Khaw tin 6h30 harei 13/2

# Tui Sở Du lịch ban sit Đà Nẵng, tui kuhria tuk Tết Nguyên đán Mậu Tuất 2018, tuai mai rivang me-in di Đà Nẵng hu labaih 285.750 mbang. Tuai tal Đà Nẵng tuk Tết Nguyên đán tui kuhria hu rilo jang kayua ini lac bilan du lịch ngan saong dom darak pasar yau Trung Quốc, Hàn Quốc, Nhật Bản... Abih di nyu nan lac tuk Tết Nguyên đán 2018 hu dom jalan par di dunya par tapak yau ye meng Incheon tal Đà Nẵng; Hong Kong (Trung Quốc) tal Đà Nẵng; Busan tal Đà Nẵng… daong palagaih parilo tuai dunya mai tal Đà Nẵng. 

#Di palei Tăng, xã Ia O, huyện Ia Grai, tỉnh Gia Lai, Binh đoàn 15 (mintri Quốc phòng) barau peih pakak danakdak “ harei pataom Bánh chưng xanh- bui sambai tết quân dân”. Ini lac sa dalam dom bruk ngak bui sambai pamaong tal cơ sở di Binh đoàn 15 dalam tuk Tết Mậu Tuất 2018 ini. Thiếu tướng Đặng Anh Dũng, Tư lệnh Binh đoàn 15, brei thau:“Abih dom đơn vị di Binh đoàn kết nghĩa saong  271 palei jeng peih bruk raok Tết, bui sambai xuân saong bhapbini dom bangsa. Tapa bruk taom gaok di ini hu ginum biai dom bruk, taphia nan piah pambuak pagam Binh đoàn, dom libik di Binh đoàn saong bhapbini, dom kapul dam dara di puk palei.”

# Melam giao thừa thun ini tỉnh Kon Tum he cuh phao bingu di 3 huyện, ban di tỉnh. 3 huyện, ban sit di tỉnh Kon Tum hu cuh phao bingu dalam melam giao thừa thun ini lac: Sa Thầy, Đăk Tô saong ban sit Kon Tum. Ta-eng ban sit Kon Tum peih bruk cuh phao bingu di 2 labik lac Quảng Trường 16/3 saong Khu đô thị gah meraong tatua Đăk Bla. Hu thau abih tih yaom jien peih ngak bruk nan lac 1,1 tỷ đồng hu meng xã hội hóa.  

# Tui ông Nguyễn Đình Thông, Phó Giám đốc Sở Kế hoạch saong Đầu tư tỉnh Tiền Giang, meng akaok thun barau 2018, bruk pachreih đầu tư dalam tỉnh hu rilo dấu hiệu siam, brei mboh dom sarak saong bruk kham merat pachreih đầu tư di tỉnh daok patagok siam dalam raidiuk xã hội, hu dom doanh nghiệp saong dom gah đầu tư dalam saong lingiu taneh ia sangka. Nan lac Dự án Công ty TNHH Phụ kiện ống thép BW bhian ngak gia công phụ kiện ống thép hàn carbon saong Dự án Công ty TNHH jhik pet thời trang Renaissance bhian ngak gia công gah jhik akhan ao. 

# Ong Phạm Văn Thành, akaok jabat khik ramik inem krung ilamu  - Sở ilamu, Thể thao saong Du lịch tỉnh Ninh Thuận brei thau: Piah ngak hu siam bruk khik ramik saong patagok dom yaom glaong ilamu hadah krah di dom bangsa, padang dom danak dak roh duah, pataom piah, ngak veik saong khik ramik, yaih khan dom inem krung ilamu di dom bangsa daok dalam tỉnh, peih prang iek dom pandap kak kajap haong inem krung, parang iek dom kadha pambuak tal ilamu yau ye: alat ragam dom bangsa tỉnh Ninh Thuận, Ilamu Raglai tỉnh Ninh Thuận, ilamu Chăm Ninh Thuận piah yaih khan tal bhap bini saong tuai damuai. 

Khaw tin dunya

# Dalam dom bruk di mbang nyaom akaok mintri jien padai dom taneh ia Arab saong kadung jien dunya (IMF) peih tabiak di Dubai (Dom Tiểu vương quốc Arab thống nhất), Akaok mintri jien padai Algeria - Abderrahmane Raouia (Áp-đê-ra-ma-nê Ra-ô-i-a) brei thau, rajaei taneh ia ini meda padeih daong yaom xăng menyek meng thun 2019 saong dom janih pandap karei di thun 2020. 

#Brei panuac di nyaom biai pakat glaong rajaei dunyai (World Government Summit) peih tabiak di Đu-bai,  Thủ tướng Pháp Phi-líp-pê (Edouard Philippe) brei thau: Pháp brei patagok yaom jien cai pandar ka quốc phòng dalam 5 thun tal piah pacang veik bruk srau kadau dak harei dak khang di dunya. 

# Dom gah truyền thông di An-giê-ri (Algeria) harei 12/2 brei thau: tuyết laik kapal dalam dom harei puac adit bloh ngak ka raidiuk di bhap bini saong bruk nao mai angaok jalan di dom tỉnh gah barak taneh ia ini gaok kan kandah. Tui nan, jalan roya 1, lac jalan praong abih di An-giê-ri, pambuak dom tỉnh ban gah barak saong gah meraong di taneh ia ini, hu yaok rituh menuac gar veik rilo tuk saong njauk ndih tapa melam angaok radaih  ô tô di drei./..