Khaw tin 6h30 harei 15/11

        # Pak mbang nyaom ka 2, Quốc hội khóa 14, page harei 14/11, ngan haong ralo urang njauk gauk, Quốc hội hu brei tapa Nghị quyết ka bruk parabha phun jien Trung ương thun 2017. Tui nan, Tổng số thu cân đối kadung jien trung ương nan lac 729 ribau 730 tỷ đồng saong Tổng số chi cân đối kadung jien trung ương nan lac 902 ribau 030 tỷ đồng.

      # Mintri Y tế barau  brei thau bruk ngak iek lâm sàng ka vắc-xin pambuak bruk saong sởi-rubella kayua pasak roh duah ngak vắc-xin saong sinh phẩm y tế ngak tabiak, meng bruk daong brei công nghệ di Nhật Bản. Dom  chuyên gia taong yaom, vắc-xin sởi-rubella hu dom tiêu chuẩn di Gah y tế dunya WHO- GMP hu caong lac pabak hu bruk klauk caga  vắc-xin dalam taneh ia, meda pablei tabiak taneh ia langiu.

       # Bruk pala rong nho di dom baoh sang daok tapen tasik Đầm Nại, huyện Ninh Hải, tỉnh Ninh Thuận ba mai hiệu quả kinh tế glaong. Baoh sang sa-ai Trần Hùng, daok pak bal sit Khánh Hải, huyện Ninh Hải ngan haong mblang taneh 4 ha pala rong nho, kuhria rah tapa yaok harei paik hu labaih 60 kg rong that, pablei tabiak darak pasar ngan haong jaik 50.000 đồng/kg, hadei di kaoh abih phun jien buh tame yaok thun sang sai mek tame labaih 1 tỷ đồng. 

         #5 thun tapa, tỉnh Kiên Giang hu daong pato bruk ngak di palei pala ka 56.827 urang, dalam nan hu 11.678 urang ngak lac bhapbini bangsa takik. Tapa nan, hu 70% hadei tuk bac bloh duah hu bruk, jien mek tame tani tanat. Taphia nan, Kiên Giang peih ngak 122 danakdak, dự án ngan saong jien ngak labaih 67,7 tỉ đồng meng phun jien sự nghiệp di tỉnh, peih 3.921 tan pato saong hu 128.783 mbang urang nong mai bac; dak padang yaok ratuh mo hinh pacherih nong, khuyến ngư  piah jao brei khoa học công nghệ ka urang nong … kuhria rah tapa sang kathaot trun 1,48% yaok thun .

      # Meng harei 18-24/11, pak sang bac Đại học Mỹ thuật Việt Nam peih bruk parang iek thaot binguk "Nét đẹp đời thường". Dalam labaih 1.000 blah payua mai pakacah di dom anek saih, sinh viên dom sang bac đại học, cao đẳng, trung học phổ thông dalam negar, ban tổ chức hu palih ruah labaih 200 blah piah parang iek. Ini hu mong yau dom blah rup cih, rup thaot siam gheih brei mboh ka bruk ndom puac daok dang hu ilamo dalam rai diuk bhian harei tapa meta mong di anek saih, sinh viên.

        # Pasak pato bruk ngak saong pato megru thường xuyên huyện Châu Thành, Sóc Trăng pambuak bruk saong mBan khik iek baha Kompongtróp (Bưng Tróp), xã An Hiệp barau peih tan pato phleing ngũ âm ka mikva saong sư sãi Khmer dalam huyen. Khóa bac pachreih 24 urang saong hu parabha jeng 3 tan bac; dalam nan hu sa tan bac caik saoh ka dom urang vị sư dalam baha. Di tukvak 3 bilan, dom học viên hu dom nghệ nhân pato ka dom kiến thức cơ bản, jeng ye bruk peih ngak dom ragu ragam ye : gar, kuông thum, kuông tuôch, rua-nét ék, rua-nét thung…

      # Pasak dự báo Khí tượng - Thủy văn T.Ư brei thau dahlau, meng ini tal akaok thun 2017, labik gah ala halau dom kraong gah meraong meda ciuk pambak di dua mbang triều cường khang dalam kreh dom bilan 12-2016 saong bilan 1-2017. Dalam dom mbang aia ndik ini, mbaok aia di dom balai gah ala halau meda tagok tal báo động 3.

      Khaw tin dunya

    # Dom kapul cứu hộ Trung Quốc harei kabroi (13/11), panduan ba hu siam mekre labaih 500 urang  gar di dom canah jalan cao tốc kayua bão tuyết di libik tự trị Nội mông Tân Cương, di gah Tây Bắc Trung Quốc. 542 urang gar veik di dom canah jalan cao tốc di libik May-tas và Ti-e-chang-gou di gah Brak Tân Cương kayua bão tuyết praong di dua harei 11 saong 12/11.

     # Ma-lai-xi-a haong Xinh-ga-po tui kuhria meda mboh tangin tame sa thỏa thuận  ka dự án padang ngak jalan pasei cao tốc pambuak pagam dua negar ini dalam bilan 12 tal. Bruk mboh tangin tame harak sanya ini meda peih jalan ka bruk khởi công padang ngak dự án ndom angaok nan meng thun 2018. Ma-lai-xi-a haong Xinh-ga-po daok ba tabiak jalan ngak piah ba jalan pasei cao tốc ini tame pandar dahlau di thun 2026. Jalan pasei cao tốc ini, meda ngak pakaatut jang tukvak panduan meng bal ine Cua-la Lăm-pơ (Kuala Lumpur) di Ma-lai-xi-a tal Xinh-ga-po trun daok 90 minit.

     #  Quốc hội Áp-ga-ni-xtan barau bãi nhiệm klau akaok mintri, dalam nan hu akaok mintri Ngoại giao X.Ráp-ba-ni, kayua ngak bruk oh siam saong pandar suan kadung jien karja hu parabha ./.