# Bộ GD-ĐT bahrau brei thau phổ điểm dom môn pakacah dalam mbang pakacah THPT pakat negar thun 2018 saong phổ điểm dom khối truyền thống. Dom anek saih mek hu điểm angaok trung bình di jaik abih dom bài thi, môn thi lac meng 50-70% lingiu di môn lịch sử saong sap Anh). Bộ GD-ĐT ndom lac, tapa nan brei mboh dom đề thi taong yaom hu pren bac di anek saih, njauk tui bruk ba tabiak di mbang pakacah.

#  Jeng tui mintri pato megru, mbang pakacah THPT negar thun 2018, dalam taneh ia hu labaih 879 rabau thí sinh hu mek kết quả lac bac blaoh trung học phổ thông, dalam nan labaih 810 rabau thí sinh bac trung học phổ thông saong labaih 69 barau thí sinh Giáo dục Thường xuyên. Dom anek saih tốt nghiệp dalam taneh ia hu 97,57%. Hadei di tuk thau hu điểm pakacah, meng harei 19-7, thí sinh tame ramik veik caong khin tut angan pilih ruah Cao đẳng, Đại học. Tui điểm pakacah di drei saong bruk tut angan caong khin, điểm chuẩn dom thun dahlau, thí sinh njauk kuhri kuhria biak tani tanat piah pilih ruah njauk, peih tabiak jalan ka harei hadei di drei.

# Bộ Y tế bahrau hu harak payua Sở Y tế Hà Nội, pandar langyah catang bruk ngak suan di dom urang trực di sang iek ruak đa khoa Ba Vì, ba meluk 2 anek kamar ndih tapui harei 1-11-2012, saong tacei sang iek ruak langyah ka nyu salah bloh, padang bruk ba anek kamar ka urang amaik saong menuac dalam sang. Dahlau di nan, sa dalam 2 sang hu jao meluk anek lac sa-ai Phùng Giang Sơn, 28 thun, daok di ban sit Tây Đằng, Ba Vì, Hà Nội mboh hu bruk meluk ini saong nao dut iek ADN. Min 2 anek naih nan oh ka hu mai veik haong amaik ame kayua gah daih oh ka khin jao anek. Bruk ba meluk anek mbang ini dreih yau bruk rah tabiak di tỉnh Bình Phước saong ngak yau habar piah ka 2 anek naih nan tuk mai haong amaik ame di drei mboh oh gaok kan kandah hagait nan lac bruk njauk biai.

# Jaik 18 tuk 55 minit harei 11-7, đoàn tàu hàng AH2 dalam tuk nduac ginuh tame patau ghoi meng angaok ceik taglung trun di libik kreih dua ga Hải Vân - Hải Vân Bắc (pambuak Đà Nẵng saong Huế). Biak patoah jamo, urang peih kapal hàng maong mboh patau pacang anak darh samal brei padheih kapal sumu. Min, kayua patau biak jaik yau nan akaoh mac ginuh tame baoh patau. Tapa nan ngak ka rilo đoàn kapal njauk padheih veik  di dom ga tabhia piah cang peih jalan. Urak ini dom libik di Tổng công ty Đường sắt Việt Nam daok kham merat ngak piah peih jalan radaih apui Brak - Meraong di tukvak drah samal abih. Yau nan, dalam dua harei hamiet, jalan radaih apui Brak –Meraong hu dua mbang gar kayua patau meng angaok ceik gilun trun.

# Sa video angaok mạng harei 10-7 brei mboh ôtô 7 labik daok sambao màu mbong patih biển số 51F - 938.39 nduac suai, oh khin brei radaih padam pui daok nao ngak bruk tapa mbaok di angaok jalan atah jaik 4km. Bruk nan rah tabiak di jalan Lê Văn Khương, quận 12, TP.HCM. Tuk nan, gah pacang khuah padam khuah quận 12 daok nao padam khuah di huyện Hóc Môn. Gah Cảnh sát giao thông quận 12 brei thau, thau hu pô radaih ôtô nan saong hu payua harak da-a pô radaih mai ngak bruk kayua oh brei jalan ka radaih ưu tiên nao ngak bruk. Tui adat urak ini, bruk pacang jalan radaih ưu tiên njauk  phạt 2-3 triệu đồng, mek veik harak adat peih radaih meng 1-3 bilan.

Khaw tin dunya

# Glut haluk saong ia sua hadei di tuk hajan praong di Nhật ngak takik abih 176 urang metai ngak brei bruk ini jeng mbang bala di lingik tasik praong abih kuhria meng hadei di 2 bala praong rah tabiak haong gauk lac megaiy taneh, sóng thần thun 2011. Jaik 75.000 urang hu ba nao daong, duah menuac di libik rah tabiak bala kayua lingik tasik. Gah chức trách khan lac dom mbang hajan ribuk saong glut haluk jeng daok rah tabiak dalam dom tuk tal saong tui nan bruk jeng daok trak.

# Menuac sia dunya daok di dom ban praong dom pasak đô thị tagok khang dalam dom thun tapa saong tui kuhria mboh dahlau meda meblah tal 60% di thun 2030 saong 66% di thun 2050.Tui pathau khan di danak dak Định cư anek menuac di Liên hợp quốc ba tabiak harei  (11/7), meng thun 2010 tal 2050, menuac sia daok dalam đô thị di dunya tagok jang 2 tỉ meteh tal 3 tỷ menuac. Dalam nan, tanut patagok glaong abih rah tabiak di dom bhum takik cakrok jang yau Đông Á, Nam Á, saong bhum Nam Sa mạc Sahara châu Phi.

# Dom hang động Tham Luang- libik 12 cầu thủ uranaih gam saong  huấn luyện viên di dom urang ini gaok gar meda jeng meniunyim parang iek ka bruk daong biak gheih ini. Urang jakar Thái brei thau lac, thar vak di dom adei saong bruk daong biak gheih nan hu bruk pataom mbaok di rilo taneh ia hu ngak ka hang Tham Luang jeng sa angan hu rilo urang di dunya thau tal saong urak ini urang daok kuhria caga dom bruk piah ba libik ini jeng sa libik du lịch biak chreih./.