# Mintri ngak nong saong patagok palei pala bahrau tabiak jalan peih ngak Sarak ka 120/NQ-CP harei 17/11/2017 di Rajaei ka bruk patagok khang kajap bhum taneran kraong Cửu Long lagaih haong bruk biến đổi khí hậu. Mintri ngak nong saong patagok palei pala jeng meda pambuak bruk haong Mintri Lao động – Thương binh song Xã hội padang đề án salih bruk ngak saong ba bruk ngak ka urang ngak nong, palei pala tui jalan daong ka urang nong jeng công nhân nông nghiệp, patakik menuac ngak nong, salih tapa gah nông nghiệp, dịch vụ

         # Dom thun jaik di ini, meng khang hatai salih phun pala takik kein laba tapa pala truac bung kalik hijao yau nan ye rilo sang bhapbini Raglai di xã Phước Bình, huyện Bác Ái, tỉnh Ninh Thuận hu jien mek tame glaong. Rilo sang oh lac patruh kathaot bo daok yam tagok ngak meda. Tui Sở ngak nong saong patagok palei pala tỉnh Ninh Thuận, mô hình salih bruk pala takik kein laba tapa phun mbang baoh, phun công nghiêp hu peih tabiak sa jalan siam lagaih barau dalam patagok kinh te di dom xã bhum ceik.

# Hội Chữ thập đỏ (CTĐ) Tây Ninh pambuak bruk haong Hội CTĐ từ thiện Thiện Tâm (di Hội CTĐ quận Tân Bình, TP.HCM) peih danak dak alin hadiah cặp phao cứu sinh saong tacei pato ilamu ka anek saih bhum kraong ribaong di 2 xã Phước Chỉ saong Phước Lưu (huyện Trảng Bàng). Danak dak piah daong ka dom adei anek saih bhum kraong ribaong, bhian nao bac meng ghe gilai thau jalan ngak tuk gaok bala. Abih tih yaom jien peih ngak danak dak lac labaih 47 triệu đồng, kayua Hội CTĐ từ thiện Thiện Tâm vjak ba dom urang ngak pahla daong brei

         # Gilang pariak sarak karja dhar huyện Xuân Lộc, tỉnh Đồng Nai brei thau dalam thun 2018, abih tih yaom jien dhar gilang pariak ini brei mesraiy lac 11,5 tỷ đồng. Dalam nan hu 9,5 tỷ đồng lac phun jien di Trung ương saong 2 tỷ đồng lac jien meng kadung jien karja huyện ủy thác. Piah peih ngak siam phun jien nan, meng akaok thun, Gilang pariak sarak karja dhar huyện hu drah samal pasang iek, peih jien ka dom danakdak mesraiy jien ye: ba brei bruk ngak, đầu tư ia hacih, hacih saat alam moi truong palei pala.

# Ông Lê Văn Hoàng, urang pan akaok Sở ngak nong saong patagok palei pala tỉnh Long An brei thau, gah ngak nong daok pamaong ngak saong ba tabiak dom jalan ngak piah paglaong siam lagaih, kein laba bruk khik ramik siam mekre haci hacih pandap mbang menyum. Tui nan, Long An pataom tame padang ngak, patagok dom bruk pabak pandap mbang siam – hacih, kham merat patagok jang 10% dom labik ngak saong pablei nông - lâm - thủy sản mek hu tanut siam mekre haci hacih pandap mbang menyum

Khaw tin dunya

# Harei 12/3, Giám đốc jabat an ninh negar Phủ tổng thống Hàn Quốc Chung Ơi I-âng (Chung Eui-yong) hu mbang ravang Trung Quốc piah ginum biai saong dom urang dang akaok taneh ia ini ka bruk urak ini di bán đảo Triều Tiên. Tui kuhria meda gaok Thủ tướng Nhật bản Xin-dô A-bê (Shinzo Abe) di harei 13/3.

# Tổng thống Prang Ê-ma-nu-en Ma-crông (Emmanuel Macron) bahrau hu panuac taong yaom glaong talei pambuak bruk haong Ấn Độ dalam mbang rivang 4 harei tal taneh ia ini. Ấn Độ urak ini lac taneh ia hu phun jien tuh tame ngak mbang dang ka 3 dalam dom taneh ia lingiu tuh jien tame Anh ngak mbang dalam thun 2015- taneh ia hu maong lac pabah mbang ka Ấn Độ tame châu Âu.

# Takik di abih 16 urang metai saong labaih 140 urang karei njauk rambuac kayua gaok tala tak. Bruk ini rah tabiak di harei 10/3 di sa nhà thờ di hạt Ny-a-ru-gu-ru (Nyaruguru), Ru-an-đa (Rwanda). Dom urang jeng gaok metai hadei tuk tala tak tame nhà thờ. 140 urang hu ba tame  sang iek ruak piah cấp cứu./.