# Harei 14/9, dom urang pan akaok tỉnh Quảng Trị hu panuac tacei brei padeih tong abih dom bruk ginum biai meng tỉnh, huyện tal xã piah patom tame pacang caga ribuk ka 10. Jeng dalam harei nan, tong abih anek saih dalam tỉnh hu padeih bac mbiah tal tuk abih ribuk. Dom gaiy kapan tame gah bloh brei rami ramik labik pataok ka nyu siam lagaih piah tuk ribuk tuh tame oh gaok gauk klah  tayah kapal. 

# Tukvak jaik ini, dom mblang tasik di Đà Nẵng mboh nerak trak di dom pabak tathuak ia tapeng tasik. Anak bruk ini, Ủy ban bhapbini ban Đà Nẵng jao ka dom gah pambuak tal pataom tame langyah nerak alam môi trường, cảnh quan di dom pabak tahthuak ia tapeng tasik, abih di nyu nan lac dom pabak tathuak ia di libik menaiy Phạm Văn Đồng, Mỹ Khê saong Sao Biển. 

# Tỉnh Kiên Giang peih ngak samu gauk dom jalan patagok khik iek  Labik khik ramik tasik Phú Quốc piah khik caga siam mekre, khang kajap labik khik ramik tasik ini dalam tuk dok pataok kinh tế, abih di nyu nan lac patagok du lịch di Phú Quốc. Dalam dom thun tapa, labik khik ramik tasik Phú Quốc taduan hu bruk dong gah kỹ thuật, jien nduadi dom kapul nyaom lingiu rjaei song rilo negar di dunya.   

# Uan Sen Đônta  di bhapnini  Khmer thun ini, tỉnh Trà Vinh kaoh tabiak meng kadung jienkarja jaik 600 triệu đồng piah ravang saong alin pandap ka dom baha, urang jakar lão thành, sang sarak saong sang kathaot lac bhapbini bangsa Khmer. Hu 70 baok baha saong 522 sang sarak, sang kathaot hu alin pandap mbang ini, yaok paok pandap yaom 1 triệu đồng.

  # Pahadar 72 thun harei Nam bộ kháng chiến( 23/9/1945-23/9/2017), harei 14/9, Công an phường Thống Nhất ban sit Biên Hoà, tỉnh Đồng Nai hu peih bruk alin 100 pok pandap, yaok pok yaom 500 ribau đồng, brei ka dom boh sang kan kathaot, hu rai duik kan kandah dok dalam phường. 

          # Urak ini urang nong di 2 huyện Ba Tri saong Giồng Trôm hu drak labaih 6.000 ha padai vụ Thu Đông (lac vụ 3). Ini lac vụ padai bo karja saong gah ngak nong tỉnh Bến Tre kakei urang nong jhui trun pajaih piah plaih gaok khat lihik kayua tua mbak saong halak halieng.

         # Labaih  4 tuk mesup harei  14/9, di  xã Quơn Long, huyện Chợ Gạo, tỉnh Tiền Giang sà lan tự hành trak jiak 400 tấn hu biển kiểm soát ĐT232.12 nduac di angaok krong Chợ Gạo, jalan meng  krong Vàm Cỏ Tây, tỉnh Long An  mai Tiền Giang  gaok gauk song  boh sà lan karei peih tui jalan cagar vei. Mbang gaok gauk ni ngak ka dom sà lan khut trak. Makna di bala nan dok hu dom jabat chức năng duah thau.  

          Khaw tin dunya

# Harei 14/9, sa mbang khuah trak rah tabiak di sa sang bac di ban ine Cua-la Lăm-pơ (Kuala Lumpur), Malaixia ngak takik abih 25 urang metai. Urak ini  gah cảnh sát daok duah thau makna ba tal khuah. 

  # Bộ Thống nhất Hàn Quốc harei 14/9 brei thau lac  dok pasang iek  dong  brei  8 triệu đô la Mỹ ka Cộng hòa dân chủ bhap bini Triều Tiên tapa dom kapul nyaom dunya. Tui Bộ thống nhất, rajaei daok kuhria peih sa mbang ginum biai di 2 gah Triều Tiên di harei 21 tháng 9 anak tal piah ba tabiak bruk lac hu atau oh bruk dong ngak pahla ka dom urang mbuan njauk tổn thương di Triều Tiên.

  # Kadung jien uraniah Liên hợp quốc (UNCEF) barau brei thau lac tapa pasang iek mboh hu 70% dom uranaih di cư daok pak Hy Lạp oh hu nao bac. Tapa duah thau, dom urang di cư meng Xyri saong rilo taneh ia karei jeng daok tuh mai Hy Lạp piah duah jalan nao tal dom taneh ia Tây Âu.  Tui kuhria hu jaik 60 rabau urang di cư daok hu mbaok di Hy Lạp./.