# Thau lac phun cam nan, lac sa dalam dom phun pala praong piah cakrok patagok bruk ngak mbang di baoh sang, tukvak meng ini thun 2020, huyện bhum ceik núi Nam Đông, tỉnh Thừa Thiên – kham merat pala 400 ha cam tui tanut VietGap, daong paglaong yaom bruk ngak nong. Urak ini dalam huyện pala hu  labaih 75 ha cam; dalam nan hu 30 ha daok paik baoh. Ralo baoh sang pala Cam mek hu 20 tấn sa ha yaok thun, jien mek tame labaih 300 triệu đồng sa ha/sa thun. 

# Di Thanh Hóa, Ủy ban An toàn giao thông negar, Ban An toàn giao thông tỉnh Thanh Hóa pambuak bruk saong Công ty trách nhiệm hữu hạn Uber Việt Nam barau tabiak  bilan tabung glaong an toàn giao thông ka anek saih nao bac di Thanh Hóa saong alin 2.000 ndon bảo hiểm ka dom anek saih di sang bac  Trung học Phổ thông Bá Thước saong sang bac Trung học Phổ thông Thạch Thành.  Tapa nan,  Ủy ban An toàn giao thông negar hu tacei pato dom adei anek saih me om ndon bảo hiểm njauk piah khik caga siam mekre tuk nao di jalan.

# Meng akaok thun tal ini, tỉnh Kon Tum hu 8 sruh jit ruak laka cambuai tapok kakau ngak ka labaih 270 drei athur labuh ruak; dalam nan hu 190 drei kubao, limo hu iek abih ruak, daok veik 84 drei, lac 5 drei limo, 79 drei pabui metai saong njauk ba nao am cuh klaak. Dom bilan puac thun, tukvak rilo athur hu urang blei ralo, Kon Tum njauk jhul khang bruk pacang caga jit ruak ini. 

# Barau ini, huyện Tân Biên, tỉnh Tây Ninh hu ba gauk tabiak klauk vắc-xin caga jit ruak ka tapol athur, menuk ada mbang ka II thun 2017 dalam huyện. piah caga jit ruak ka tapol athur, menuk ada meng ini tal harei 6/11/2017, huyện Tân Biên peih bruk klauk vắc-xin caga ruak hluak cambuoi papaok kakau di tapol kubao, limo ngan saong labaih 3.300 mbang; klauk 1.590 mbang vắc-xin caga dom ruak tụ huyết trùng, jit tả saong 632 mbang vắc-xin caga ruak pabui tanyi hijao ka tapol pabui; klauk 44.000 mbang vắc-xin caga kum menuk ada. 

# Sở Lao động - thương binh saong xã hội pambuak haong Ủy ban bhap bani bal sit Long Khánh peih bruk pathram duah thau baoh sang kathaot rilo gah saong baoh sang hu rai diuk mbiah puac thun 2017 (tukvak 2016-2020) ka jaik 200 urang lac urang jakar Ủy ban Mặt trận negar, dom ban ngành, kapul nyaom saong 15 xã, phường dalam bal sit. 

# Tui Sở pato megru Cần Thơ, tukvak tapa, dom anek saih , sinh viên blei bảo hiểm y tế di Cần Thơ trun jaik 40.000 adei; dalam nan, dom quận, huyện ye Phong Điền, Thốt Nốt, Cờ Đỏ lac 3 huyện hu dom anek saih blei bảo hiểm y tế trun rilo. Piah pasiam veik bruk nan, amuk Nguyễn Thị Mỹ Phương, Phó Giám đốc Bảo hiểm xã hội Cần Thơ brei thau: thun bac 2017-2018, Bảo hiểm xã hội Cần Thơ tabiak bruk lac kham merat abih tih anek saih , sinh viên blei bảo hiểm y tế.

# Ban peih bruk parang iek y tế dunya Việt Nam mbang ka 12 thun 2017 brei thau, parang iek peih tabiak meng harei 20/9 tal harei 23/9 pak Pasak Nyaom darak saong parang iek Sài Gòn, kayua mentri Y tế pambuak haong Công ty Cổ phần ADPEX,  Kapul doanh nghiệp Jru Việt Nam, Công ty Cổ phần blei tame pablei tabiak Y tế Việt Nam peih ngak. Dalam mbang ini, langiu di bruk parang iek daok hu danak dak pasang iek tầm soát saong tư vấn thaoh ruak baoh hatai, ruak me-ik saradang, danak dak hu peih ngak meng dom bác sỹ Sang iek ruak Quận 2 saong Sang iek ruak Đại học Y dược bal raya  Hồ Chí Minh.

Khaw tin dunya

# Rajaei Thái Lan tabiak bruk patagok du lịch lac 10% dalam thun 2018, nan lac jien mek tame jaik 3.000 tỷ bath (sumu 90 tỷ đô la Mỹ), tapa dom paok xúc tiến du lịch piah pachreih tuai dalam taneh ia saong dunya ravang iek dom địa danh barau ngan saong tukvak daok suai jang. Jien mek tame meng gah du lịch Thái Lan tui kuhria mboh dahau lac tagok 8% dalam thun ini saong yaom jien abih tih jaik 75 tỷ USD, glaong jang duk saong tanut patagok trung bình 3-5% yaok thun.

# Đại sứ Mỹ pak Mô-dăm-bích Đin Pít-men (Dean Pittman) brei thau, raja-ei Mỹ, tapa đại sứ quán di negar ini pak Ma-pu-tô (Maputo), bahrau sanya peih brei  400 triệu đôla Mỹ piah daong ka Mô-dăm-bích pacang cakak jit ruak HIV / AIDS.

# Harei 13/9, Đài Loan (Trung Quốc) ba tabiak panuac cảnh báo ka bruk nao mai jalan tasik saong dom hãng kapal ahaok klak dom mbang par tuk baok pulao kaoh ini daok caga pacang ribuk Talim,  tui kuhria meda tuh tame dom ban gah Brak Đài Loan, dalam nan hu Đài Bắc saong meda jeng ribuk biak khang./.