# Dalam mbang tangi sua akaok mintri Công an Tô Lâm dalam mbang nyaom di Ủy ban Thường vụ Quốc hội harei 13-8, rilo urang Quốc hội hu ndom tal dom bruk tội phạm bahrau, tội phạm công nghệ glaong saong abih di nyu nan bruk dom urang jakar, urang lin công an ngak suan adat hukum. Tui pathau khan di Mintri Công an, tok kuhria meng thun 2017 tal harei ini, gah chức năng duah mboh 26.599 bruk ngak suan, tội phạm gah kinh tế saong 363 bruk tham nhũng, chức vụ. Tapa khởi tố pataom mek veik hu drap ar án kinh tế jaik 24.000 tỷ đồng saong drap ar án tham nhũng jaik 2.700 tỷ đồng. Njauk caik hatai nan lac thông đồng móc ngoặc di kol thoái hóa, biến chất dalam dom urang jakar, urang ngak bruk karja haong kol jhak gah lingiu..

        # Page 14-8, ông Nguyễn Văn Linh, Phó akaok uy mban bhapbini  huyện đảo Phú Quý (tỉnh Bình Thuận) brei thau, dah page harei ini dalam huyen hu ribuk khang ngak brei 30 baoh sang di urang bhapbini dalam xã Ngũ Phụng par tabung, jaleih saong khut rilo drap ar karei. Mbang ribuk daok ngak ka rilo phun buac gha, rilo taneh phun pala di urang bhapbini jaoh jaleih. Akaok uy mban bhapbini xã Ngũ Phụng daok brei thau lac, hadei di tuk rah tabiak bruk, gah chức năng di xã saong bộ đội hu mbaok piah duah thau khat lihik, daong ka urang bhapbini ramik veik sang danaok piah tani tanat raidiuk.

# Tỉnh Gia Lai urak ini hu labaih 800ha bơ, 600ha durian saong jaik 400ha panat, sak mau pala pablak dalam dom bein cà phê, amriak kalu. Kein laba  mek hu meng dom bein pala pablak glaong jang jaik 2 mbang tal 5 mbang duk saong pala sa janih phun công nghiệp. Dalam nan, bruk pala durian dalam bein cà phê brei kein laba glaong di abih, meng 150-250 triệu đồng yaok ha sa thun, rilo jang meng 3 tal 5 mbang. Ong Trần Xuân Khải, Phó akaok Chi cục pala drak saong khik caga phun pala tỉnh Gia Lai brei thau, darak blei daok praong saong lingik tasik taneh riya di tỉnh biak lagaih, nan ye urang nong daok peih praong taneh pala pablak phun mbang baoh dalam bein cà phê, amriak kalu:“Di Gia Lailingik tasik saong taneh riya biak lagaih piah patagok dom janih phun mbang baoh hu yaom glaong yau durian,bơ panat, pa-ok, sak mau, patei…Siam lagaih bahrau jeng mboh hu, nan lac dom urang đầu tư hu padang sang mac ngak njam patam baoh kraoh dalam tỉnh. Bruk peih praong taneh pala phun mbang baoh daok jeng jalan ngak di rilo puk palei dalam tỉnh.”

     # Tui pathau khan di sang iek ruak Chợ Rẫy, yaok harei di ini hu jaik 10.000 mbang urang ruak, dalam nan 90 % lac urang ruak meng tỉnh mai. Tukvak tapa, sang iek ruak hu ngak rilo bruk piah giảm tải, yau ye: peih bruk iek ruak meng 4 tuk meteh page, caik rilo haduk iek ruak, buh jien tame padang ngak barau cơ sở vật chất.... min oh pabak ginup bruk  iek ruak. Di var ngak bruk saong sang iek ruak Chợ Rẫy harei 13-8, akaok mintri Y tế Nguyễn Thị Kim Tiến brei thau, tuk taom gaok dom urang iek ruak mboh hu biak rilo urang ruak daok cang labaih 4 tuk piah hu iek ruak, biak glaih glan. Yau nan ye, piah ba urang ruak ngoại trú saong nội trú nao trun tuyến ala, njauk hu bruk salih bahrau praong. Akaok mintri Nguyễn Thị Kim Tiến lac : Njauk parilo vệ tinh tagok, sa lac prih praong dalam tòa sang ini. Kayua habal cơ sở 1 ini labaih 8 rabau bo hu 2 cơ sở karei gam praong gam barau bo oh pambuak pagam dom sang iek ruak quận huyện, min mek haduk iek ruak lac sang iek ruak.  

# Mbang akaok meti, 1.300 pok jien bac hu báo Nhân Dân brei ka 1.300 anek saih kan kathaot takre bac da-a di 13 tỉnh, ban dalam bhum taneran klraong Cửu Long. Ini hu maong lac mbang alin brei pok jien bac praong abih kuhria meng dahlau mai di bhum meng “kadung jien pajaih Việt" ngan saong yaom jien abih tih tagok tal 3 tỉ 9 rituh triệu đồng kayua Gilang pariak Bưu điện Liên Việt daong brei.  Bruk nan hu peih tabiak di melam 18/8 tal di Đại học Cần Thơ, hu mbaok dom urang pan akaok Đảng, Karja, Rajaei saong dom urang dang akaok dom tỉnh, ban dalam bhum. Bruk daok pamoang tal di danak dak alin jien bac "Asar pajaih Việt" báo Nhân dân lac pachreih bac, pachreih megru, samar pachreih ba, daong jien bac da-a ka yaok ribau anek saih kan kathaot takre bac da-a saong bac da-a naih joi di bhum, rik daong khik kajap an sinh xã hội.

Khaw tin dunya

         # Tập đoàn Samsung Electronics daok pasang iek brei padheih ngak sa dalam dom sang mac ngak phone par tangin di hãng ini di Trung Quốc kayua doanh số pablei pandap trun saong jien pah urang ngak tagok glaong. Yau nan, Samsung meda padheih ngak phone par tangin dalam thun ini di Thiên Tân Samsung daok dalam ban Thiên Tân.

         # Rajaei Prang samar ba tabiak khung hình phạt ngan saong bruk pandar katak oh tái chế piah ngak njauk tui sanya lac meng thun 2025 nao, pandar abihkatak tái chế. Lingiu di nan, dom doanh nghiệp pandar klak katak njauk ký quỹ dahlau di tuk ba tabiak sản phẩm. Tui kuhria, dom pandap pandar kadung nhựa oh tái chế meda tagok yaom tal 10%  meng thun anak.. 

# Takik di abih 12 urang metai saong 30 urang karei njauk rambuac dalam sa mbang bala radaih buýt di Ê-cua-đo (Ecuador). Bala rah tabiak tuk sruh radaih xe buýt daok nduac di jalan bo blait lái. Rilo urang ndik radaih lac dom cổ động viên barau gilac mai sang hadei di tuk maong mbang caoh blaong. Dom bala jalan mbak bhian rah tabiak di Ê-cua-đo. Tui kuhria mboh di gah khik ramik jalan mbak Ê-cua-đo brei thau, yaok harei hu takik abih 13 urang metai saong 142 urang njauk rambuac kayua bala jalan mbak di taneh ia Nam Mỹ. Makna di dom mbang bala ini rilo meng lac urang peih radaih.