Khaw tin 6h30 harei 16-11
                                           

# Patui danak dak, harei  15-11 , hu rilo urang njauk hatai, Quốc hội brei tapa hukum ngak glai. Hukum ngak glai tacei taibak  bruk tui iek, khik caga, patagok, pandar glai, chế biến song pablei salih kaya glai. Hukum tacei tabiak cambaih laih, oh salih bruk pandar glai tự nhiên tapa bruk karei, lingiu di dự án prong di negar,  dự án duh ka bruk quốc phòng, an ninh negar; dự án praong njauk ngak chip karei hu rajaei brei adat.

# Tuk nao hu mbaok dalam nyaom biai pakat glaong ASEAN mbang yaka 31 saong dom nyaom biai pakat glaong pambuak tal di Manila, Philippines, di pasak nyaom biai dunya, Thủ tướng rajaei Nguyễn Xuân Phúc hu  taom gaok Thủ tướng Nga Medvedev saong Tổng thống Philippines Rodrigo Duterte.

#  Mintri Công Thương bahrau hu panuac javap chalei pambuak tal  Dự thảo Quyết định di  Thủ tướng rajaei tacei tabiak bruk cơ cấu yaom pablei rai điện. Saong daok samar ngak salah bloh dom kịch bản yaom điện tui panuac tacei di Phó Thủ tướng Vương Đình Huệ. Yaom pablei rai điện piah pandar, dom cơ sở lưu trú du lịch njauk tác động khang di abih dalam mbang  salih  cơ cẩu yaom  điện mbang ni.

# Hadei di ribik ka 12, yaok rituh cơ sở y tế, pato megru di tỉnh Khánh Hòa njauk khut trak, anek saih njauk padheih bac, urang ruak njauk ba salih tuyến. Meng kham merat ramik pasiam, urak ini dom labik ini hu ngak bruk gilac. Ribuk 12 jeng ngak brei 165 cơ sở y tế gaok kan kandah. Hadei di ribuk, tỉnh Khánh Hòa tacei pato dom gah Y tế, pato megru kham merat ramik pasiam dom khut khat, urak ini, dom cơ sở y tế, pato megru dalam tỉnh hu ngak bruk gilac yau yaok harei.

       #Mbang hajan ia sua khang meng bloh, ngak khat lihik rilo ka menuac urang song drap ar di tỉnh Quảng Ngãi. Rilo  jalan mbak, krong ribong, sang bac, bilai y tế njauk khut khat trak . Dalam dom harei tapa, bhap bini tỉnh Quảng Ngãi taduan hu rilo klah rabha di bhap bini, urang lin dalam negar. Tal tuk vak ni, tong abih pok jien dong ka urang gaok bala meng langik tasik tapa  Mặt trận tỉnh hu labaih 3,5 tỷ đồng, labaih 10.000 thùng mì tôm, 11 tấn brah song yaok rituh pok pandap song dom janih pandap mbang menyum karei karei.

# Harei di 4 harei peih ngak, kapul halan hatian “ Gavang tangin anit ranam” di tỉnh Đắk Lắk (kayua sa urang jaoh jo ngak akaok kapul) jak ba hu rilo urang dalam saong lingiu tỉnh daong jien saong harei ngak daong ka bhapnini bhum khat lihik kayua ribuk ka 12 ramik pasiam dom khut khat. Cambaih laih, kapul nyaom  jak ba hu dom urang hảo tâm daong jaik 50 triệu đồng, blei labaih 300 mét vuông tôn, piah tak tabung sang ka 4 sang di xã Yang Mao, huyện Krông Bông – libik gaok khat lihik trak abih di tỉnh Đắk Lắk dalam ribuk  12 meng blaoh.

# Gah Biên phòng tỉnh Kon Tum pambuak bruk song  Công an tỉnh Attapư, negar Lào bahrau taong tayah sa bruk pablei salih ma túy prong, cap hu hu 2 urang song 40 bánh hêrôin.   Di Km50- jalan roya 18B, di  huyện Phu Vông, tỉnh Attapưnegar CHDCbhap bini Lào gah  chức năng di 2 tỉnh chap hu  2 urang hu quốc tịch Lào, angan lac  Thao Lạt (Khăm Cợt) song Thao Hố (Khăm Kẹo) dok pablei salih hêrôin. Tang vật bo gah chức năng mek hu  di labik nan  lac  40 bánh Hêrôin, 1 sruh radeih  ô tô bán tải oh  hu biển số song 2 phone  tangin   

Khaw tin dunya

# Mintri Thương mại Thái Lan daok tabiak bruk saong dom jalan ngak piah pacang caga yaom bei plom trun dalam vụ mùa di bilan 11/2018. Tui kuhria hu yaok triệu tấn bei plom hu ba tabiak darak pasal. Dom bruk daong rilo meng lac pataom tame  apdang jalan pambuak pagam urang pala bei plom saong urang blei. 

# Sa tòa án pacang caga tham nhũng di Pakistan bahrau bahrau tabiak adat chap krieh akaok mintri jien padai I-sắc Đa, hadei di tuk ong ni rilo mbang oh tabiak mbaok anak tòa tui lệnh triệu tập. Akaok mintri jien padai  I-sắc Đa njauk cáo buộc lac kanduak rilo drap ar bất minh. Ong oh hu mbaok di dom mbang trình diện kayua sa jabat pacang caga tham nhũng negar di Pakistan peih ngak dalam luac 3 adit tapa. Urak ni ong I-sắc Đa dok iek ruak di Luân Đôn (London), negar  Anh song brei chap jip meng di tuk mai veik Pakistan.

# Dalam mbang ravang pakat karja di Lào tui panuac daa di Tổng Bí thư, akaok taneh ia Cộng hòa dân chủ bhapnini Lào Bun nhăng Vo lạ chit, Tổng Bí thư, akoak taneh ia Cộng hòa bhapnini Trung Hoa Tập Cận Bình hu var taom gaok Thủ tướng Lào Thong lun Xỉ xụ lít. Dua gah ginum biai ka jalan pambuak bruk di tukvak tal, nan lac ba jalan ka dom doanh nghiep Trung Quốc buh jien tame ngak mbang di Lào, abih di nyu nan lac gah cơ sở hạ tầng, vận tải, thủy lợi, du lịch, công nghiệp chế biến, ngak nong hacih siam ka alam môi trường…