Khaw tin 6h30 harei 13/11/2017

# Dalam tuk vak tapa, Chi cục rong glang song Thú y tỉnh Ninh Thuận hu tagok bruk pasang iek, dut iek athur athur pablei salih tame tabiak tỉnh, nao tapa  tỉnh lac labaih 14,6 ribau drei.  Tapa nan, mboh hu 23 mbang  ngak sung dom adat hukum gah thú y, pajaih anek rong song pandap mbang rong glang,  tabiak harak tong phạt hành chính 23 mbang song yaom jien phạt jiak 100 triệu đồng.

# Ban sit Kon Tum, tỉnh Kon Tum, daok angaok jalan patagok, libik đô thị daok dak harei dak peih praong taneh. Dom libik raong glang athur, menuk ada di rilo sang bhapbini dahlau thiah di libik palei pala urak ini dom libik hu pataom tame jeng quỹ taneh di dom phường di ban sit. Ini jeng lac makna ngak ka ban sit daok kandaon rilo sang raong glang athur, menuk ada ngak nerak không khí, nerak alam môi trường. 

# Tui pasak Y tế dự phòng tỉnh Đắk Lắk, meng akaok bilan 8/2017 tal ni , dalam tỉnh hu 4 urang ruak gila kayua sau gila kiak, dalam nan hu 3 urang metai dok di dom huyện Krông Năng, Ea H’leo song Cư Kuin. Piah pacang caga ruak gila, Sở Y tế tỉnh Đắk Lắk hu tacei brei caik 13 labik kluak jru vắc xin di pasak Y tế dom huyện, ban.. tacei pato dom puk palei tagok bruk pathau khan ka bhap bini jalan pacang caga ruak gila. 

# Cà Mau daok pataom phun jien sarak karja di Trung ương saong tỉnh labaih 16 tỷ đồng piah buh tame ngak 9 sang hỏa táng di dom libik baha,  Salatel (sang taom gaok ilimo bhapnini di urang Khmer)... di libik hu rilo bhapbini bangsa Khmer. Dahlau thiah, dom sang bangsa Khmer dalam tỉnh bian peih ngak ndam metai ka urang gauk gar drei hatei tuk metai nao meng bruk cuh lingiu mblang lingik, ngak nerak alam môi trường, lihik an toàn dalam libik bhapnini daok ka pacang caga khuah patuh saong thak dhur meng bruk cuh.

# Di Tổ hợp tác rong da huyện Tháp Mười, tỉnh Đồng Tháp, bruk rong da kreik di mblang hamu sang  caik meboh hu bhap bini pataom tame ngak, patagok. Tui kuhria,  dalam  1.000 drei da rong tui  jalan ni duah liba  hu labaih  1,8 triệu đồng/sa harei.

# Kapul urang sup meta ban sit Đồng Xoài, tỉnh Bình Phước barau peih tan bac xóa mù chữ braille saong pato bruk ka hội viên urang sup meta dalam ban sit. Kapul urang sup meta ban sit urak ini hu 122 hội viên, dalam nan 21 hội viên urang bhapbini bangsa takik. Hadei di Labaih 5 thun, kapul hu peih 4 tan bac akhan braille saong pato bruk ka urang sup meta. Tapa nan hu daong ka labaih 50 hội viên hu thau asal kadha, tri thức, thau pauc, vak saong kuhri kuhria meng akhan braille; taphia nan, daong dom hội viên urang sup meta hu bruk ngak siam, dak harei dak tani tanat raidiuk, yam tagok paglaong kinh tế.

# Kapul dong urang kan kathaot  Tây Ninh pambuak bruk song mban lambaok  Kapul urang prong thun tỉnh peih bruk alin brei radeih  lăn, radeih lắc ka urang prong thun jaoh jo, hu rai duik kan kandah dalam tỉnh. Mbang ni hu 80 80 radeih lăn song  20 radeih lắc yaom abih tih 380 triệu đồng hu brei ka urang prong thun jaoh jo Tây Ninh. Pok jien kayua kapul ngak pahla Later - Day Saint Charities (Hoa Kỳ) song  Công ty Xổ số kiến thiết ban raya Hồ Chí Minh dong (10 radeih lắc).  

Khaw tin dunya 

# Urang jakar ngak praong di Malaysia barau mek khik yaok ratuh drei tê tê daok diuk dalam dom bruk caga pablei salih lậu athur glai di tapeng negar taneh ia ini haong Thái Lan.  Akoaok mereip, cảnh sát mek khik 85 drei tê tê meng sa urang likei Malaysia di ban sit Changlun (Chang-lun) jaik tapeng negar Thái Lan. Hadei di nan, daok mek khik veik 55 drei tê tê gam rilo túi vảy di janih ini tuk caga sa urang likei Thái Lan di sa libik pasang iek di biên giới dua taneh ia. 

# Akaok mintri Lao động Thổ Nhĩ Kỳ Giu-li-đơ Xa-ri-ô-glu brei thau hu  sa bruk patuh di sang mac dệt di ban Gu-xu, tỉnh Bu-xa, dok di gah Tây Bắc  negar Thổ Nhĩ Kỳ, ngak 5 urang metai song 16 urang karei njauk rambuac. Makna di tuk camereip meda kayua patuh gaok hơi.

# Karja ban ine New Delhi di Ấn Độ khan brei thau lac kareik bambang dom sang bac hadei di tuk nồng độ nerak thak, dhur di ini tagok glaong ngak ka gah  chức trách njauktabiak bruk y tế khẩn cấp.  Jaik 6.000 sang bac công lập saong dân lập (ngan saong jaik 5 triệu anek saih ) di New Delhi hu adat brei kareik bambang. Anak bruk nerak nan, Hiệp hội Y tế Ấn Độ hu tabiak bruk khẩn cấp saong tabiak panuac ieu karja kham merat langyah bruk ini./.