Khaw tin 6h30 harei 15/11

(Thúy Linh- 15/11)

     # Piah pacang caga iek liar  ka tapon menuk ada, athur rong  di tỉnh dalam bilan liar thun ni, Chi Cục Thú y tỉnh Lạng Sơn batabiak harak tacei dom  huyện, ban dalam tỉnh samar hu dom jalan ngak yau: tacei pato ka urang rong klauk jru pacang caga avar ka tapon menuk ada, athur rong, piah pacang cakak dahlau dom RUAK kan kandah yau cúm menuk ada H7N9, hu dom jalan ngak lagaih piah pacang caga iek liar ka menuk ada, athur rong. 

# Hadei di tuk ia trun, ban Đà Nẵng hu pataom dom gah mai ramik pasiam khut khat, dalam nan bruk ngak praong lac pacang caga jit ruak, hacih saat alam moi truong di dom puk palei gaok ia dauk trak lac huyện Hòa Vang, quận Cẩm Lệ saong quận Ngũ Hành Sơn. Bác sỹ Nguyễn Tam Lãm, Trưởng khoa Kiểm soát ruak truyền nhiễm saong vắcxin sinh phẩm (pasak Y tế dự phòng ban Đà Nẵng) brei thau: mbuan patuh tabiak dom ruak tiêu hóa, ruak gah klik, ruak meta bhong kayua njaom khuẩn, ruak tangin takai cambuai, ruak pandiak tabiak darah. 

         # Công đoàn Gilang pariak Việt Nam hu nao rivang song jao brei 1 tỷ đồng dong ka bhap bini  tỉnh Phú Yên, rik dong pasiam veik dom khat lihik kayua ribuk ka 12. Dalam nan, dong ka yaok boh sang hu urang metai   20 triệu đồng. Pok jien dok veik hu dong ka dom boh sang jaleih song khut sang, dong ka mik va tong chap ikan pandap tong chap, pajaih phun pala,  anek athur rong, piah pasiam veik bruk ngak mbang, tani tanat rai duik. 

# Pachreih tui panuac ieu di uy mban bhapbini tỉnh ka mbang daong bhapnini gah kreh negar gaok khat lihik kayua  ribuk 12, barau ini, Công an tỉnh Đồng Nai hu peih bruk daong labaih 600 triệu đồng. Yaok urang jakar, chiến sĩ công an daong takik abih sa harei jien bilan saong gah Công an daok peih mbang jak ba daong urang njauk bala tal puac harei 17/11.

              # Anak bruk  35.400 ha paoak blait di tỉnh hu halak halin palai kiak, dalam nan, rilo mblang paoak blait metai kan pasiam veik hu, tỉnh Bình Phước hu peih bruk dong pajaih phun pala ka mik va bangsa takik piah pala veik bein paaok blait jiak  6.000 ha metai atau taha thun brei takik baoh. Makna lac kayua bruk  biến đổi khí hậu, langik tasik oh lagaih, bhian hu hajan dui atah ngak ka halak halin, muỗi bọ xít tamuh tabiak pambak ruak, palai kiak dom bein paoak blait. 

 # Ông Cao Văn Hóa, Giám đốc Sở ngak nong saong patagok palei pala tỉnh Tiền Giang brei thau, thun 2018, Tiền Giang hu tabiak bruk peih praong taneh pala tangei tagok 4.808 ha, tagok jaik 10% duk saong thun 2017. Tỉnh ba tabiak bruk thâm canh piah hu năng suất tangei 35,4 tạ/sa aha saong sản lượng dalam thun labaih 17.000 tấn pandap pablei tabiak darak pasal . 

# Yaok thun tuk ia ndik tal mai, bhap bini di  ban sit  Ngã Năm (Sóc Trăng) duah hu jien meng ia ndik ba mai. Langiu di bruk tong chap dom janih kaya ikan, mik va di labik ni DAOK duah hu jien meng lanik tasik alin brei. Nan lac dom janih pandap mbang yau: njam patam boh karaoh bilan ia ndik atau dom janih ikan, hadang.

Khaw tin dunya

        # Thủ tướng Nhật Bản Sin-dô A-bê (Shinzo Abe) saong Thủ tướng Trung Quốc Lý Khắc Cường hu pataom tame ginum biai ka pambuak bruk kinh tế, bruk Triều Tiên saong rilo kadha karei gam sangka dalam sa mbang gaok di Phi-líp-pin. Dua urang dang akaok mboh lac, dalam tukvak tal dua taneh ia njauk ngak bruk saong gauk piah peih praong dom kham pambuak bruk  kinh tế gam jak jeng.

# Nyaom tui iek quyền anek menuac Xyri bahrau brei thau, dom mbang không kích tame sa drak pasa ngak takik di abih 29 urang metai. Ni lac sa labik kayua gah  đối lập khik iek  di gah  tây bắc  negar Xyri.

# Dom akaok mintri Châu Phi saong châu Âu njauk hatai gauk pasiam dom kadha ka urang di cư di Libi, duah dom jalan ye: jien bac ka urang bhapbini  châu Phi tal châu Âu njauk hukum. Ini lac sa binah dalam Tuyên bố chung ba tabiak di mbang nyaom di akaok mintri meng rilo taneh ia châu Âu saong châu Phi yau Pháp, Đức, Italia, Tuy-ni-di, Mali… rah tabiak di Thụy Sĩ.