#Tal Urak ni, tỉnh Yên Bái hu jak ba labaih  4.700 urang hu mbaok tame bruk pasiam veik dom khut khat meng hajan ribuk. Dalam nan hu labaih 2.600 urang lin, công an, dân quân tự vệ song urang jarka công nhân viên, song labaih 2.100 bhap bini daok pak nan. Dom kapul hu dong ka yaok ribau boh sang khut, tayah kayua hajan ia sua, eik glang urang gaok bala, dong duah urang lihik, ba menuac urang song pandap panda di labik gaok bala tal labik siam mekre.

#Tal akaok bilan 10/2017, tỉnh Thừa Thiên - Huế hu jaik 500 doanh nghiệp tut angan barau saong yaom phun jien tut angan điều lệ 4.800 tỷ đồng; brei barau 50 dự án dalam taneh ia saong yaom phun  jien tut angan lac 5.671 tỷ đồng, 3 dự án đầu tư di taneh ia lingiu. Dom doanh nghiệp hu nop tame ngân sách jaik 2.800 tỷ đồng (dalam abih tih labaih 5.048 tỷ đồng di tỉnh); yaom pablei pandap tabiak taneh ia lingiu hu labaih 588 triệu USD, dalam nan, gah kinh tế karja hu labiah 96 triệu USD, doanh nghiệp hu jien đầu tư taneh ia lingiu hu labaih 330 triệu USD... 

#Tỉnh Kon Tum meda dong ka labaih 21.000 boh sang bhum mik va bangsa takik song bhum ceik patagok  kinh tế - xã hội tui đề án “peih ngak sarak dong patagok kinh tế - xã hội bhum urang bangsa song bhum ceik di  tỉnh Kon Tum tuk vak 2017-2020”. Phun jien peih ngak danak dak labaih 270 tỷ đồng meng kadung jien karja

# Harei 13/10, ông Nguyễn Thiện Nhân, Uỷ viên mintri Chính trị, Bí thư Thành uỷ ban raya Hồ Chí Minh hu var ngak bruk saong Huyện uỷ Củ Chi ka bruk kinh tế - xã hội thun 2017. Dalam huyện urak ini hu tapol kubao, limo jaik 100 rabau drei, dalam nan labaih 76 rabau drei limo ia tasau. Yaom jien mek tame meng limo ia tasau meblah labaih 60% yaom ngak nong, lingiu di nan huyen daok patagok dom pandap chủ lực karei ye: njam, bingu lan, raong kaya ikan dalam ia… Brei panuac di var ngak bruk, Bí thư Thành uỷ Nguyễn Thiện Nhân pandar huyện njauk paglaong chất lượng dom tiêu chí palei pala barau, paglaong raidiuk bhapbini.

# Harei 12/10, Ủy ban bhpa bini tỉnh Đồng Nai patabiak harak payua ka mintri pajeng ba pok panuac likau miễn giảm phí ka dom radeih peih tapa trạm thu phí BOT jalan plaih ban Biên Hòa. Tui nan, Đồng Nai caong Mintri pajeng ba,,,, Tổng Cục jalan mbak Việt Nam pasang iek, brei miễn giảm yaom harak  ka  624 radaih tuk tapa  trạm BOT jalan Biên Hòa. Urang hu miễn harak radeih ô tô pajeng anek saih, urang ngak, radeih  buýt song radeih di bhap bini daok di  4 xã Trung Hòa, Tây Hòa, Đông Hòa song Hưng Thịnh di huyện Trảng Bom.

#Dalam 5 thun (2017 - 2022), Công ty Cổ phần Đầu tư saong Kinh doanh Golf Long Thành meda nao gam jalan saong danakdak daong ia tasau brei saoh ka uranaih sang bac pakat 1 ngan saong yaom jien ngak abih tih 25 tỷ đồng, daong ia tasau brei saoh ka jaik 15.000 uranaih sang bac pakat sa. Danakdak piah pasiam bruk dinh dưỡng di uranaih thun bac pakat sa, ba jalan ka uranaih hu menyum ia tasau yaok harei saong trun bruk lavang lavaiyh, paglaong thể lực di uranaih Việt Nam, rik daong patagok menuac urang khang kadang ka harei hadei. 

#Tuk vak tapa, Kapul pachreih bac tỉnh Nam Định ieu pataom hu labaih  200 tỷ đồng piah dong, brei jien bac ka dom anek saih kan kandah dalam tỉnh. Bruk padang boh sang, but pajaih pachreih bac pachreih megru hu pambak prong di dom puk palei. Urak ni dalam tỉnh hu jiak  150.000 boh sang pachreih bac pachreih megru, labaih 2.260 talei but pajaih pachreih bac pachreih megru saong labaih 2550 puk papplei tổ dân phố hu pok brei angan lac  bhap bini bac daa. 

Khaw tin dunya

# Hadei di tuk patoam dom asal kadha dalam jaik 150 thun tapa, dom urang alamu di sang bac đại học Đu-ham (Durham) saong Niu-cát-xtơ (Newcastle), taneh ia  Anh kuhria mboh lac, dalam 728 sự kiện địa chấn hu mboh 271 mbang (37%) pambuak tal duah mek khoáng sản, bhian lac bruk jaleih jalan lubang dalam dom mỏ, jaik 23% pambuak tal bruk padang ngak dom danao padang ia, 15% lac kayua bruk duah mek menyek saong khí đốt saong lingiu di nan lac dom kadha karei ye megaiy taneh hadei di tuk thử nghiệm vũ khí hạt nhân ala haluk…

# Dom urang roh duah di  Viện ilamu  Can-nơ-giơ (Carnegie) di  Mỹ bahrau ba tabiak sa roh duah brei mboh dom sang mac  điện hangin  di bhum tasik praong meda pabak  điện gi nup pandaR ka abih dunya. Tui roh duah ni, tốc độ hangin glong di  tasik praong meda  ngak tabiak  rilo  năng lượng jang 5  mbang, dut song dom tua bin hangin di angaok thu .

#Mintri tư pháp Nhật Bản brei thau, dom urang taneh ia lingiu daok di Nhật Bản daok tanut glaong di abih, tagok tal labaih 2 triệu 470 rabau urang. Dalam nan, bhapbini urang Trung Quốc ba akaok ngan saong labaih 711 rabau urang, meblah 30% abih tih urang taneh ia lingiu daok di Nhật Bản./.