# Yaok rituh nhà báo dalam saong lingiu taneh ia tut angan tame ngak bruk dalam tuk tỉnh Quảng Ngãi peih rilo bruk ngak piah pahadar 50 thun harei 504 rahra palei Sơn Mỹ, xã Tịnh Khê, ban sit Quảng Ngãi, njauk pametai (16/3/1968-16/32018). Lingiu di nan daok hu yaok rituh tuai taneh ia lingiu lambaok ka dom kapul nyom dunya, kapul nyaom lingiu rajaei, kapul dom urang dahlau daih ngak bol lin Mỹ takre anit hòa bình tut angan hu mbaok tame bruk pahadar di mesup harei 16/3 di Khu chứng tích Sơn Mỹ.

# Thun ini, tỉnh Quảng Ngãi daok brei jaik 40 tỷ đồng, daong 15 xã ngak jalan nao mai di palei pala. Ông Nguyễn Tăng Bính, Phó akaok uy mban bhapbini tỉnh Quảng Ngãi pandar Sở Giao thông -Vận tải saong dom puk palei peih ngak siam bruk brei, tadun mek xi măng dalam Quí 3, thun ini: Jien thun ini hu paje lac Sở njauk ngak samal, khan ka puk palei thau, meda nyim xi măng di dom doanh nghiep jao veik ka dom puk palei peih ngak aval, ngak habal tal abih quý 3 hu ngak blaoh, meyah oh ka ngak  dalam bilan hajan dui atah oh khik hu chất lượng.

# Mesup 14/3, sa sruh radaih pajeng menuac khut jamriak di kreh jalan roya 1A labik nao tapa xã Cam An, huyện Cam Lộ, tỉnh Quảng Trị, ngak gar jalan atah labaih 2km. Yaok rituh radaih angaok jalan roya 1A nao mai biak kan kandah. Thau hu bruk nan, gah chức năng Quảng Trị hu ba radaih cẩu ô tô khách ini piah peih jalan ka radaih nao mai.

# Dom harei tapa, urang ngak ikan huyện Ninh Hải, Ninh Thuận njauk ruốc tasik yau nan ye urang bhapbini pambu ruốc rah tapeng jalan tame pasak huyen biak rilo. Rilo sang blei daok mek abih taneh klak saoh saong jalan hu raidaih nao mai ngak mblang pambu. Dom taneh klak saoh ini hu rilo dhur mun saong hareik hareim. Bruk njauk si ndom nan lac dom urang pambu ruốc tapak mong ye oh sangka ka dom bruk khik caga haci hacih pandap mbang, gam mek gai puh piah  bah ruốc, hu tuk juak dép tagok ruốc daok pambu.

# Mesup 14/3, dhar N1 (gah meng jalan Trường Chinh nao jalan roya 22) di dự án padang ngak hầm chui di nút giao thông An Sương hu peih tabiak ka radaih nao mai. Bruk padang ngak ini meda daong patrun bruk gar jalan di nút giao thông An Sương, pabah mbang gah pai ban raya HCM. Ông Trịnh Linh Phương, Phó Giám đốc Khu Quản lý giao thông đô thị ka 3 lac: Dự án ini hadei di tuk ngak bloh brei radaih peih nao mai meda daong patrun hu 60% dom radaih nao tame nút, plaih gaok gauk. Tuk peih jalan dhar N1, anak meta tok brei radaih ô tô peih dalam hầm.

Khaw tin dunya

# Hàn Quốc saong Mỹ peih bruk ginum biai ka Hiệp định Thương mại tự do mbang 3 di harei 15/03. Tui panuac khan meng mintri Thương mại Hàn Quốc, di mbang ginum biai, dua taneh ia meda biai ka yaok gah kein laba pambuak tal hu dua gah ginum biai dahlau nan di Xơ-un (Seoul), Hàn Quốc, jeng ye duah jalan piah jhul khang ginum biai.

# Ngoại trưởng Japon, ong Ta-rô Kô-nô brei thau, ong caong ginum biai ka bruk taom gaok pakat glaong Mỹ- Triều Tiên haong Ngọai trưởng bahrau di Mỹ di tukvak aval di abih. Ngoại trưởng Kô-nô lac yau nan anak báo giới harei 13/3 hadei di tuk Tổng thống Mỹ Đô-nan Trăm khan lac brei padeih bruk Ngoại trưởng Rếch Tin-lơ-sơn, salih meng Giám đốc Cục Tình báo Trung ương Mỹ (CIA), ong Mai-cơn Pom-peo.

# Rajaei Thái Lan njauk hatai bruk soạn thảo sa đạo luật khik ramik dom giao dịch meng jien điện tử saong kak je darak pasal jien padai barau min oh ka hu khik ramik ini. Ông Nathporn Chatusripitak (Na-pon Cha-tu-xri-pi-tắc), urang brei panuac di Phó Thủ tướng iek gah  kinh tế Somkid Jatusripital (Xổm-kít Gia-tu-xri-pi-tan), brei thau, mintri jien padai Thái Lan jeng hu pok tagok sa dự luật piah pacang cakak bruk lợi dụng jien kỹ thuật số piah rao jien saong bleik saleik.