thảo Hukum ka Hội, Dự thảo hukum tín ngưỡng, agama Dự thảo hukum đấu giá tài sản.

     # Ngan song kadha “ Ia bilan anit ranam” kayua sang uranaih tỉnh Sơn La peih ngak, uranaih di tỉnh Sơn La hu uan raok trung thu avar. Melam roya hu rilo kadha doh tamia gheih mekre, pachreih hu yaok rituh uranaih mai hu mbaok. Sang uranaih tỉnh dok pambuak bruk song dom sang bac tiểu học alain brei 15 pok pandap ka anek saih sang kan kandah.

       # Sang ilamu Thanh thiếu nhi tỉnh Đắc Lắc bahrau peih danak dak “ Ia bilan anit ranam” kayua uranaih jaoh jo, uranaih hu rai duik kan kandah dalam harei tết Trung thu 2016. Danak dak hu rilo bruk bui sambai: yau tamia lân, doh tako, đố vui  hu thưởng, phá cỗ…. Jeng tapa ni, Ban peih bruk hu alin brei 40 pok jien bac hu yaom 40 triệu đồng ka dom adei jaoh jo song dom adei hu rai duik biak kan kandah, 5000 harka  main brei saoh song labaih 700 pok pandap ka dom adei thiếu nhi hu mbaok di danak dak. 

        # Meng harei 11/9 tal harei 15/9 di dom labik dok di urang ngak, Pasak dong dam dara urang ngak ban raya HCM peih dom bruk “Melam ia bilan bak boh” ka dom uranaih anek di urang ngak hu rai duik kan kandah. Langiu di bruk main sambai , doh tamia, iek văn nghệ song hoạt cảnh ka Cei  Cuội, anai  Hằng, dom adei dok hu brei har trung thu, lồng đèn dalam dom melam ni . Ni lac dom uranaih  anek di urang ngak hu rai duik kan kandah di dom labik dok hu rilo urang ngak.  

      # Mbang pakacah 3 janih pambuak gauk Challenge Việt Nam 2016 bahrau peih tabiak mbang camereip di VN, di ban Nha Trang, tỉnh Khánh Hòa, 215 vận động viên mai meng labaih 30 negar song hu negar po sang VN hu mbaok tame pakacah janih caluai ia cự ly  1,9km di angaok tasik, hadei di nan lac thử thách di mbang pakacah 90km di janih radeih juak song puac di abih lac nduac takai di angaok jalan 21 km piah mai tal dhi puac di abih. Ni lac mbang pakacah dalam dom  bruk thể thao dunya Challenge Family.

      # Di sang ilamu dam dara ban raya Hồ Chí Minh bahrau rah tabiak dom bruk pahadar harei Sân khấu Việt Nam năm 2016 (12/8 tui saka ia bilan yaok thun) song hu mbaok di labaih 300 văn nghệ sĩ di ban raya. Jeng tapa nan, mban peih bruk hu jao 10 pok jien bac yaom 1 triệu đồng ka dom anek di văn nghệ sĩ hu rai duik kan kandah song jao 20 pok pandap ka dom boh sang  nghệ sĩ hu rai duik kan kandah. 

     # Di tỉnh Tiền Giang urak ni hu 24 doanh nghiệp, labik ngak har trung thu prong, rilo meng lac di ban Mỹ Tho. Thun ni dom doanh nghiệp labik ngak ahar ngak labaih 140 tấn har trung thu pabak ka darak pasa rilo tỉnh, ban di gah merong. Tui dom labik ngak har trung thu, kayua nguyên liệu tagok yaom yau nan ye yaom har trung thu thun ni tagok labaih 5% dut song thun dahlau.

      Patui di ni dom khau tin dunya:

     # Akaok mintri Nội vụ Anh, amuk Am-bơ Rút (Amber Rudd) brei thau negar ni dok kuhri kuhria bruk ieu dom urang di dom negar dalam Liên minh châu Âu (EU) brei hu harak adat ngak bruk di aNH meng hu tame daok di negar ni. Anh dok hu sarak patrun urang nhập cư tame Anh meng 327 ribau urang dalam sa thun , urak ni trun dok 100 ribau urang dalam sa thun.

     # Indonesia song Phi-líp-pin bahrau bahrau hu panuac sinya tagok talei pambuak bruk piah jhul pakhang an ninh di dom bhum dalam khu vực jang yau jhul pakhang bruk mesruh pacang  ma túy. Panuac sinya hu ba tabiak dalam tuk vak dom bruk meblah tasik  di kol A-bu Xay-áp (Abu Sayyaf) di dom bhum tasik dalam khu vực, tagok khang meng di akaok thun ni.

     # Meng bloh, sa boh tatua di tỉnh Giang Tây, gah pai Trung Quốc nyu jaleih ngak ka 5 urang njauk rambuac song 3 urang lihik. Hu thau boh tatua dok dalam tuk yah klak. Karja puk palei brei thau, 3 dalam 8 urang ngak  laik trun krong lihik, 5 urang dok veik hu ba tal sang iek ruak. Urang jakar ngak praong di TQ dok duah thau, ngak brei cambaih laih makna ba tal bala ni./.