# Page harei 13/7, Pak Sang Quốc hội, Ủy viên Bộ Chính trị, Phaok Akaok Quốc hội Tòng Thị Phóng taduan raok dom anek saih, sinh viên bangsa takik di Kadung jien bac Vừ A Dính. Pak van taom gaok, hadei di tuk pang panuac khan di dom anek saih kumei bangsa takik di Kadung jien bac Vừ A Dính, Phaok Akaok Quốc hội Tòng Thị caong khin, dom anek saih, sinh viên bangsa takik di Kadung jien bac Vừ A Dính oh padeih kham merat, pasram megru piah pabak hatai ranam, bruk sangka di Đảng, Karja, dom urang ngak pahla, taphia di nan hu dom rik daong ka bruk dak padang taneh aia palei negar dak harei dak kaya meda.

        # Meng akaok thun tal ini,  huyện Ea Kar, tỉnh Đăk Lăk hu ramik pasiam  8 công trình thủy lợi ngan saong yaom jien ngak abih tih jaik 3,4 tỉ đồng. Tal tukvak ini, 2 công trình hu ngak blaoh ba tame pandar duh ka pala drak bilan hè thu 2016, hu đập dâng palei 16, xã Cư Prông saong đập dâng Buôn M’oa, xã Cư Huê.

       # Xã Tịnh Phong, huyện Sơn Tịnh, tỉnh Quảng Ngãi bahrau peih bruk am cuh klaak tapul ada 600 drei, praong 60 harei di sang ong Đặng Thanh Bộ daok di palei Phú Lộc hadei di tuk dut iek di Jabat Thý y Vùng IV Đà Nẵng mboh lac njaom  cúm A H5N6.  Ong Nguyễn Văn Thuận, Phaok akaok Chi cục Thú y saong Raong glang tỉnh Quảng Ngãi brei thau, puk palei daok pataom tame ngak dom jalan pacang cakak jit ruak pambak prong:

      # 6 bilan akaok thun ini, tỉnh Phú Yên mek jien tame kadung jien karja hu jaik 1500 tỷ đồng, pandap ngak tabiak tagok tabih tih jaik 8%. Ông  Huỳnh Tấn Việt, Ủy viên Trung ương Đảng, Bí thư Tỉnh ủy, akaok Hội đồng bhapbini tỉnh Phú Yên brei thau, meng ini tal puac thun, tỉnh Phú Yên pataom tame peih ngak khang 6 danakdak ngak bruk, dalam nan praong di abih lac thun Doanh nghiệp Phú Yên 2016:“Hội đồng bhapbini tỉnh njauk pataom tame ngak cambaih makna, ba tbaik jalan piah peih ngak siam saong sumu gauk di tukvak tal. Taphia nan, njauk jhl khang pathau khan jak ba bhapbini saong doanh nghiệp khan merat yam tapa kan kandah, tavak tavaiy ngak siam bruk patagok kinh tế- xã hội thun 2016, thun epih akaok ka bruk patagok kinh tế- xã hội 5 thun 2015- 2020 di tỉnh.”

       # Yaom lac daok yam tame tukvak puac vụ min yaom pablei durieng di tỉnh Đồng Nai jeng daok di tanut biak glaong. Pak huyện Xuân Lộc durieng Thái hu yaom 40 ribau đồng sa kg; durieng Ri6 hu yaom meng 28-30 ribau đồng sa kg, tagok meng 10-12 ribau đồng dut haong tukvak ini thun dahlau. Thun ini langik pandiak dui atah năng suất durieng trun meng 30-40%, min yaom pablei glaong meng akaok tal puac vụ nan ye yaok hécta dom sang bein laba hu labaih 250 triệu đồng.

       # Tui pathau khan di Sở Y tế Bình Phước, urak ini dalam 2 xã Thuận Lợi saong  Thuận Phú, huyện Đồng Phú hu 29 urang njuak tame sang iek ruak dalam tuk pandiak , viêm amidan, dalam nan hu klau urang metai, 6 urang hu tabiak truh sang iek ruak, 20 urang daok veik iek ruak di dom sang iek ruak dalam saong langiu tỉnh. Rilo urang ruak brei thau triệu chứng lac pandiak, katuk,  viêm jalan hô hấp angaok. Ông Nguyễn Văn Sáu, Phó Giám đốc pasak Y tế dự phòng tỉnh Bình Phước brei thau: “Viện Pasteur ban raya Hồ Chí Minh hu mek mẫu xét nghiệm dom urang taom gaok saong urang ruak  metai, dom urang daok ruak saong dom urang taom gaok jaik taphia saong urang ruak, taong abih jeng hu viện ba nao xét nghiệm.

      # Meng akaok thun tal ini tỉnh Cà Mau taduan hu labaih 5,3 tỷ đồng tame “Kadung jien brei ka urang kathaot”. Ini la yaom jien rik daong meng dom "mạnh thường quân" dalam saong langiu negar, di urang jakar…piah daong brei ka dom baoh sang kathaot, sang kan kandah dalam rai diuk. Meng yaom jien angaok nan  tỉnh Cà Mau hu padang ngak bahrau 200 baoh sang gul pataom, pasiam veik jaik 500 baoh sang taik tahak ka urang kathaot; daong dom baoh sang biak kan kandah, dalam nan biak caik hatai tal baoh sang kathaot di palei pala, bhum atah bayah. 

      Khaw tin dunya

     # harei 12/7, Tổng thống Mỹ Ba-rắc Ô-ba-ma (Barack Obama) hu nao tal ban Đa-lát (Dallas), labik rah tabiak mbang patuh phao  tame 5 cảnh sát pambuak tal dom srau kadau kayua phân biệt chủng tộc di taneh ia ini. Di ini, ông Ô-ba-ma hu mbaok tame bruk pahadar dom cảnh sát metai saong hu kadha ieu bhapbini Mỹ jum pataom, yah klak định kiến piah langyah dom srau kadau sắc tộc saong bạo lực. Ông ieu mbang patuh phao tame cảnh sát lac bruk bạo lực saong thù hằn sắc tộc, taphia nan, ieu bhapbini Mỹ cởi mở saong pok je cảnh sát jeng ye labik dang di dom urang ini dalam xã hội.

    # Dahlau di tuk rah tabiak Thế vận hội Olympic 2016 pak Bra-xin, harei  12/7, Gah Y tế Dunya (WHO) hu panuac kakei dahlau lac, dom urang halei daok caong mai mong iek bruk ini njauk klauk vắc-xin suai di abih 2 adit dahlau si nao, piah plaih njaom mbak dom janih ruak yau sởi saong ru-bê-la (rubella). Klauac jru caga hu mong yau jalan ngak siam piah pacang dom janih ruak njom mbak.

     # Kuhria tal urak ini, dom urang metai di mbang bala radaih pui rah tabiak harei harei 12/7, di Italia tagok tal 25 urang saong dom urang bị thương jeng tagok tal yaok pluh urang. Mbang bala rah tabiak di canah jalan radaih pui nduac tapa labik glai ô-liu daok di kreih ban sit Cô-ra-tô (Corato) saong An-đri-a (Andria). Dua sruh radaih pui ginuh gauk tapak tuk dua sruh daok nduac di canah jalan ini. Thủ tướng Italia Ma-tê-ô Ren-di (Matteo Renzi) dalam harei nan jeng hu mbaok di labik rab tabiak bala piah tanhi ravang dom urang bị thương saong dom urang dalam sang urang nan./.