Khaw tin 6h30 harei 14/11/2017

# Yam tame adit ngak bruk ka 4, mesup harei ni, Quốc hội ngak bruk di  hội trường, ginum biai ka pathau khan roh duah Dự án mek veik taneh, bayar jien, dong ba, tái định cư cảng kapan haoh  dunya Long Thành. Taphia di nan, Quốc hội njauk hatai brei tapa sarak ka kadung jien karja thun 2018. Beir harei, Quốc hội ginum biai di  tổ ka  dự án hukum khik caga bí mật karja song  dự án hukum  An ninh mạng.

# Cục Y tế dự phòng (mintri Y tế) brei thau, urak ini rilo tỉnh, ban mboh lac urang gaok ruak pandiak tabiak darah trun dalam 11 adit jaik ini, abih di nyu nan lac bhum gah Brak daok yam tame bilan la ar nan ye  tukvak tal ruak meda  trun. Min, di bhum gah meraong, gah kreih negar urak ini lac tukvak bo dom thun dahlau jeng lac bilan tabung glaong ka pandiak tabiak darah.

# Mbang ribuk ia sua meng bloh ngak khat lihik trak bhum rong kaya ikan di tỉnh Phú Yên. Yaok ribau lồng bè rong kaya ikan njauk ribuk palai pajoa. Rilo boh sang daok gaok kan kandah piah rong veik.

#Di Bình Thuận, mBan khik ramik  an toàn pandap mbang menyum ban raya Hồ Chí Minh saong Sở ngak nong saong patagok palei pala Bình Thuận barau mbaoh tangin tame pambuak bruk khik ramik saong pambuak bruk pablei kaya nong, kaya ikan dalam ia ka dom cơ sở dalam chuỗi pablei pandap mbang menyum an toàn di tỉnh Bình Thuận saong ban raya Hồ Chí Minh tukvak 2017-2019. Bruk ngak di danakdak lac piah dak padang, patagok dom chuỗi pablei kaya nong, kaya ikan dalam ia di ban raya Hồ Chí Minh saong Bình Thuận hu dut iek catang meng bruk ngak akaok meti tal cơ sở sơ chế, sik ralo, chế biến, pablei salih pandap kaya nong, kaya ikan dalam ia saong thau hu asal di nyu.

# Tỉnh Đồng Tháp hu taneh rong ikan padoc  prong labaih 70 ha, rong rilo abih nan lac di huyện Hồng Ngự, Tam Nông song Cao Lãnh. Ikan padoc hadei di  5-6 bilan rong hu cap pablei.  Urak ni, ikan padoc, meng  2 drei sa kg tagok, pablei hu yaom meng 35.000-36.000 đồng/sa kg, urang rong liba labaih 10.000 đồng/sa kg 

# Urak ini, baoh durieng suan bilan di tỉnh Tiền Giang daok hu takik, yaom tagok. Yaom durieng hu sang beir pablei tabiak meng 80.000 đồng tal 85.000 đồng/sa kg, tui yaom ini sang beir laba labaih 50.000 đồng/ sa kg.

# Danak dak doh tamia “Harei patom ilamu sambo màu ban Daegu” bahrau peih tabiak di ban raya HCM hu rah tabiak dalam chreih chrai song rilo kadha gheih mekre, ba mai ka bhap bini ban raya mboh sa labik ndung bak ilamu Hàn Quốc. Danak dak dok dalam dom kadha di harei patom ilamu dunya ban raya HCM – Gyeongju piah yaih khan, brei thau dom siam gheih di ban  Daegu, sa labik hu angan lac “ban nghệ thuật” di Hàn Quốc.

Khaw tin dunya

# Rajaei Iran  tah klak panuac ieu di Tổng thống Pháp Em-ma-nu-en Ma-crông peih dom mbang ginum biai ka danakdak tên lửa đạn đạo di Iran, saong brei thau lac danakdak tên lửa di taneh ia ini tok piah pabak ka bruk pacang caga saong oh pambuak tal thỏa thuận hạt nhân saong kapul P5+1.

# Pasak Xúc tiến pablei salih Nhật Bản brei thau, Nhật Bản urak ni dok kham merat jhul pakhang bruk pablei tabiak taneh ia lingiu 7 janih pandap mbang menyum, tui jalan ngak lac tal thun  2019 meda mek hu 1 nghìn tỷ yên (lac jaik  8 tỷ đô la Mỹ).

# Tui akaok mintri Y tế Mê-hi-cô Hô-xê Na-rô (Jose Narro), dalam thun 2016, dalam taneh ia Mê-hi-cô hu labaih 105 rabau urang hu brei thau lac metai kayua ruak me-ik saradang, rilo jang labaih 7 rabau urang duk saong thun 2015./.