* Hội Nghệ sĩ Sân khấu Việt Nam bahrau peih bruk pahadar Harei Sân khấu Việt Nam thun 2016. Ini lac tuk piah ka dom urang ngak sân khấu pahadar tal akok ong kei, brei mboh bruk iek prong, thau dhar dom urang peih jalan ka nghệ thuật sân khấu negar drei cakrok patagok. Dom urang nghệ sỹ sân khấu Việt Nam jeng sanya gul pataom, ba gauk ngak tabiak ralo tác phẩm chất lượng piah duh ka bhap bani.  

          * Tổng cục du lịch ( Mintri ilamu thể thao song du lịch) brei thau, Tổng cục Du lịch hu jalan ngak piah jhul pakhang bruk E-marketing (tiếp thị tapak) piah yaih khan du lịch VN tal darak pasa tuai damuai dunya. Ni lac kadha prong piah patagok pren meriak gauk

        * Labaih 100 thaot binguk ka dom urang daok khik bruk ngak pandap ma-in Trung thu saong dom talei cih vak veik ka dom palei ngak meng kan di nhiếp ảnh gia Lê Bích daok hu meyaih khan dalam parang iek thaot binguk “Dom urang khik suan yava Trung thu” rah tabiak pak Hà Nội. Parang iek hu 10 bộ thaot binguk, yaok bộ lac sa dalikan ka dom urang ngak pandap ma-in trung thu saong dom palei ngak meng kan di bhum taneran gah Barak bo nhiếp ảnh gia Lê Bích hu thaot veik meng thun 2009 tal ini.

       * Di Hà Tĩnh, Sở Thông tin song  Truyền thông tỉnh Hà Tĩnh peih parang iek bản đồ, parang tabiak  tư liệu “Hoàng Sa, Trường Sa di Việt Nam –Dom bằng chúng sajarah dakrai song hukum”. Parang iek yaih khan tal urang mong iek labaih 150 bản đồ song dom harak tư liệu pagam tal tuk vak xác lập, thực thi chủ quyền palao tasik VN meng abhap 17 tal abhap 20

        * Pak An Giang bahrau rah tabiak sa van họp báo brei thau tapuk Drap ar ilamo Óc Eo Ba Thê tỉnh An Giang. Baoh tapuk pabak ka urang puac tapuk dom yaom ilamo dakrai sajarah saong bruk khik ramik, patagok yaom ilamo Óc Eo. Baoh tapuk pataom hu 39 kadha vak roh duah ka ilamo Óc Eo pak An Giang.

        * Di Bạc Liêu bahrau rah tabiak Lễ hội “Dạ cổ hoài lang” Bạc Liêu thun 2016. Ni lac bruk ngak pachreih TUI thun du lịch negar 2016 Phú Quốc – bhum taneran krong Cửu Long. Lễ hội “Dạ cổ hoài lang” thun 2016 hu dom bruk yau: pok gilau di Khu lưu niệm nghệ thuật Đờn ca tài tử Nam Bộ song nhạc sĩ Cao Văn Lầu, ngak pathi ong tổ sân khấu cải lương...

       * Page mesup harei 13/9, ribuk ka 4 ngak jeng angin khang pakat 8, ndoh pakat 9 angaok baoh taneh meng dom tỉnh Thừa Thiên Huế tal Quảng Ngãi. Dalam nan, labik tapen tasik Cù Lao Chàm, xã Tân Hiệp, bal Hội An, tỉnh Quảng Nam saong bal sit Lăng Cô, huyện Phú Lộc, tỉnh Thừa Thiên Huế ndoh khang di abih. Angin khang ngak jaleih ralo phun kayau, biển quảng cáo pak bal Đà Nẵng, ralo ghe gilai karam, urang taong ikan lahik.

         Patui di ni nan lac dom khau tin dunya:

       * Dom urang ngak praong pan akaok y tế di Thái Lan ndom lac, oh hu bruk mbuan njom mbak  virus Zika di negar ni. Mintri Y tế Thái Lan hu panuac ieu bhap bini jhui duh hatai, saong huac lac dom khau tin oh njauk meda ảnh hưởng tal gah du lịch di Thái Lan.

       * Jabat iek gah thủy điện saong điện nguyên tử di Hàn Quốc brei thau, dom sang mac điện hạt nhân pak negar ini jeng daok peih ngak yau bhian harei saong oh ka mboh khut kahat halei hadei di dua mbang megei baoh taneh gam gam dalam harei. Urak ini dom jabat chức năng Hàn Quốc daok pataom iek dom khat lahik dalam negar meng dua mbang megei baoh taneh nan.

      * Hadei di bruk mehit lac ứng cử viên tổng thống di đảng Dân chủ Hillary Clinton (Hi-la-ri Clin-tơn) hu chẩn đoán lac viêm phổi, harei 12/9 ứng cử viên tổng thống di  đảng Cộng hòa ong Donald Trump (Đô-nan Trăm) brei mboh hatai khin urang dahlau deih ngak  Ngoại trưởng Mỹ hu pasiam veik, saong brei thau lac ong meda ba tabiak brei thau cambaih laih ka hồ sơ y tế di drei dalam dom harei anak tal./.